“Yoʻl harakati qoidalarini buzganlik uchun javobgarlikni kuchaytirish toʻgʻrisida”gi Oʻzbekiston Respublikasi Qonuni qabul qilinishi munosabati bilan Oʻzbekiston Respublikasi Oliy Kengashi qaror qiladi:

2. Oʻzbekiston Respublikasi Ichki ishlar vazirligi 1992-yilning 1-iyunigacha:

yoʻl harakati qoidalarini buzganlik toʻgʻrisidagi materiallarni rasmiylashtirish va qarab chiqish chogʻida davlat avtomobil inspeksiyasining mansabdor shaxslari qonuniylikni buzishlari hamda suiisteʼmol qilishlarining oldini olish va payini qirqish boʻyicha, shuningdek shaxsiy sostav faoliyati ustidan zarur nazorat oʻrnatish boʻyicha chora-tadbirlarning samarali sistemasini ishlab chiqsin;

yoʻl harakati qoidalari buzilishining xillanishi hamda hisobga olinishini takomillashtirish maqsadida respublika hududida haydovchi guvohnomasining talonini joriy etsin;

haydovchi guvohnomasi va uning talonini olib qoʻyish, transport vositalaridan foydalanishni man etish, fuqarolarni yoʻl harakati qoidalariga oid bilimlarini tekshirishga yuborish tartibini belgilasin;

yoʻl harakati qoidalarini buzganlik boʻyicha maʼmuriy huquqbuzarlik toʻgʻrisidagi ishlarni yurgizishga doir yoʻriqnomani tasdiqlasin.

3. Yoʻl harakati qoidalarini buzganlik uchun javobgarlik toʻgʻrisidagi masalani hal etish chogʻida ichki ishlar idoralari xodimlarining noqonuniy xatti-harakatlari ustidan tobelik boʻyicha yuqori turuvchi idoraga hamda amaldagi qonunlarga muvofiq sudga shikoyat berilishi mumkin.

4. Belgilab qoʻyilsinki, ichki ishlar idoralari (militsiya) yoʻl harakati qoidalarini buzganlik uchun maʼmuriy tartibda soladigan jarimalar summasining oʻn foizi yoʻl harakati havfsizligi tadbirlarini taʼminlash uchun Oʻzbekiston Respublikasi Ichki ishlar vazirligining maxsus hisobiga oʻtkaziladi, jarima summasining qolgan qismi esa jarma solingan joydagi nohiya va shahar budjetiga kelib tushadi.

5. Oʻzbekiston Respublikasi Matbuot davlat qoʻmitasi Oʻzbekiston Respublikasi Ichki ishlar vazirligining buyurtmasiga binoan 1992-yilning 1-apreliga qadar haydovchilik guvohnomasi talonlarini, shuningdek yoʻl harakati qoidalarini buzganlik uchun jarima toʻlanganligi toʻgʻrisidagi kvitansiya va bayonlar blankalarini zarur miqdorda tayyorlab bersin.