|
Hujjat kuchini yo‘qotgan 22.02.2021
|
Hujjat 29.11.1996 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
PARRANDAChILIK XOʻJALIKLARINI KURKA GOʻShTI YETIShTIRISh UChUN MODERNIZATSIYA QILISh TOʻGʻRISIDA
[Koʻchirma]
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Kurka goʻshti yetishtirishni koʻpaytirish va sanoat kurkachiligi uchun respublikaning oʻz naslchilik bazasini yaratish maqsadida Vazirlar Mahkamasi qaror qiladi:
1. Oʻzbekiston Respublikasi Qishloq va suv xoʻjaligi vazirligining “MAD” (Isroil) firmasi texnologiyasi asosida 1-ilovaga muvofiq parrandachilik fabrikalarini modernizatsiya qilish va ularni yiliga 12500 tonna goʻsht yetishtirish uchun kurkalar oʻstirishga qayta ixtisoslashtirish toʻgʻrisidagi taklifi qabul qilinsin.
2. “Oʻzparrandasanoat” uyushmasi, ishlab chiqarish quvvatlarini 2-ilovaga muvofiq 1997-yilning (V choragida ishga tushirgan holda, kurkalarni jadal oʻstirish uchun texnologik asbob-uskunalar yetkazib berish va oʻrnatish yuzasidan “MAD” firmasi bilan 8 mln AQSh dollari summasida kontrakt tuzganligi maʼlumot uchun qabul qilinsin.
3. Parrandachilik fabrikalarini modernizatsiya qilishni mablagʻ bilan taʼminlash:
kontrakt qiymatining 85 foizi (6,8 mln AQSh dollari) — Isroil tashqi savdo tavakkalchiliklarini sugʻurta qilish korporatsiyasi (IFTRIK)ning sugʻurta qoplamasi ostida “Izrael Diskont Bank” (Isroil) banki krediti hisobiga,
kontrakt qiymatining 15 foizi (1,2 mln AQSh dollari) — “Oʻzparrandasanoat” uyushmasining oʻz mablagʻlari hisobiga.
qayta qurish va tayyorgarlik ishlarini bajarish uchun milliy valyutadagi (7,2 mln soʻm) xarajatlar — “Oʻzparrandasanoat” uyushmasining oʻz mablagʻlari hisobiga amalga oshirilishiga rozilik berilsin.
Xorijiy bank kreditini toʻlash “Oʻzparrandasanoat” uyushmasining oʻz mablagʻlari hisobiga amalga oshiriladi.
Keyingi tahrirga qarang.
4.Oʻzbekiston Respublikasi Moliya vaziri mazkur loyiha boʻyicha Oʻzbekiston Respublikasi Hukumati kafolatlarini belgilangan tartibda berishga vakil qilinsin.
5. Oʻzbekiston Respublikasi Adliya vazirligi Oʻzbekiston Respublikasi Hukumati kafolatlari yuzasidan belgilangan tartibda yuridik xulosa bersin.
6. Oʻzbekiston Respublikasi Tashqi iqtisodiy faoliyat milliy banki ikki oy muddatda kredit bitimini tuzsin va “Oʻzparrandasanoat” uyushmasi uchun IFTRIK sugʻurta qoplamasi ostida Isroil banki mablagʻlarini qayta moliyalashtirishni taʼminlasin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari Q. Gʻ. Obidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 29-noyabr,
426-son
Vazirlar Mahkamasining 1996-yil 29-noyabrdagi 426-son qaroriga
1-ILOVA
1-ILOVA
Oʻzbekistonda “MAD” firmasi texnologiyasini joriy etish asosida kurka goʻshti yetishtirish hajmlari
|
(tonna) | |||
| Kurkachilik xoʻjaliklari | Yillar | ||
| 1998 | 1999 | 2000 | |
| “Xonobod” AB (Andijon viloyati) | 2125 | 3400 | 4000 |
| “Chimyonparranda” AB (Fargʻona viloyati) | 3000 | 3000 | 3000 |
| “Rishton” AB (Fargʻona viloyati) | 2125 | 3400 | 3500 |
| Gʻoyipov nomli AB (Xorazm viloyati) | 1000 | 2000 | 2000 |
| Respublika boʻyicha jami | 8250 | 11800 | 12500 |
Vazirlar Mahkamasining 1996-yil 29-noyabrdagi 426-son qaroriga
2-ILOVA
2-ILOVA
Oʻzbekistonda kurka goʻshti yetishtirish loyihasi boʻyicha quvvatlarni ishga tushirish jadvali
|
Ishlarning nomi va turlari |
1997-yil | |||||||||||
| 1. | 2. | 3. | 4. | 5. | 6. | 7. | 8. | 9. | 10. | 11. | 12. | |
| Nasldor kurka joʻjalari yetkazib berish | * | * | * | | | | * | * | * | | | |
| Asbob-uskunalar yetkazib berish | * | * | * | * | * | * | * | | | | | |
| Veterinariya biologiya komponentlari yetkazib berish | | * | * | * | | | | | | | | |
| Asbob-uskunalarni oʻrnatish, montaj qilish va ishga tushirish-sozlash ishlari | | | | * | * | * | * | * | * | * | * | |
| Ishga tushirish | | | | | | | | | | | | |
