Oʻzbekiston Respublikasi Prezidentining quyidagi farmonlariga oʻzgartishlar kiritilsin:

1. “Tamaki mahsulotlari va alkogolli ichimliklarga aksiz markalari qoʻllanishni takomillashtirish toʻgʻrisida” Oʻzbekiston Respublikasi Prezidentining 1997-yil 12-iyundagi PF-1789-son Farmoni 2-bandining uchinchi xatboshi quyidagi tahrirda bayon etilsin:

“Davlat daromadiga oʻtkaziladigan tamaki mahsulotlari va alkogolli ichimliklarni hisobga olish, baholash va sotish qonunchilikda belgilangan tartibda amalga oshiriladi”.

2. “Savdo sohasida monopoliyadan chiqarishni chuqurlashtirish toʻgʻrisida” Oʻzbekiston Respublikasi Prezidentining 1997-yil 19-dekabrdagi PF-1897-son Farmoni 1-bandining ikkinchi, uchinchi va toʻrtinchi xatboshlari chiqarib tashlansin.

3. “Oʻzbekiston Respublikasi hududiga isteʼmol tovarlari olib kelinishini tartibga solish toʻgʻrisida” Oʻzbekiston Respublikasi Prezidentining 2002-yil 11-iyuldagi PF-3105-son Farmonining 3-bandi quyidagi tahrirda bayon etilsin:

“3. Oʻzbekiston Respublikasi Davlat bojxona qoʻmitasiga bojxona qonunchiligini buzgan holda Oʻzbekiston Respublikasining bojxona hududiga tovarlar olib kelinishi faktlari aniqlangan taqdirda huquqbuzarlik buyumlarini qonunchilikda belgilangan tartibda davlat daromadiga musodara etish huquqi berilsin”;

4-bandning birinchi xatboshidagi “davlat mulkiga oʻtkazish” soʻzlari “davlat daromadiga oʻtkazish uchun bojxona organlari tomonidan musodara qilish” degan soʻzlar bilan almashtirilsin.