Oʻzbekiston Respublikasi Prezidentining “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi faoliyatini tashkil etish toʻgʻrisida” 2010-yil 2-martdagi PQ-1293-son qaroriga muvofiq hamda tovar va moliya bozorlaridagi raqobat, isteʼmolchilarning huquqlarini himoya qilish va reklama faoliyatiga doir ishlarni yanada takomillashtirish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi toʻgʻrisidagi nizom 1-ilovaga muvofiq;

Raqobatni himoya qilish va tovar bozorlarida monopolistik faoliyatni cheklash, isteʼmolchilarning huquqlarini himoya qilish va reklama faoliyatiga doir qonun hujjatlarini yanada takomillashtirish hamda ishlar samaradorligini oshirish chora-tadbirlari rejasi 2-ilovaga muvofiq tasdiqlansin.

2. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi tasdiqlangan Chora-tadbirlar rejasining muvofiqlashtirilishini, oʻz vaqtida va sifatli bajarilishini taʼminlasin hamda yilning har choragida Oʻzbekiston Respublikasi Vazirlar Mahkamasiga axborot bersin.

3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi monopoliyaga qarshi siyosatni, raqobatni rivojlantirishni, tabiiy monopoliyalar faoliyatini tartibga solishni, iqtisodiy nochor korxonalarni tarkibiy oʻzgartirishni, isteʼmolchilar huquqlari himoya qilinishini, shuningdek reklama faoliyatini nazorat qilishni amalga oshiruvchi davlat boshqaruvi organi hisoblanadi.

Monopoliyadan chiqarish va raqobatni rivojlantirish davlat qoʻmitasi oʻz faoliyatida Oʻzbekiston Respublikasi Vazirlar Mahkamasiga hisobot beradi.

2. Monopoliyadan chiqarish va raqobatni rivojlantirish davlat qoʻmitasi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga hamda boshqa qonun hujjatlariga, shuningdek mazkur Nizomga amal qiladi.

3. Monopoliyadan chiqarish va raqobatni rivojlantirish davlat qoʻmitasi tizimiga Qoraqalpogʻiston Respublikasi Monopoliyadan chiqarish va raqobatni rivojlantirish qoʻmitasi, viloyatlar va Toshkent shahar monopoliyadan chiqarish va raqobatni rivojlantirish hududiy boshqarmalari (keyingi oʻrinlarda hududiy organlar deb ataladi), Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi huzuridagi Monopoliyaga qarshi siyosatni takomillashtirish markazi (keyingi oʻrinlarda Markaz deb ataladi) kiradi.

4. Monopoliyadan chiqarish va raqobatni rivojlantirish davlat qoʻmitasi oʻz faoliyatini davlat va xoʻjalik boshqaruvi boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan oʻzaro hamkorlikda amalga oshiradi.

5. Monopoliyadan chiqarish va raqobatni rivojlantirish davlat qoʻmitasi va uning hududiy organlarini saqlash, ularning moddiy-texnika taʼminoti, kadrlari malakasini oshirish, ularni tayyorlash va qayta tayyorlash:

davlat budjeti mablagʻlari;

budjetdan tashqari jamgʻarma mablagʻlari;

qonun hujjatlarida taqiqlanmagan boshqa manbalar hisobiga amalga oshiriladi.

6. Monopoliyadan chiqarish va raqobatni rivojlantirish davlat qoʻmitasi, uning hududiy organlari yuridik shaxslar hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, Gʻaznachilik boʻlinmalarida hisob raqamlariga ega boʻladi.

7. Quyidagilar Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining asosiy vazifalari va faoliyati yoʻnalishlari hisoblanadi:

monopoliyaga qarshi samarali siyosatni amalga oshirish, raqobat toʻgʻrisida va tabiiy monopoliyalar toʻgʻrisidagi qonun hujjatlariga rioya etilishini nazorat qilish;

respublikada raqobat muhitini rivojlantirish uchun huquqiy maydonni yanada takomillashtirish, tovar yoki moliya bozorlarida, birinchi navbatda, ichki isteʼmol bozorida va reklama sohasida nohalol raqobatning oldini olish, davlat boshqaruvi va mahalliy davlat hokimiyati organlari tomonidan xoʻjalik yurituvchi subyektlarga nisbatan noqonuniy xatti-harakatlarga yoʻl qoʻymaslik, jamoat tuzilmalari bilan uzviy muvofiqlashtirgan holda isteʼmolchilarning qonuniy manfaatlari va huquqlari himoya qilinishini taʼminlash chora-tadbirlarini amalga oshirish;

iqtisodiy nochor korxonalarning moliyaviy-iqtisodiy ahvolini va raqobatbardoshliligini chuqur tahlil qilish, xoʻjalik yurituvchi subyektlarni tarkibiy oʻzgartirish va ularning bankrotligi boʻyicha funksiyalarni amalga oshirish, tarkibiy oʻzgartirish, sanatsiya va bankrotlik masalalarini koʻrib chiqishda davlat manfaatlarini ifodalash.

8. Monopoliyadan chiqarish va raqobatni rivojlantirish davlat qoʻmitasi oʻziga yuklangan vazifalarni bajarish uchun quyidagi funksiyalarni amalga oshiradi:

a) monopoliyadan chiqarish va monopoliyaga qarshi, shu jumladan tabiiy monopoliyalar tarmoqlarini tartibga solish hamda raqobat muhitini rivojlantirish sohasida:

tovar yoki moliya bozorida ustunlik mavqeini egallab turgan xoʻjalik yurituvchi subyektlarning hamda tabiiy monopoliyalar subyektlarining davlat reyestrlarini shakllantiradi va yuritadi;

xoʻjalik yurituvchi subyektlarni, shu jumladan tabiiy monopoliyalar subyektlarini tashkil etish, tarkibiy oʻzgartirish va tugatishda, shuningdek xoʻjalik yurituvchi subyektlarning ustav fondidagi (ustav kapitalidagi) aksiyalar (ulushlar)ni sotib olishda raqobat, tabiiy monopoliyalar toʻgʻrisidagi qonun hujjatlari talablariga rioya etilishini nazorat qiladi;

tovar yoki moliya bozorini oʻrganadilar va xoʻjalik yurituvchi subyektning yoki shaxslar guruhining u yerdagi ustunlik mavqei mavjudligini aniqlaydi, raqobatga qarshi xatti-harakatlarning va narxlar asossiz oʻsishining oldini oladi;

tabiiy monopoliyalarning mahsulotlari va xizmatlariga narxlar va tariflarni tahlil qiladi, tabiiy monopoliyalar subyektlarining mahsulotlari va ular koʻrsatadigan xizmatlar narxlarining asossiz ravishda oshirib yuborilishi va sifati pasaytirilishidan isteʼmolchilarning huquqlarini himoya qiladi;

tartibga solib boriladigan narxlar (tariflar)ga va tovarlar (ishlar, xizmatlar) narxlariga rioya etilishini nazorat qiladi;

