toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
“ChKALOV NOMIDAGI TOShKENT AVIATSIYA IShLAB ChIQARISh BIRLAShMASI”DAVLAT-AKSIONERLIK JAMIYATINING FARGʻONA MEXANIKA ZAVODIDA YENGIL AVTOMOBILLAR UChUN GʻILDIRAK DISKLARI IShLAB ChIQARIShNI TAShKIL ETISh TOʻGʻRISIDA
[Koʻchirma]
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“OʻzDEUavto” qoʻshma korxonasi ishlab chiqarayotgan yengil avtomobillar uchun gʻildirak disklari ishlab chiqarishni tashkil etish maqsadida Vazirlar Mahkamasi qaror qiladi:
1. “Chkalov nomidagi Toshkent aviatsiya ishlab chiqarish birlashmasi” davlat-aksionerlik jamiyati va “Oʻzavtosanoat” uyushmasining Fargʻona mexanika zavodida ish unumi yiliga 1050 ming dona boʻlgan gʻildirak disklari ishlab chiqarishini tashkil etish toʻgʻrisidagi taklifiga rozilik berilsin.
2. Maʼlumot uchun qabul qilinsinki,
gʻildirak disklari ishlab chiqarish “Fontayn” (Niderlandlar) va “Ayzenmann” (Germaniya) firmalarining ilgʻor texnologiyalari va ishlab chiqarish uskunalaridan foydalangan holda tashkil etiladi;
uskunalar montaj qilish va ishga tushirish ishlari tugallangan holda 1997-yil 31-dekabrgacha yetkazib beriladi.
4. “Chkalov nomidagi Toshkent aviatsiya ishlab chiqarish birlashmasi” davlat-aksionerlik jamiyatining avtomobil gʻildiraklari disklari ishlab chiqarishiga “OʻzDEUavto” qoʻshma korxonasi avtomobillari uchun butlovchi buyumlar ishlab chiqaruvchi sifatida Vazirlar Mahkamasining 1992-yil 5-noyabrdagi 509-son qarorining 6-bandi joriy etilsin.
5. Mazkur qarorning bajarilishini nazorat qilish Bosh vazir Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 9-iyul,
242-son