|
Hujjat kuchini yo‘qotgan 22.02.2021
|
Hujjat 12.10.2000 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
BOShQARUV TUZILMASINI TAKOMILLAShTIRISh VA MAʼMURIY BOShQARUV APPARATI XODIMLARI SONINI QISQARTIRISh BOʻYIChA RESPUBLIKA KOMISSIYASINI TAShKIL ETISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Boshqaruv tuzilmasini takomillashtirish va maʼmuriy-boshqaruv xodimlari ish samaradorligini oshirish, ular sonini xoʻjalik yuritishning bozor usullari shartlariga muvofiqlashtirish, shuningdek boshqaruv xodimlari taʼminotiga davlat budjeti xarajatlarini qisqartirish maqsadida Vazirlar Mahkamasi qaror qiladi:
1. Boshqaruv tuzilmasini takomillashtirish va maʼmuriy-boshqaruv apparati xodimlari sonini qisqartirish boʻyicha ilovaga muvofiq tarkibda Respublika komissiyasi tashkil etilsin.
2. Respublika komissiyasi:
boshqaruvning amaldagi tuzilmasini va uning professional xodimlar bilan taʼminlanganligini, shuningdek maʼmuriy-boshqaruv apparati taʼminotining samaradorligini respublika darajasida va hududiy darajada tanqidiy oʻrganib chiqsin;
oʻrganib chiqish asosida kengaytirib yuborilgan, ortiqcha, bir-biriga oʻxshash tuzilmalarni, ularni mablagʻ bilan taʼminlash manbalaridan (budjet, budjetdan tashqari fondlar, xoʻjalik faoliyatidan ajratmalar) qatʼi nazar, tugatish, birlashtirish, qayta tashkil etish yuzasidan takliflar ishlab chiqsin;
tabaqalashtirilgan yondashishni hisobga olib, Vazirlar Mahkamasi komplekslarining takliflari asosida shu yil 15-dekabrgacha boʻlgan muddatda budjetdan mablagʻ bilan taʼminlanadigan va xoʻjalik hisobidagi tashkilotlarning maʼmuriy-boshqaruv xodimlarini 20 foizgacha qisqartirish yuzasidan Vazirlar Mahkamasiga takliflar kiritsin.
3. Vazirlar Mahkamasi komplekslari oʻz tarkibiga kiruvchi vazirliklar, idoralar, uyushmalar, konsernlar, korporatsiyalar, kompaniyalar va birlashmalar bilan birgalikda maʼmuriy-boshqaruv apparati xodimlari sonini 20 foizgacha qisqartirish haqida 2000-yil 1-noyabrgacha Respublika komissiyasiga takliflar taqdim etsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 12-oktabr,
398-son
Vazirlar Mahkamasining 2000-yil 12-oktabrdagi 398-son qaroriga
ILOVA
ILOVA
Boshqaruv tuzilmasini takomillashtirish va maʼmuriy-boshqaruv apparati xodimlari sonini qisqartirish boʻyicha Respublika komissiyasi
TARKIBI
| | | |
| Azimov R.S. | — | Bosh vazir oʻrinbosari, Moliya vaziri, komissiya raisi |
| Xalilov B.X. | — | Oʻzbekiston Respublikasi Prezidenti Devonining bosh inspektori, komissiya raisining oʻrinbosari (kelishuv boʻyicha |
|
Komissiya aʼzolari: | ||
| Golishev V.A. | — | Oʻzbekiston Respublikasi Prezidentining Davlat maslahatchisi (kelishuv boʻyicha) |
| Saidova G.K. | — | Vazirlar Mahkamasining Axborot-tahlil boshqarmasi boshligʻi |
| Abduqodirov R.V. | — | Vazirlar M�hkamasi Apparatining Rahbari |
| Ibrohimov Sh.Gʻ. | — | Mehnat vaziri |
| Polvon-zoda A.A. | — | Adliya vaziri |
| Xoʻjayev B.A. | — | Davlat soliq qoʻmitasining raisi |
| Shoabdurahmonov R.M. | — | Makroiqtisodiyot va statistika vaziri vazifasini bajaruvchi |
| Durnov G.G. | — | Oʻzbekiston Respublikasi Prezidenti Devonining bosh konsultanti (kelishuv boʻyicha) |
| Guskova T.N. | — | Moliya vazirining birinchi oʻrinbosari |
| Qudratov Gʻ.S. | — | Makroiqtisodiyot va statistika vazirining birinchi oʻrinbosari |
| Abdullayev Sh.Y. | — | Moliya vazirining oʻrinbosari |