tovar va moliya bozorlarida ustunlik mavqeini egallab turgan xoʻjalik yurituvchi subyektlar hamda tabiiy monopoliyalar subyektlari faoliyatini davlat tomonidan samarali tartibga solish va nazorat qilishni taʼminlashga, raqobat muhitini rivojlantirishga yoʻnaltirilgan normativ-huquqiy hamda metodologik bazani ishlab chiqadi va takomillashtiradi;

davlat va xoʻjalik boshqaruvi organlari, mahalliy davlat hokimiyati organlari tomonidan monopoliyadan chiqarish va raqobatni rivojlantirish respublika, tarmoq va mintaqaviy dasturlarini ishlab chiqish va amalga oshirishda qatnashadi;

monopoliyaga qarshi siyosatni yanada takomillashtirish, raqobatni rivojlantirish boʻyicha takliflar ishlab chiqadi, ularni Oʻzbekiston Respublikasi Vazirlar Mahkamasiga, davlat va xoʻjalik boshqaruvi organlariga, mahalliy davlat hokimiyati organlariga yuboradi;

oʻz vakolatlari doirasida xoʻjalik yurituvchi subyektlarni nohalol raqobatchilardan hamda davlat boshqaruvi va mahalliy davlat hokimiyati organlarining hamda raqobat, bankrotlik toʻgʻrisidagi qonun hujjatlarini buzayotgan mansabdor shaxslarning noqonuniy xatti-harakatlaridan himoya qiladi;

oʻz vakolatlari doirasida davlat boshqaruvi organlari, mahalliy davlat hokimiyati organlari hamda monopolist korxonalar tomonidan xoʻjalik yurituvchi subyektlarning tovar yoki moliya bozorlariga kirishini taʼminlash maqsadida qabul qilingan qonunchilik va boshqa hujjatlarning bajarilishini nazorat qiladi;

mahsulotlarning monopol turlarini birja savdolariga qoʻyish toʻgʻrisida belgilangan tartibda qarorlar qabul qiladi;

markazlashtirilgan manbalar va Hukumat kafolati ostidagi kreditlar hisobiga tovarlar (ishlar, xizmatlar)ni xarid qilish va qurilish ishlarini bajarishga tanlov savdolari oʻtkazishda qatnashadi.

shu jumladan tanlov (tender) va birja savdolari oʻtkazilishida raqobat toʻgʻrisidagi qonun hujjatlariga rioya etilishi ustidan nazorat qiladi;

raqobat toʻgʻrisidagi qonun hujjatlarini buzgan xoʻjalik yurituvchi subyektlar, davlat boshqaruvi organlari va mahalliy davlat hokimiyati organlari reyestrini yuritadi va eʼlon qiladi;

oʻz vakolatlari doirasida raqobat toʻgʻrisidagi qonun hujjatlarini qoʻllash masalalari boʻyicha tushuntirishlar beradi;

b) isteʼmolchilar huquqlarini himoya qilish va reklama bozorini tartibga solish sohasida:

isteʼmolchilar huquqlarini himoya qilish toʻgʻrisidagi va reklama toʻgʻrisidagi qonun hujjatlariga rioya etilishini qonun hujjatlarida belgilangan tartibda nazorat qiladi;

belgilangan tartibda isteʼmol tovarlariga narxlar va xizmatlarga tariflar monitoringini yuritadi, bozorda sifatsiz isteʼmol tovarlari va xizmatlar paydo boʻlishining oldini olish chora-tadbirlarini koʻradi;

jamoat tuzilmalari bilan birgalikda isteʼmolchilar huquqlari va manfaatlari himoya qilinishini, shuningdek aholining isteʼmol madaniyatini oshirish boʻyicha maʼrifiy ishlarni amalga oshiradi;

reklama sohasida nohalol raqobatga yoʻl qoʻymaslik maqsadida reklama bozorini tartibga solish va haqqoniy boʻlmagan reklamaga yoʻl qoʻymaslik chora-tadbirlarini koʻradi;

isteʼmolchilar huquqlarini himoya qilish va reklama bozorini tartibga solish sohasida normativ-huquqiy va metodologik bazani takomillashtiradi;

yuridik va jismoniy shaxslarning isteʼmolchilar huquqlarini himoya qilish va reklama masalalari boʻyicha murojaatlarini belgilangan tartibda koʻrib chiqadi;

isteʼmolchilarning huquqlarini himoya qilish va reklama toʻgʻrisidagi qonun hujjatlarini qoʻllash masalalari boʻyicha rasmiy tushuntirishlar beradi.

boshqa vazirliklar va idoralar bilan birgalikda isteʼmolchilarning huquqlarini himoya qilishga va reklama sohasida nohalol raqobatning oldini olishga yoʻnaltirilgan tadbirlar ishlab chiqilishi va amalga oshirilishini muvofiqlashtiradi.

v) iqtisodiy nochor korxonalar bankrotligi, ularni tarkibiy oʻzgartirish va sud boshqaruvchilari faoliyatini nazorat qilish borasida davlat tomonidan tartibga solishni amalga oshirish sohasida:

toʻlovga qodir boʻlmagan, zarar koʻrib ishlayotgan va iqtisodiy nochor korxonalarni aniqlash maqsadida, maʼlumotlar bazasini yaratish asosida, ustav fondida davlat ulushi boʻlgan korxonalarning moliyaviy ahvoli monitoringini olib boradi va tahlil qiladi;

bankrot korxonalarda tugatish tartibotlarining bajarilishi yuzasidan nazoratni tashkil qiladi, shuningdek sudgacha boʻlgan sanatsiya, sud sanatsiyasi va ustav fondida davlat ulushi boʻlgan korxonalarning tashqi boshqaruvi rejalarini kelishib oladi;

Oʻzbekiston Respublikasi Davlat mulki qoʻmitasi bilan birgalikda toʻlovga qodir boʻlmagan, bankrotlik belgilari boʻlgan, ustav fondida davlat ulushi mavjud korxonalarni davlat tasarrufidan chiqarish va xususiylashtirishda qatnashadi;

davlat va xoʻjalik boshqaruvi organlari takliflari asosida ustav fondida davlat ulushi boʻlgan iqtisodiy nochor korxonalarning bankrotligi, ularni tarkibiy oʻzgartirish va ixchamlashtirish tartibotlarini boshlash toʻgʻrisida qaror qabul qiladi;

mulkchilikning barcha shakllaridagi iqtisodiy nochor korxonalar bankrotligi yoki sudgacha sanatsiya qilish tartibotlarini amalga oshirishda kreditorlar manfaatlarini va aksiyadorlar (paychilar)ning mulkiy huquqlarini himoya qilishni taʼminlaydi;

ustav fondida davlat ulushi boʻlgan va (yoki) Oʻzbekiston Respublikasi oldida pul majburiyatlari boʻyicha qarzi boʻlgan korxonalarni sudgacha sanatsiya qilish toʻgʻrisida belgilangan tartibda qaror qabul qiladi;

