Hujjat kuchini yo‘qotgan 30.04.2021

Oʻzbekiston Respublikasi Prezidentining

Farmoni

OʻZBEKISTON RESPUBLIKASIDA TAShQI SAVDO FAOLIYATINI YaNADA ERKINLAShTIRISh ChORA-TADBIRLARI TOʻGʻRISIDA

LexUZ sharhi

Mazkur Farmon Oʻzbekiston Respublikasi Prezidentining 2021-yil 30-apreldagi PF-6218-sonli “Milliy qonunchilik bazasini kompleks tizimlashtirish chora-tadbirlari toʻgʻrisida”gi Farmoniga asosan oʻz kuchini yoʻqotgan.

Tashqi savdo faoliyatini yanada erkinlashtirish, eksport-import operatsiyalari amalga oshirilishi ustidan maʼmuriy nazorat usullarini qisqartirish hamda tashqi savdoni tartibga solish mexanizmini takomillashtirish maqsadida:

1. 2003-yilning 1-oktabridan import kontraktlarini Oʻzbekiston Respublikasi Tashqi iqtisodiy aloqalar, investitsiyalar va savdo vazirligida oldindan roʻyxatga olish bekor qilinsin.

Oldingi tahrirga qarang.

(1-bandning ikkinchi — beshinchi xatboshilari Oʻzbekiston Respublikasi Prezidentining 2017-yil 3-noyabrdagi PF-5215-son Farmoniga asosan chiqarilgan)

2. 2003-yilning 1-oktabridan boshlab Oʻzbekiston Respublikasi hududida import kontraktlarining bojxona monitoringi tizimi joriy etilsin. Bunday tizim import qilinadigan tovarlarni bojxona orqali baholashni, shuningdek vakolatli organlarning axborot ayirboshlash borasidagi hamkorligini koʻzda tutadi.

(2-bandning birinchi xatboshisi Oʻzbekiston Respublikasi Prezidentining 2012-yil 30-dekabrdagi PF-4494-sonli Farmoni tahririda — OʻR QHT, 2013-y., 1-son, 2-modda)

Oʻzbekiston Respublikasi Davlat bojxona qoʻmitasi import kontraktlarining bojxona monitoringini oʻtkazishni taʼminlaydigan vakolatli organ etib belgilansin.

3. Oʻzbekiston Respublikasi Prezidentining “Import operatsiyalarini tartibga solishga doir qoʻshimcha chora-tadbirlar toʻgʻrisida” 1998-yil 18-fevraldagi PF-1930-son Farmonining 3 va 4-bandlari oʻz kuchini yoʻqotgan deb hisoblansin.

4. Oʻzbekiston Respublikasi Vazirlar Mahkamasi bir hafta muddatda mazkur Farmonning ijrosi yuzasidan tegishli qaror qabul qilsin.

5. Ushbu Farmonning ijrosini nazorat qilish Oʻzbekiston Respublikasi Bosh vaziri Oʻ. T. Sultonov zimmasiga yuklatilsin.

Oʻzbekiston Respublikasining Prezidenti I. KARIMOV

Toshkent sh.,

2003-yil 26-sentabr,

PF-3321-son

(Oʻzbekiston Respublikasi Oliy Majlisining Axborotnomasi, 2003-y., 9-10-son, 164-modda; Oʻzbekiston Respublikasi Qonun hujjatlari toʻplami, 2005-y., 37-38-son, 282-modda; 2013-y., 1-son, 2-modda)