|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
2000-YILDA HOʻL MEVA-SABZAVOT MAHSULOTLARINI MARKAZLAShTIRILMAGAN HOLDA EKSPORT QILIShGA DOIR QOʻShIMChA ChORA-TADBIRLAR TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Hoʻl meva-sabzavot mahsulotlarini markazlashtirilmagan holda eksport qilishni yanada kengaytirish uchun qulay shart-sharoitlar yaratish maqsadida Vazirlar Mahkamasi qaror qiladi:
1. Vazirlar Mahkamasining 2000-yil 8-iyuldagi 261-son qarori bilan tasdiqlangan Jismoniy va yuridik shaxslar Oʻzbekiston Respublikasi rezidentlari tomonidan hoʻl meva-sabzavot mahsulotlarini respublika tashqarisiga chiqarishning vaqtinchalik tartibining amal qilishi 2000-yil 15-oktabrgacha uzaytirilsin.
2. Jismoniy va yuridik shaxslar — Oʻzbekiston Respublikasi rezidentlari tomonidan hoʻl meva-sabzavot mahsulotlari markazlashtirilmagan holda eksport qilinganda, shu jumladan, konsignatsiya shartlarida va barter asosida eksport qilinganda ularga Vazirlar Mahkamasining 2000-yil 8-iyuldagi 261-son qarorida belgilangan shartlar va beriladigan imtiyozlar 2000-yil 15-oktabrgacha saqlab qolinsin.
3. Mazkur qarorning bajarilishini nazorat qilish Oʻzbekiston Respublikasi bosh vaziri Oʻ. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 26-sentabr,
370-son
