toggle_night_mode
Hujjat 12.05.1998 sanasi holatiga
Amaldagi versiyaga o‘tish
Oʻzbekiston Respublikasi Vazirlar Mahkamasining
qarori
SAVDO-IQTISODIY VA ILMIY-TEXNIKAVIY HAMKORLIK BOʻYICHA OʻZBEKISTON — SLOVAKIYA HUKUMATLARARO KOMISSIYASINI TASHKIL ETISH TOʻGʻRISIDA
Savdo-iqtisodiy va ilmiy-texnikaviy hamkorlik boʻyicha Oʻzbekiston — Slovakiya hukumatlararo komissiyasini tashkil etish toʻgʻrisida Oʻzbekiston Respublikasi Hukumati bilan Slovakiya Respublikasi oʻrtasidagi Bitimni amalga oshirish maqsadida Vazirlar Mahkamasi qaror qiladi:
1. Hukumatlararo komissiyaning Oʻzbekistonga oid qismi ilovaga muvofiq tarkibida tasdiqlansin.
2. Quyidagilar:
respublika vazirliklari, idoralari va tashkilotlarining Slovakiya Respublikasi bilan savdo-iqtisodiy va ilmiy-texnikaviy hamkorlikni rivojlantirishga oid faoliyatini muvofiqlashtirish funksiyalarini bajarish hukumatlararo komissiyaga;
savdo-iqtisodiy va ilmiy-texnikaviy hamkorlik boʻyicha hukumatlararo komissiya kotibiyati funksiyalarini bajarish Oʻzbekiston Respublikasi Tashqi iqtisodiy aloqalar vazirligiga yuklansin.
Keyingi tahrirga qarang.
3. Savdo-iqtisodiy va ilmiy-texnikaviy hamkorlik boʻyicha hukumatlararo komissiya Slovakiya tomoni bilan kelishgan holda 1998-yil may oyining ikkinchi oʻn kunligida Toshkent shahrida savdo-iqtisodiy va ilmiy-texnikaviy hamkorlik boʻyicha hukumatlararo komissiyaning birinchi yigʻilishini oʻtkazsin.
4. Mazkur qarorning bajarilishini nazorat qilish Vazirlar Mahkamasining Tashqi iqtisodiy faoliyatni muvofiqlashtirish departamentiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 12-may,
201-son
Vazirlar Mahkamasining 1998-yil 12-maydagi 201-son qaroriga
ILOVA
Savdo-iqtisodiy va ilmiy-texnikaviy hamkorlik boʻyicha hukumatlararo komissiyaning Oʻzbekistonga oid qismi
TARKIBI
Islomov Z.M. ‎ —‎ Tashqi iqtisodiy aloqalar vazirining oʻrinbosari (rais) ‎
Oxunov A.A. ‎ —‎ Fan va texnika davlat qoʻmitasi raisining birinchi oʻrinbosari (rais oʻrinbosari)
Komissiya aʼzolari:
Yusupov N.S. ‎ —‎ Qishloq va suv xoʻjaligi vazirining birinchi oʻrinbosari
Xalilov B.X. ‎ —‎ Makroiqtisodiyot va statistika vazirining oʻrinbosari
Sobirov M.A. ‎ —‎ Tovar ishlab chiqaruvchilar va tadbirkorlar palatasi raisi
Qoʻchqorov J.A. ‎ —‎ Moliya vazirining oʻrinbosari
Abdullayev Q.Sh. ‎ —‎ Mudofaa vazirining oʻrinbosari
Mirboboyev B.A. ‎ —‎ Tashqi iqtisodiy faoliyat milliy banki raisining oʻrinbosari
Shodmonov R.V. ‎ —‎ “Toshkentuyjoyinvestqurilish” korporatsiyasi raisining oʻrinbosari
Kim F.N. ‎ —‎ “Oʻzbekyengilsanoat” davlat uyushmasi raisining oʻrinbosari
Haqqulov A.M. ‎ —‎ “Oʻzavtosanoat” uyushmasi raisining oʻrinbosari
Norboyev A.Yu. ‎ —‎ Xorijiy investitsiyalar boʻyicha agentlik bosh direktorining oʻrinbosari
Inoyatov M.A. ‎ —‎ Tashqi iqtisodiy aloqalar vazirligining yetakchi mutaxassisi, masʼul kotib
Keyingi tahrirga qarang.