toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
OLIY MAJLIS BINOSINI QURILIShI TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oliy Majlis binosini foydalanishga topshirishni soʻzsiz taʼminlash maqsadida Vazirlar Mahkamasi qaror qiladi:
1. Toshkent shahar hokimligi Oliy Majlis binosini qurilish boʻyicha — buyurtmachi, “Toshkentuyjoyinvestqurilish” korporatsiyasi esa bosh pudratchi etib belgilansin.
2. Oʻzbekiston Respublikasi Moliya vazirligi 1996-yilda qurilish hamda materiallar va asbob-uskunalarni respublika tashqarisida sotib olish uchun zarur boʻlgan mablagʻlar maqsadli ajratilishini nazarda tutsin.
Pul-kredit siyosati boʻyicha respublika komissiyasi obyekt qurilish uchun asbob-uskunalar va materiallar sotib olishga yoʻnaltirilgan pul mablagʻlarini konvertatsiya qilishda koʻmaklashsin.
“Oʻzistiqbolstat” davlat qoʻmitasi 1996-yilga moʻljallangan dasturni tuzishda koʻrsatib oʻtilgan obyektni investitsiya dasturiga kiritish nazarda tutsin.
3. “Oʻzqurilishmateriallari” davlat konserni va “Oʻzulgurjibirjasavdo” uyushmasi bosh pudratchi-”Toshkentuyjoyinvestqurilish” korporatsiyasining roʻyxati boʻyicha zarur miqdordagi marmar, granit va boshqa moddiy-texnika resurslari shartnoma asosida yetkazib berilishi taʼminlansin.
4. Obyektning belgilangan muddatda ishga tushirilishini taʼminlash maqsadida “Toshsotsuyjoybank” loyiha-smeta hujjatlari tasdiqlagunga qadar mablagʻ bilan taʼminlashni ish chizmalari boʻyicha amalga oshirsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H.Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 23-yanvar,
34-son