tarkibiy oʻzgartirilishi kerak boʻlgan iqtisodiy nochor, zarar koʻrib ishlayotgan va past rentabelli korxonalarning, shuningdek ularga nisbatan bankrotlik tartibotlari qoʻllangan korxonalarning qurilishi tugallanmagan obyektlarini hamda asosiy fondlarini konservatsiya qilish va sotish masalalarini koʻrib chiqadi va bu haqdagi takliflarni Oʻzbekiston Respublikasi Vazirlar Mahkamasiga kiritadi;

sud boshqaruvchilarini tayyorlash tizimini tashkil etadi, ularni attestatsiyadan oʻtkazadi va sud boshqaruvchilarining yagona reyestrini yuritadi;

sud boshqaruvchilari attestatining amal qilishini toʻxtatish, vaqtinchalik toʻxtatib turish toʻgʻrisida qarorlar qabul qiladi;

davlat tomonidan qoʻllab-quvvatlanayotgan korxonalarning sudgacha boʻlgan sanatsiyasini uzaytirish va muddatidan oldin toʻxtatish toʻgʻrisida qarorlar qabul qiladi;

zarar koʻrib ishlayotgan, toʻlovga qodir boʻlmagan va iqtisodiy nochor korxonalarni tarkibiy oʻzgartirish, ixchamlashtirish, moliyaviy sogʻlomlashtirish va sudgacha boʻlgan sanatsiyani oʻtkazish davrida qonun hujjatlarida belgilangan shakllarda davlat tomonidan qoʻllab-quvvatlash toʻgʻrisida Oʻzbekiston Respublikasi Vazirlar Mahkamasiga takliflar kiritadi;

davlat va xoʻjalik boshqaruvi organlari, mahalliy davlat hokimiyati organlarining zarar koʻrib ishlayotgan hamda iqtisodiy nochor korxonalarni tarkibiy oʻzgartirish, ixchamlashtirish va moliyaviy sogʻlomlashtirish dasturlarining amalga oshirilishi toʻgʻrisidagi hisobotlarini eshitadi;

tashqi boshqaruvchilarning, shuningdek davlat tomonidan qoʻllab-quvvatlangan yoxud mulkida davlat ulushi boʻlgan sanatsiya qilinayotgan korxonalar rahbarlarining hisobotlarini eshitadi;

9. Monopoliyadan chiqarish va raqobatni rivojlantirish davlat qoʻmitasi oʻziga yuklangan vazifalar va funksiyalarni bevosita, shuningdek hududiy organ hamda Markaz orqali hal qiladi.

10. Monopoliyadan chiqarish va raqobatni rivojlantirish davlat qoʻmitasi oʻziga yuklangan vazifalar va funksiyalarni bajarish uchun quyidagi huquqlarga ega:

davlat boshqaruvi organlaridan, mahalliy davlat hokimiyati organlaridan, xoʻjalik yurituvchi subyektlardan, shu jumladan, tijorat banklaridan tovar va moliya bozorlari monopollashuvi darajasini tahlil qilish uchun zarur boʻlgan axborotlarni, shuningdek korxonalarning iqtisodiy nochorligi toʻgʻrisidagi maʼlumotlarni soʻrash va belgilangan tartibda bepul olish;

Oʻzbekiston Respublikasi Moliya vazirligining Nazorat-taftish bosh boshqarmasi bilan birgalikda tabiiy monopoliyalar subyektlari va monopolist korxonalar faoliyatini taqdim etilgan hisob-kitoblarning, deklaratsiya qilinayotgan narxlar shakllantirilishining asoslanganligi yuzasidan qonun hujjatlarida belgilangan tartibda tekshirish;

litsenziyalashni joriy etish yoki bekor qilish, bojxona tariflarini oʻzgartirish, kvotalarni joriy etish yoki bekor qilish toʻgʻrisidagi, shuningdek soliqlar va boshqa majburiy toʻlovlarni toʻlash boʻyicha imtiyozlar berish yoxud ularni bekor qilish, imtiyozli kreditlar va davlat tomonidan qoʻllab-quvvatlashning boshqa turlari toʻgʻrisidagi takliflarni tegishli davlat organlariga kiritish;

oʻz vakolatlari doirasida raqobat toʻgʻrisidagi qonun hujjatlari qoʻllanilishi masalalari boʻyicha tushuntirishlar berish;

qonun hujjatlarida belgilangan tartibda raqobat, tabiiy monopoliyalar, isteʼmolchilarning huquqlarini himoya qilish, reklama va bankrotlik toʻgʻrisidagi qonun hujjatlari buzilishini aniqlash, ular boʻyicha ish qoʻzgʻash va koʻrib chiqish;

raqobat, tabiiy monopoliyalar, bankrotlik, isteʼmolchilarning huquqlarini himoya qilish, reklama toʻgʻrisidagi qonun hujjatlari buzilishi va (yoki) ularning oqibatlarini tugatish, dastlabki holatni qayta tiklash haqidagi bajarilishi majburiy boʻlgan koʻrsatmalarni ijro etish uchun qonun hujjatlarida belgilangan tartibda xoʻjalik subyektlariga, davlat boshqaruvi organlariga, mahalliy davlat hokimiyati organlariga, shuningdek ularning mansabdor shaxslariga berish, shuningdek berilgan koʻrsatmalar bajarilishini nazorat qilish;

raqobat, tabiiy monopoliyalar, isteʼmolchilarning huquqlarini himoya qilish va reklama toʻgʻrisidagi qonun hujjatlari buzilganligi uchun xoʻjalik yurituvchi subyektlar, davlat boshqaruvi organlari, mahalliy davlat hokimiyati organlari, ularning mansabdor shaxslarini va boshqa jismoniy shaxslarni tegishli javobgarlikka tortish;

monopol korxonalarga, bankrotlik belgilariga ega boʻlgan korxonalarga ularni ixchamlashtirish va tarkibiy oʻzgartirish toʻgʻrisida koʻrsatmalar berish, shuningdek, zarurat boʻlganda, sud qaroriga koʻra bunday koʻrsatmalarning qonun hujjatlarida belgilangan tartibda majburiy bajarilishini amalga oshirish;

raqobat, tabiiy monopoliyalar, bankrotlik, isteʼmolchilarning huquqlarini himoya qilish va reklama toʻgʻrisidagi qonun hujjatlari qoʻllanilishi va buzilishi bilan bogʻliq ishlar yuzasidan sudga daʼvo va ariza bilan murojaat qilish, shuningdek bunday ishlarni sudda koʻrib chiqishda qatnashish;

maʼmuriy huquqbuzarlik toʻgʻrisidagi ishlarni oʻziga berilgan vakolatlar doirasida belgilangan tartibda koʻrib chiqish;

