|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
IJTIMOIY-IQTISODIY TADQIQOTLAR MARKAZINING SAMARALI FAOLIYATI UChUN ZARUR ShART-ShAROITLAR YaRATIShGA DOIR QOʻShIMChA ChORA-TADBIRLAR TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Iqtisodiy tadqiqotlarni tashkil qilishni takomillashtirishga oid qoʻshimcha chora-tadbirlar toʻgʻrisida” 2005-yil 2-avgustdagi PQ-143-son qaroriga muvofiq va Ijtimoiy-iqtisodiy tadqiqotlar markazining samarali faoliyati uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligi:
2006-yilda Ijtimoiy-iqtisodiy tadqiqotlar markaziga Markazning asoslangan hisob-kitoblariga binoan uning moddiy-texnika bazasini mustahkamlash va bitta yengil avtomashina sotib olish uchun Davlat budjetidan mablagʻlar ajratsin;
2006-yildan boshlab har yili Davlat budjetidan Ijtimoiy-iqtisodiy tadqiqotlar markazining Toshkent shahar, A.Qayumov koʻchasi, 2-uyda joylashgan binosining joriy taʼminoti uchun Markazning asoslangan hisob-kitoblariga binoan zarur mablagʻlar ajratilishini nazarda tutsin.
2. Ijtimoiy-iqtisodiy tadqiqotlar markaziga ikkita yengil xizmat avtomashinasi taʼminoti uchun limit belgilansin.
3. Oʻzbekiston aloqa va axborotlashtirish agentligi Ijtimoiy-iqtisodiy tadqiqotlar markazini uning buyurtmanomasiga binoan zarur telefon aloqasi, shu jumladan Hukumat telefon aloqasi bilan taʼminlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2006-yil 21-aprel,
66-son
