|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
AL HAKIM AT-TERMIZIY XOTIRASIGA BAGʻIShLANGAN MILLIY KURASh BOʻYIChA II XALQARO TURNIRNI TAShKIL ETISh TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Yosh avlodni milliy anʼanalar va qadriyatlarimiz asosida har tomonlama barkamol tarbiyalash hamda milliy kurashning turlarini rivojlantirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat jismoniy tarbiya va sport qoʻmitasi hamda Surxondaryo viloyati hokimligining Al Hakim At-Termiziy xotirasiga bagʻishlab har ikki yilda bir marotaba milliy kurash boʻyicha Xalqaro turnir oʻtkazish toʻgʻrisidagi taklifi qabul qilinsin.
2. Xalqaro turnirning mutlaq gʻolibiga Oʻzbekiston Respublikasi Prezidentining maxsus sovrini taʼsis etilsin.
3. Xalqaro turnirni oʻtkazish bilan bogʻliq sarf - xarajatlar Surxondaryo viloyati mahalliy budjetidan qoplanishi maʼlumot uchun qabul qilinsin.
4. Ommaviy axborot vositalari milliy kurashni aholi, ayniqsa, yoshlar oʻrtasida keng targʻib etishga eʼtiborni kuchaytirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari S. Saidqosimov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1995-yil 3-aprel,
112-son