qonun hujjatlarida nazarda tutilgan hollarda va tartibda xoʻjalik yurituvchi subyektlarga va ularning mansabdor shaxslariga, shuningdek davlat va xoʻjalik boshqaruvi organlari hamda mahalliy davlat hokimiyati organlarining mansabdor shaxslariga jarimalar solish;

raqobat toʻgʻrisidagi qonun hujjatlari buzilishi, shu jumladan xoʻjalik yurituvchi subyektlardan raqobatga qarshi xatti-harakatlar natijasida asossiz olingan daromad (foyda)ni olib qoʻyish va (yoki) qonun hujjatlarida belgilangan tartibda isteʼmolchilarga qaytarish toʻgʻrisidagi ish boʻyicha va jarima solish toʻgʻrisida qaror qabul qilish;

agar mablagʻlarni undirish toʻgʻrisidagi qarorning qonun hujjatlarida belgilangan muddatlarda bajarilishi xoʻjalik yurituvchi subyektni bankrotlikka olib kelishi mumkin boʻlsa, xoʻjalik yurituvchi subyektga uning arizasiga koʻra, hayʼat qarori asosida summani boʻlib-boʻlib toʻlash imkoniyatini berish;

davlat va xoʻjalik boshqaruvi organlari, mahalliy davlat hokimiyati organlari, xoʻjalik yurituvchi subyektlar va ularning birlashmalari tomonidan raqobat, tabiiy monopoliyalar, isteʼmolchilar huquqlarini himoya qilish va reklama toʻgʻrisidagi qonun hujjatlariga rioya etilishini qonun hujjatlarida belgilangan tartibda tekshirish va uning monitoringini olib borish;

raqobat, tabiiy monopoliyalar, isteʼmolchilarning huquqlarini himoya qilish, reklama va bankrotlik toʻgʻrisidagi qonun hujjatlari buzilishi bilan bogʻliq jinoyatlar belgilari boʻyicha jinoiy ish qoʻzgʻash toʻgʻrisidagi masalani hal etish uchun materiallarni tegishli organlarga yuborish;

isteʼmolchilarning ularning isteʼmol huquqlari kamsitilishi toʻgʻrisidagi arizalari va shikoyatlari boʻyicha Nazorat qiluvchi organlar faoliyatini muvofiqlashtirish respublika kengashi bilan kelishgan holda ushbu huquqlarni buzgan korxonalar va tashkilotlarni tekshirish (ularning moliya-xoʻjalik faoliyatidan tashqari);

zarar koʻrib ishlayotgan va iqtisodiy nochor korxonalarni tarkibiy oʻzgartirish, ixchamlashtirish va moliyaviy sogʻlomlashtirish dasturlarini shakllantirishda qatnashish, shuningdek ularning amalga oshirilishi monitoringini olib borish;

davlat tomonidan qoʻllab-quvvatlangan taqdirda ustav fondida davlat ulushi boʻlgan korxonalar tomonidan suddan oldingi sanatsiya chora-tadbirlari amalga oshirilishini va bankrotlik tartibotlarining borishini nazorat qilish;

Oʻzbekiston Respublikasi Vazirlar Mahkamasiga va mahalliy davlat hokimiyati organlariga tarkibiy oʻzgartirish va sanatsiya amalga oshirilayotgan ijtimoiy infratuzilma obyektlarini, shuningdek korxonalarning umumiy foydalaniladigan ishlab chiqarish infratuzilmasi obyektlarini qonun hujjatlarida belgilangan tartibda mahalliy davlat hokimiyati organlari va ularning funksional tegishliligiga koʻra tegishli xoʻjalik birlashmalari balansiga berish toʻgʻrisida takliflar kiritish;

ustav fondida davlat ulushi boʻlgan va (yoki) pul majburiyatlari boʻyicha Oʻzbekiston Respublikasi oldida qarzi boʻlgan korxonalarning bankrotligi toʻgʻrisida ish qoʻzgʻash haqida xoʻjalik sudiga ariza bilan murojaat qilish;

bankrotlik toʻgʻrisidagi ishni koʻrib chiqish davrida tashqi boshqaruvni joriy etish, tashqi boshqaruv muddatini uzaytirish yoki qisqartirish, shuningdek tashqi boshqaruvchini oʻz vakolatlarini bajarishdan ozod qilish toʻgʻrisida xoʻjalik sudiga iltimosnoma kiritish;

qonun hujjatlariga muvofiq sud boshqaruvchilari faoliyatini nazorat qilish, sud boshqaruvchisi faoliyatida qonun hujjatlari muntazam ravishda yoki bir marta qoʻpol ravishda buzilganligi aniqlangan taqdirda uni oʻz vazifasini bajarishdan ozod qilish toʻgʻrisida xoʻjalik sudiga ariza bilan murojaat qilish va sud boshqaruvchilariga berilgan attestatlarning amal qilishini belgilangan tartibda toʻxtatib turish va toʻxtatish;

ustav fondida davlat ulushi boʻlgan va xoʻjalik sudi tomonidan bankrot deb eʼlon qilingan korxonalarni tugatish ishlarida qatnashish;

budjetdan tashqari jamgʻarma mablagʻlarini qonun hujjatlarida belgilangan tartibda tasarruf etish;

davlat va xoʻjalik boshqaruvi organlari, mahalliy davlat hokimiyati organlari hamda boshqa tashkilotlar, mansabdor shaxslar va fuqarolar uchun bajarilishi majburiy boʻlgan normativ-huquqiy hujjatlarni oʻz vakolatlari doirasida va belgilangan tartibda tasdiqlash;

zarur hollarda, davlat va xoʻjalik boshqaruvi boshqa organlari, mahalliy davlat hokimiyati organlari bilan birgalikda qoʻshma qarorlar, buyruqlar va boshqa hujjatlar chiqarish, shuningdek xulosalar olish uchun boshqa organlar mutaxassislarini jalb etish.

Monopoliyadan chiqarish va raqobatni rivojlantirish davlat qoʻmitasi Oʻzbekiston Respublikasi qonun hujjatlariga muvofiq boshqa huquqlarga ham ega boʻlishi mumkin.

11. Monopoliyadan chiqarish va raqobatni rivojlantirish davlat qoʻmitasi tomonidan mansabdor shaxslarga va fuqarolarga raqobat, isteʼmolchilar huquqlarini himoya qilish, reklama toʻgʻrisidagi, shuningdek bankrotlik toʻgʻrisidagi ishlarga oid qonun hujjatlari buzilganligi uchun jarimalar solish Oʻzbekiston Respublikasining Maʼmuriy javobgarlik toʻgʻrisidagi kodeksiga qatʼiy muvofiq ravishda amalga oshiriladi.

12. Monopoliyadan chiqarish va raqobatni rivojlantirish davlat qoʻmitasiga jarima sanksiyalarini qoʻllash boʻyicha berilgan huquqlar va vakolatlar faqat Qoʻmitaning markaziy apparatida hamda hududiy organlarida qonun hujjatlarida belgilangan tartibda tashkil etiladigan maxsus komissiyalar qarorlari asosida amalga oshiriladi.

