Hujjat kuchini yo‘qotgan 28.09.2020

Oʻzbekiston Respublikasi Prezidentining

Farmoni

OʻZBEKISTON RESPUBLIKASINING DAVLAT VA IJTIMOIY QURILIShIDA XOTIN-QIZLARNING ROLINI OShIRISh ChORA-TADBIRLARI TOʻGʻRISIDA

LexUZ sharhi

Mazkur Farmon Oʻzbekiston Respublikasi Prezidentining 2020-yil 27-sentabrdagi PF-6075-sonli “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi Farmoniga asosan oʻz kuchini yoʻqotgan.

Ijtimoiy-iqtisodiy va madaniy rivojlanish masalalarini hal qilishga xotin-qizlarni keng jalb etish, ularning davlat va jamiyatni boshqarishdagi ishtirokini kengaytirish, oila, onalik va bolalikning ijtimoiy muhofaza etilganligini kuchaytirish, shuningdek vazirliklar, idoralar, hududiy boshqaruv organlari va jamoat tashkilotlarining ushbu yoʻnalishdagi faoliyatini muvofiqlashtirish maqsadida:

1. Oʻzbekiston Respublikasi Bosh vazirining oʻrinbosari yangi lavozimi joriy etilsin, uning zimmasiga xotin-qizlarning jamiyat hayotidagi rolini yanada oshirish bilan bogʻliq masalalarni boshqarish yuklansin. Belgilab qoʻyilsinki, Oʻzbekiston Respublikasi Xotin-qizlar qoʻmitasi raisi ayni paytda Bosh vazirning oʻrinbosari etib tayinlanadi.

2. Qoraqalpogʻiston Respublikasi Vazirlar Kengashi Raisining oʻrinbosari, hokimlarning oʻrinbosarlari lavozimlarini joriy etsinlar. Belgilab qoʻyilsinki, mazkur lavozimlarni tegishli xotin-qizlar qoʻmitalarining raislari egallaydilar.

Oldingi tahrirga qarang.

(3-band Oʻzbekiston Respublikasi Prezidentining 2004-yil 25-maydagi PF-3434-son Farmoniga muvofiq oʻz kuchini yoʻqotgan — OʻR QHT, 2004-y., 21-son, 251-modda)

4. Oʻzbekiston Respublikasi Moliya vazirligi joriy etiladigan lavozimlarni va ishchi organlarni taʼminlash uchun zarur mablagʻlar ajratsin.

5. Mazkur Farmonning bajarilishini nazorat qilish Oʻzbekiston Respublikasining Bosh vaziri A. Mutalov zimmasiga yuklansin.

Oʻzbekiston Respublikasining Prezidenti I. KARIMOV

Toshkent sh.,

1995-yil 2-mart,

PF-1084-son

(Oʻzbekiston Respublikasi Oliy Majlisining Axborotnomasi, 1995-y., 4-son, 71-modda; Oʻzbekiston Respublikasi Qonun hujjatlari toʻplami, 2004-y., 21-son, 251-modda)