13. Monopoliyadan chiqarish va raqobatni rivojlantirish davlat qoʻmitasi tabiiy monopoliyalar subyektlari hamda monopolist korxonalar mahsulotlari va xizmatlariga narx belgilash masalalarini tahlil qilish va oʻrganish boʻyicha oʻz faoliyatini Oʻzbekiston Respublikasi Moliya vazirligining Narx belgilash yigʻma boshqarmasi bilan muvofiqlashtirib boradi.

14. Monopoliyadan chiqarish va raqobatni rivojlantirish davlat qoʻmitasi oʻziga yuklangan vazifalar va funksiyalarning qonun hujjatlarida belgilangan tartibga qatʼiy muvofiq ravishda samarali bajarilishi uchun javob beradi.

15. Monopoliyadan chiqarish va raqobatni rivojlantirish davlat qoʻmitasiga Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan rais boshchilik qiladi.

Monopoliyadan chiqarish va raqobatni rivojlantirish davlat qoʻmitasi raisining Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan ikki nafar oʻrinbosari, shu jumladan bir nafar birinchi oʻrinbosari boʻladi.

16. Monopoliyadan chiqarish va raqobatni rivojlantirish davlat qoʻmitasi raisi:

Monopoliyadan chiqarish va raqobatni rivojlantirish davlat qoʻmitasi faoliyatiga umumiy rahbarlik qiladi hamda Monopoliyadan chiqarish va raqobatni rivojlantirish davlat qoʻmitasiga yuklangan vazifalar va funksiyalarning bajarilishi uchun shaxsan javob beradi;

zarurat boʻlganda, Monopoliyadan chiqarish va raqobatni rivojlantirish davlat qoʻmitasining markaziy apparati tuzilmasiga belgilangan tartibda oʻzgartirishlar kiritadi, xodimlarning umumiy belgilangan soni doirasida markaziy apparat va hududiy organlar shtat jadvalini, shuningdek Monopoliyadan chiqarish va raqobatni rivojlantirish davlat qoʻmitasining markaziy apparati va idoraviy mansub organlar xarajatlari smetasini tasdiqlaydi;

Monopoliyadan chiqarish va raqobatni rivojlantirish davlat qoʻmitasi markaziy apparati xodimlarini va uning hududiy organlari rahbarlarini, shuningdek Markaz direktorini belgilangan tartibda lavozimga tayinlaydi va lavozimdan ozod qiladi;

Monopoliyadan chiqarish va raqobatni rivojlantirish davlat qoʻmitasining tarkibiy va hududiy boʻlinmalari toʻgʻrisidagi nizomlarni belgilangan tartibda tasdiqlaydi;

hududiy organlarning Oʻzbekiston Respublikasi qonun hujjatlari buzilgan holda qabul qilingan qarorlari (yozma koʻrsatmalari)ni bekor qiladi.

Rais qonun hujjatlariga muvofiq boshqa vakolatlarni ham amalga oshiradi.

17. Monopoliyadan chiqarish va raqobatni rivojlantirish davlat qoʻmitasida rais (hayʼat raisi), uning oʻrinbosarlari (lavozimiga koʻra), shuningdek Monopoliyadan chiqarish va raqobatni rivojlantirish davlat qoʻmitasi faoliyatining asosiy yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibda hayʼat tashkil etiladi.

Hayʼat aʼzolarining soni va shaxsiy tarkibi Monopoliyadan chiqarish va raqobatni rivojlantirish davlat qoʻmitasi raisi taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.

Hayʼat quyidagilar bilan bogʻliq masalalarni koʻrib chiqadi:

Monopoliyadan chiqarish va raqobatni rivojlantirish davlat qoʻmitasi faoliyatining monopoliyaga qarshi tartibga solish tizimini yanada takomillashtirish, raqobat muhitini izchil rivojlantirish, tabiiy monopoliyalar subyektlari ustidan nazoratni kuchaytirish va xoʻjalik yurituvchi subyektlar tomonidan narxlarning asossiz oshirilishiga yoʻl qoʻymaslik, bankrotlik sohasida davlat tomonidan tartibga solish, iqtisodiy nochor korxonalarni tarkibiy qayta oʻzgartirish hamda sud boshqaruvchilari faoliyatini samarali nazorat qilishni taʼminlash, isteʼmolchilarning huquqlarini himoya qilish va reklama boʻyicha ushbu Nizomda belgilangan asosiy yoʻnalishlarini tayyorlash va amalga oshirish;

Monopoliyadan chiqarish va raqobatni rivojlantirish davlat qoʻmitasi nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidentining farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash, ularning oʻz vaqtida va sifatli amalga oshirilishini taʼminlash yuzasidan Monopoliyadan chiqarish va raqobatni rivojlantirish davlat qoʻmitasi rahbarlari va xodimlarining shaxsiy javobgarligini oshirish.

Hayʼat Monopoliyadan chiqarish va raqobatni rivojlantirish davlat qoʻmitasi vakolatiga tegishli boʻlgan boshqa masalalarni ham koʻrib chiqish huquqiga ega.

Hayʼat majlislariga Monopoliyadan chiqarish va raqobatni rivojlantirish davlat qoʻmitasi vakolatiga kiradigan masalalar boʻyicha boshqa vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.

Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqiladigan masalalar boʻyicha qarorlar oddiy koʻpchilik ovoz bilan qabul qilinadi.

Hayʼat qarorlari Monopoliyadan chiqarish va raqobatni rivojlantirish davlat qoʻmitasi qarorlari va raisning buyruqlari bilan amalga oshiriladi. Rais va hayʼat aʼzolari oʻrtasida kelishmovchiliklar kelib chiqqan taqdirda rais yuzaga kelgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikrini Oʻzbekiston Respublikasi Vazirlar Mahkamasiga maʼlum qilishlari mumkin.

Hayʼat faoliyati tartibi uning hayʼat tasdiqlaydigan reglamentida belgilanadi.

18. Monopoliyadan chiqarish va raqobatni rivojlantirish davlat qoʻmitasi hamda uning hududiy organlari ekspert kengashlari va boshqa maslahat organlari tashkil etishga haqlidir, ular toʻgʻrisidagi nizomlar tegishli ravishda Monopoliyadan chiqarish va raqobatni rivojlantirish davlat qoʻmitasi raisi va hududiy organ rahbari tomonidan tasdiqlanadi.

19. Hududiy organlar oʻz faoliyatini Monopoliyadan chiqarish va raqobatni rivojlantirish davlat qoʻmitasi raisi tomonidan tasdiqlanadigan oʻzlari toʻgʻrisidagi nizomlarga asosan amalga oshiradi.

20. Monopoliyadan chiqarish va raqobatni rivojlantirish hududiy organlari rahbarlari tegishli ravishda Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari bilan kelishgan holda, Hayʼat qarori asosida, belgilangan tartibda Monopoliyadan chiqarish va raqobatni rivojlantirish davlat qoʻmitasi raisi tomonidan lavozimga tayinlanadi va lavozimdan ozod qilinadi.

Hududiy organlar rahbarlarining oʻrinbosarlari va bosh buxgalterlari Monopoliyadan chiqarish va raqobatni rivojlantirish davlat qoʻmitasi raisi bilan kelishgan holda hududiy organ rahbari tomonidan lavozimga tayinlanadi va lavozimdan ozod qilinadi.

21. Monopoliyadan chiqarish va raqobatni rivojlantirish davlat qoʻmitasi markaziy apparati hamda uning hududiy organlari xodimlariga Oʻzbekiston Respublikasi Vazirlar Mahkamasining 1996-yil 12-apreldagi 147-son qaroriga 3 va 9-ilovalarda nazarda tutilgan mehnatga haq toʻlash shart-sharoitlari tatbiq etiladi.

22. Monopoliyadan chiqarish va raqobatni rivojlantirish davlat qoʻmitasida belgilangan tartibda budjetdan tashqari fond tashkil etiladi, uning mablagʻlari Monopoliyadan chiqarish va raqobatni rivojlantirish davlat qoʻmitasi xodimlari mehnatiga haq toʻlashga, ularni moddiy ragʻbatlantirishga, kadrlar malakasini oshirish, ularni tayyorlash va qayta tayyorlashga hamda moddiy-texnika taʼminotiga yoʻnaltiriladi.

23. Monopoliyadan chiqarish va raqobatni rivojlantirish davlat qoʻmitasini qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining 1997-yil 25-fevraldagi 106-son qarori bilan tasdiqlangan Oʻzbekiston Respublikasining Ichki suv transporti Ustavining 49-bandidagi “Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

3. Vazirlar Mahkamasining 2003-yil 13-fevraldagi 75-son qarori (Oʻzbekiston Respublikasi QT, 2003-y., 2-son, 15-modda) bilan tasdiqlangan Chakana savdo qoidalari 118-bandining toʻrtinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

4. Vazirlar Mahkamasining 2003-yil 1-iyuldagi 296-son qarori (Oʻzbekiston Respublikasi QT, 2003-y., 7-son, 54-modda) bilan tasdiqlangan Neft mahsulotlari sotuvchi korxonalarning cheklangan ustamalarini shakllantirish toʻgʻrisidagi nizomning 20-bandidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2005-yil 11-fevraldagi 59-son qaroriga (Oʻzbekiston Respublikasi QT, 2005-y., 2-son, 6-modda) 1-ilovaning 8 va 11-bandlari oʻz kuchini yoʻqotgan deb hisoblansin.

6. Vazirlar Mahkamasining 2005-yil 19-maydagi 129-son qarori (Oʻzbekiston Respublikasi QT, 2005-y., 5-son, 27-modda) bilan tasdiqlangan Muhofaza choralari, antidemping va kompensatsiya bojlarini qoʻllanish maqsadida tekshirish oʻtkazish tartibi toʻgʻrisidagi nizomning 27, 66-bandlari va 112-bandining birinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining”, “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari tegishli ravishda “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining”, “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

7. Vazirlar Mahkamasining 2005-yil 12-avgustdagi 196-son qaroriga (Oʻzbekiston Respublikasi QT, 2005-y., 8-son, 43-modda) 2-ilova 13-bandining “v” kichik bandi va 20-bandining “g” va “d” kichik bandlari oʻz kuchini yoʻqotgan deb hisoblansin.

8. Vazirlar Mahkamasining “Monopoliyaga qarshi qonun hujjatlarini, tabiiy monopoliyalar, isteʼmolchilarning huquqlarini himoya qilish va reklama toʻgʻrisidagi qonun hujjatlarini buzganlik uchun ish qoʻzgʻatish va ularni koʻrib chiqish tartibi toʻgʻrisidagi nizomni tasdiqlash haqida” 2005-yil 12-oktabrdagi 225-son qarorida (Oʻzbekiston Respublikasi QT, 2005-y., 9-10-son, 55-modda):

a) qarorning nomidagi “tadbirkorlik faoliyati erkinligining kafolatlari” soʻzlari chiqarib tashlansin;

b) muqaddimasi quyidagi tahrirda bayon qilinsin:

“Monopoliyaga qarshi qonun hujjatlariga, tabiiy monopoliyalar, isteʼmolchilarning huquqlarini himoya qilish, tadbirkorlik faoliyati erkinligining kafolatlari va reklama toʻgʻrisidagi qonun hujjatlariga rioya qilinishi ustidan samarali nazoratni taʼminlash maqsadida Vazirlar Mahkamasi qaror qiladi”;

v) 1-banddagi “tadbirkorlik faoliyati erkinligining kafolatlari” soʻzlari chiqarib tashlansin;

g) Monopoliyaga qarshi qonun hujjatlarini, tabiiy monopoliyalar, isteʼmolchilarning huquqlarini himoya qilish, tadbirkorlik faoliyati erkinligining kafolatlari va reklama toʻgʻrisidagi qonun hujjatlarini buzganlik uchun ish qoʻzgʻatish va ularni koʻrib chiqish tartibi toʻgʻrisidagi nizomda:

Nizomning nomidagi “tadbirkorlik faoliyati erkinligining kafolatlari” soʻzlari chiqarib tashlansin;

1-band quyidagi tahrirda bayon qilinsin:

“1. Mazkur Nizom “Tovar bozorlarida monopolistik faoliyatni cheklash va raqobat toʻgʻrisida”, “Tabiiy monopoliyalar toʻgʻrisida”, “Isteʼmolchilarning huquqlarini himoya qilish toʻgʻrisida”, “Reklama toʻgʻrisida”gi Oʻzbekiston Respublikasi qonunlariga muvofiq monopoliyaga qarshi qonun hujjatlari, tabiiy monopoliyalar, isteʼmolchilarning huquqlarini himoya qilish va reklama toʻgʻrisidagi qonun hujjatlari buzilganligi (keyingi oʻrinlarda matnda “qonun hujjatlari buzilganligi” deb yuritiladi) toʻgʻrisidagi ishlarning Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi va uning hududiy organlari (keyingi oʻrinlarda “monopoliyaga qarshi organ” deb yuritiladi) tomonidan koʻrib chiqilishining tashkiliy va huquqiy asoslarini belgilaydi”;

4-bandning ikkinchi xatboshidagi “hududiy monopoliyaga qarshi organlar” soʻzlari “Monopoliyadan chiqarish va raqobatni rivojlantirish davlat qoʻmitasi raisi qaroriga koʻra hududiy organlar” soʻzlari bilan almashtirilsin;

5-bandning ikkinchi xatboshi quyidagi tahrirda bayon qilinsin:

“monopoliyaga qarshi organ tomonidan belgilangan tartibda nazorat funksiyalarining amalga oshirilishi, shuningdek tahlil qilinishi davomida huquqni buzish belgilari mavjudligini koʻrsatuvchi yetarlicha maʼlumotlarning bevosita aniqlanishi”;

8-bandga quyidagi xatboshi qoʻshilsin:

“arizani oldindan koʻrib chiqish materiallari boʻyicha xulosalar va tushuntirishlar berish uchun vakolatli ekspertlar yoki mutaxassislarni jalb etish”;

15-band birinchi xatboshining birinchi jumlasidagi “ariza tushgan kundan” soʻzlaridan keyin “yoki nazorat funksiyalari amalga oshirilishi natijalariga koʻra ish qoʻzgʻatilgan kundan” soʻzlari qoʻshilsin;

19-bandga quyidagi mazmundagi toʻrtinchi xatboshi qoʻshilsin:

“materiallarni qoʻshimcha oʻrganish va soʻrash talab qilinadigan holatlar vujudga kelganda”;

toʻrtinchi xatboshi beshinchi xatboshi deb hisoblansin;

20-bandga quyidagi mazmundagi xatboshi qoʻshilsin:

“unga nisbatan ish qoʻzgʻatilgan xoʻjalik yurituvchi subyekt qonun buzilishini ixtiyoriy ravishda bartaraf etganda”;

37-band quyidagi tahrirda bayon qilinsin:

“37. Qonun hujjatlari buzilganligi toʻgʻrisidagi ishni koʻrib chiqish qatnashchilari monopoliyaga qarshi organ qarori (koʻrsatmasi)ga rozi boʻlmagan taqdirda qaror (koʻrsatma) qabul qilingan kundan boshlab bir oy muddatda sudga yoki Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasiga qaror (koʻrsatma)ni toʻliq yoki qisman haqiqiy emas deb eʼtirof etish toʻgʻrisida yoxud qaror (koʻrsatma)ni bekor qilish yoki oʻzgartirish haqida ariza bilan murojaat qilishga haqlidir.

Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasiga berilgan ariza ushbu bandning birinchi xatboshida koʻrsatilgan muddat tugagandan keyin koʻrib chiqishga qabul qilinmaydi”.

9. Vazirlar Mahkamasining 2005-yil 15-noyabrdagi 251-son qarori (Oʻzbekiston Respublikasi QT, 2005-y., 11-son, 61-modda) bilan tasdiqlangan Oʻzbekiston Respublikasi Investitsiya dasturiga kiritilgan loyihalarni tayyorlash va ularning amalga oshirilishi ustidan davlat monitoringi toʻgʻrisidagi nizomning 12-bandida:

a) oltinchi xatboshi chiqarib tashlansin;

b) yettinchi xatboshi oltinchi xatboshi deb hisoblansin.

10. Vazirlar Mahkamasining “Oʻzbekiston Respublikasi Prezidentining “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida” 2006-yil 5-yanvardagi PF-3706-son Farmonini amalga oshirish haqida” 2006-yil 11-yanvardagi 4-son qarori 2-bandining birinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

11. Vazirlar Mahkamasining “Toshkent shahrida yoʻlovchi transporti tizimini yanada takomillashtirish chora-tadbirlari toʻgʻrisida” 2006-yil 31-yanvardagi 11-son qarorida (Oʻzbekiston Respublikasi QT, 2006-y., 1-son, 6-modda):

a) Toshkent shahar hokimligi Yoʻlovchi transportining barcha turlari harakatini litsenziyalash va muvofiqlashtirish departamenti toʻgʻrisidagi nizom 8-bandining oʻninchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin;

b) Toshkent shahrida yoʻlovchilar tashish yoʻnalishlarini joylashtirish uchun ochiq tenderlarni tashkil etish va oʻtkazish toʻgʻrisidagi nizomning 12-bandidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

12. Vazirlar Mahkamasining “Mikrokreditbank” aksiyadorlik-tijorat banki faoliyatini tashkil etish va uning moddiy-texnika bazasini mustahkamlash chora-tadbirlari toʻgʻrisida” 2006-yil 6-maydagi 78-son qaroriga (Oʻzbekiston Respublikasi QT, 2006-y., 5-son, 28-modda) 1-ilovadagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining raisi” soʻzlari chiqarib tashlansin.

13. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Ulgurji va chakana savdoni liberallashtirish hamda uni rivojlantirish uchun qulay shart-sharoit yaratish chora-tadbirlari toʻgʻrisida” 2006-yil 23-fevraldagi PF–3722-son Farmoni)” 2006-yil 29-maydagi 99-son qaroriga (Oʻzbekiston Respublikasi QT, 2006-y., 5-son, 39-modda) ilovaning 8-bandi oʻz kuchini yoʻqotgan deb hisoblansin.

14. Vazirlar Mahkamasining 2006-yil 21-iyuldagi 145-son qarori (Oʻzbekiston Respublikasi QT, 2006-y., 7-son, 54-modda) bilan tasdiqlangan Davlat mulki boʻlgan obyektlarni davlat tasarrufidan chiqarish va xususiylashtirish tartibi toʻgʻrisidagi nizom 16-bandining yettinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

15. Vazirlar Mahkamasining “OʻzDEUavto” AJ mahsulotlarining narxlarini kelishib olish boʻyicha doimiy faoliyat yurituvchi komissiyaning yangi tarkibini tasdiqlash toʻgʻrisida” 2006-yil 5-avgustdagi 160-son qaroriga ilovaning 7-bandi quyidagi tahrirda bayon qilinsin:

“7. Lavozimi boʻyicha — Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi bosh boshqarmasi boshligʻi”

16. Vazirlar Mahkamasining “Davlat va xoʻjalik boshqaruvi, mahalliy davlat hokimiyati organlarining axborot-kommunikatsiya texnologiyalaridan foydalangan holda yuridik va jismoniy shaxslar bilan oʻzaro hamkorligini yanada takomillashtirish chora-tadbirlari toʻgʻrisida” 2007-yil 23-avgustdagi 181-son qaroriga (Oʻzbekiston Respublikasi QT, 2007-y., 8-son, 50-modda) 2-ilovada:

a) “Bajarish uchun masʼullar” ustuni 28 va 29-bandlaridagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari chiqarib tashlansin;

b) “Bajarish uchun masʼullar” ustuni 30-bandidagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

17. Vazirlar Mahkamasining 2007-yil 1-noyabrdagi 229-son qarori (Oʻzbekiston Respublikasi QT, 2007-y., 11-son, 62-modda) bilan tasdiqlangan Toshkent viloyati hokimligining Yoʻlovchi transportining barcha turlari harakatini litsenziyalash va muvofiqlashtirish departamenti toʻgʻrisidagi nizom 7-bandining toʻqqizinchi xatboshidagi “monopoliyadan chiqarish, raqobat va tadbirkorlikni qoʻllab-quvvatlash hududiy boshqarmasi” soʻzlari “monopoliyadan chiqarish va raqobatni rivojlantirish hududiy boshqarmasi” soʻzlari bilan almashtirilsin.

18. Vazirlar Mahkamasining “Mahsulotlarning monopol turlarini mavsumiy talabni hisobga olgan holda birja savdolariga qoʻyish mexanizmini takomillashtirish toʻgʻrisida” 2008-yil 4-martdagi 36-son qarorida (Oʻzbekiston Respublikasi QT, 2008-y., 2-3-son 7-modda):

a) 2-bandning birinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin;

b) Mahsulotlarning monopol turlarini mavsumiy talabni hisobga olgan holda birja savdolariga qoʻyish tartibi toʻgʻrisidagi nizom 2-bandidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

19. Vazirlar Mahkamasining “2008 — 2012-yillarda Surxondaryo viloyatini kompleks ijtimoiy-iqtisodiy rivojlantirish dasturi toʻgʻrisida” 2008-yil 20-iyundagi 136-son qaroriga 2-ilovaning oʻn ikkinchi xatboshi quyidagi tahrirda bayon qilinsin:

“Ismoilov J.Gʻ. — Monopoliyadan chiqarish va raqobatni rivojlantirish davlat qoʻmitasi raisi”

20. Vazirlar Mahkamasining “Toshkent shahrida yer uchastkalari berish tartibini yanada takomillashtirish va ulardan maqsadli foydalanish chora-tadbirlari toʻgʻrisida” 2008-yil 22-avgustdagi 189-son qaroriga ilovadagi “Ulashov B.S. — Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining raisi vazifasini bajaruvchi” soʻzlari “Ismoilov J.Gʻ. — Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi raisi” soʻzlari bilan almashtirilsin.

21. Vazirlar Mahkamasining 2008-yil 24-dekabrdagi 277-son qarori (Oʻzbekiston Respublikasi QT, 2008-y., 12-son 67-modda bilan tasdiqlangan Tabiiy monopoliyalar subyektlari tomonidan majburiy xizmat koʻrsatilishi kerak boʻlgan isteʼmolchilarga tovarlar sotish, ishlarni bajarish va xizmatlar koʻrsatish tartibi toʻgʻrisidagi nizom 3-bandining birinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining” soʻzlari bilan almashtirilsin.

22. Vazirlar Mahkamasining “Iqtisodiyotning real sektori sohasida korxonalarni va investitsion faollikni kredit yoʻli bilan qoʻllab-quvvatlashni taʼminlash chora-tadbirlari toʻgʻrisida” 2008-yil 31-dekabrdagi 288-son qaroriga 1-ilovadagi “Ulashov B.S. — Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining raisi vazifasini bajaruvchi” soʻzlari “Ismoilov J.Gʻ. — Monopoliyadan chiqarish va raqobatni rivojlantirish davlat qoʻmitasi raisi” soʻzlari bilan almashtirilsin.

23. Vazirlar Mahkamasining 2008-yil 31-dekabrdagi 290-son qarori bilan tasdiqlangan Eksport qiluvchi korxonalarning banklarning kreditlari boʻyicha muddati oʻtkazib yuborilgan va joriy qarzlari summasini tarkibiy oʻzgartirish hamda jarima sanksiyalari va penyalarni hisobdan chiqarish boʻyicha murojaatlarini Komissiya tomonidan koʻrib chiqish tartibi toʻgʻrisidagi Vaqtinchalik nizom 2-bandining ikkinchi xatboshidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

24. Vazirlar Mahkamasining “Toshkent viloyatida yuridik va jismoniy shaxslarga yer uchastkalari berish tartibini yanada takomillashtirish va ulardan maqsadli foydalanish chora-tadbirlari toʻgʻrisida” 2009-yil 20-yanvardagi 16-son qaroriga ilovadagi “Ulashov B.S. — Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining raisi vazifasini bajaruvchi” soʻzlari “Ismoilov J.Gʻ. — Monopoliyadan chiqarish va raqobatni rivojlantirish davlat qoʻmitasi raisi” soʻzlari bilan almashtirilsin.

25. Vazirlar Mahkamasining “2009-2010-yillarda Navoiy viloyatini kompleks ijtimoiy-iqtisodiy rivojlantirish Dasturi toʻgʻrisida” 2009-yil 11-fevraldagi 37-son qaroriga 3-ilovadagi “Ulashov B.S. — Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining raisi vazifasini bajaruvchi” soʻzlari “Ismoilov J.Gʻ. — Monopoliyadan chiqarish va raqobatni rivojlantirish davlat qoʻmitasi raisi” soʻzlari bilan almashtirilsin.

26. Vazirlar Mahkamasining “2009 — 2013-yillarda oʻrta maxsus, kasb-hunar taʼlimi muassasalari uchun darsliklar va oʻquv qoʻllanmalarini nashr etish Dasturi toʻgʻrisida” 2009-yil 20-martdagi 80-son qarorining 8-bandidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

27. Vazirlar Mahkamasining 2009-yil 2-apreldagi 94-son qarori bilan tasdiqlangan Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi toʻgʻrisidagi nizom 11-bandining “v” kichik bandidagi va 17-bandidagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

28. Vazirlar Mahkamasining “Internet tarmogʻida Oʻzbekiston Respublikasining Hukumat portaliga axborotlarni taqdim etish va joylashtirish tartibi toʻgʻrisida” 2009-yil 21-apreldagi 116-son qaroriga (Oʻzbekiston Respublikasi QT, 2009-y., 4-son, 30-modda) 1-ilovaning “Masʼullar” ustunida:

a) 9-banddagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin;

b) 11-banddagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari chiqarib tashlansin.

29. Vazirlar Mahkamasining 2009-yil 29-iyuldagi 216-son qarori (Oʻzbekiston Respublikasi QT, 2009-y., 7-son, 58-modda) bilan tasdiqlangan Oilaviy tadbirkorlikni hamda hunarmandchilik faoliyatini amalga oshirish tartibi toʻgʻrisidagi nizom 15-bandining birinchi xatboshidagi “Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari chiqarib tashlansin.

30. Vazirlar Mahkamasining 2009-yil 26-oktabrdagi 280-son qarori (Oʻzbekiston Respublikasi QT, 2009-y., 9-10-son, 68-modda) bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi toʻgʻrisidagi nizomga 3-ilovaning 4-bandidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi hududiy boshqarmasi rahbari” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi hududiy organi rahbari” soʻzlari bilan almashtirilsin.

31. Vazirlar Mahkamasining “Alkogolli mahsulotlar uchun eng kam ulgurji-sotish va chakana narxlarni joriy etish toʻgʻrisida” 2009-yil 23-dekabrdagi 327-son qarorining 4-bandidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.

32. Vazirlar Mahkamasining “2010-yilgi davlat statistika ishlari dasturini tasdiqlash toʻgʻrisida” 2010-yil 18-yanvardagi 7-son qaroriga ilovaning II boʻlimidagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” soʻzlari “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasi” soʻzlari bilan almashtirilsin.