OʻZBEKISTON RESPUBLIKASI QONUN HUJJATLARI MAʼLUMOTLARI MILLIY BAZASIDAN KENG FOYDALANISHNI TAʼMINLASH CHORA-TADBIRLARI TOʻGʻRISIDA
Yuridik va jismoniy shaxslarning meʼyoriy-huquqiy hujjatlar matnlaridan keng foydalanishini taʼminlash, shuningdek axborot-kommunikatsiya texnologiyalarining zamonaviy vositalaridan foydalangan holda huquqiy axborotlarni aholi eʼtiboriga yetkazish uchun qoʻshimcha shart-sharoitlar yaratish maqsadida Vazirlar Mahkamasi qaror qiladi:
[OKOZ:
1.01.00.00.00 Konstitutsiyaviy tuzum / 01.14.00.00 Davlat organlarining huquq ijodkorligi faoliyati / 01.14.06.00 Normativ-huquqiy hujjatlarni hisobga olish va turkumlash;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.07.00 Huquqiy axborot;
3.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.08.00 Axborotni taqdim qilish. Axborot xizmatlari]
1. Oʻzbekiston Respublikasi Adliya vazirligi tomonidan Oʻzbekiston Respublikasining meʼyoriy-huquqiy hujjatlari hamda xalqaro shartnomalari matnlarini qamrab olgan va keng foydalanish uchun Internet tarmogʻida joylashtirilgan Oʻzbekiston Respublikasi Qonun hujjatlari maʼlumotlari milliy bazasini yaratish ishlari tugallanganligi maʼlumot uchun qabul qilinsin.
(2-band Oʻzbekiston Respublikasi Prezidentining 2017-yil 23-avgustdagi PQ-3240-sonli qaroriga asosan oʻz kuchini yoʻqotgan — OʻR QHT, 2017-y., 35-son, 922-modda)
(3-band Oʻzbekiston Respublikasi Vazirlar Mahkamasining 2018-yil 9-avgustdagi 638-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 11.08.2018-y., 09/18/638/1690-son)
4. Davlat va xoʻjalik boshqaruvi organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rahbarlari:
tegishli organlarni, Qonun hujjatlari maʼlumotlari milliy bazasidan qabul qilingan meʼyoriy-huquqiy hujjatlar toʻgʻrisida axborotlarning har haftada olinishi hamda rahbarlar, xodimlar va boshqa manfaatdor shaxslarga yetkazilishi uchun masʼul boʻlgan shaxslarni belgilagan holda, Qonun hujjatlari maʼlumotlari milliy bazasiga ulash;
oʻz xodimlarining huquqiy savodxonligini hamda yangidan qabul qilinayotgan meʼyoriy-huquqiy hujjatlar toʻgʻrisida xabardor boʻlishi uchun masʼuliyatini oshirish yuzasidan zarur chora-tadbirlar koʻrsinlar.
[OKOZ:
1.01.00.00.00 Konstitutsiyaviy tuzum / 01.14.00.00 Davlat organlarining huquq ijodkorligi faoliyati / 01.14.06.00 Normativ-huquqiy hujjatlarni hisobga olish va turkumlash;
2.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.07.00 Huquqiy axborot;
3.12.00.00.00 Axborot va axborotlashtirish / 12.03.00.00 Axborot resurslari. Axborot resurslaridan foydalanish / 12.03.08.00 Axborotni taqdim qilish. Axborot xizmatlari]
5. Oʻzbekiston Respublikasi Adliya vazirligi:
Qonun hujjatlari maʼlumotlari milliy bazasining uzluksiz ishlashini va axborot xavfsizligini taʼminlasin;
Qonun hujjatlari maʼlumotlari milliy bazasini oʻz vaqtida va sifatli yangilash, shuningdek Qonun hujjatlari maʼlumotlari milliy bazasiga ulanish va undan foydalanish tartibini tushuntirish yuzasidan chora-tadbirlar kompleksini ishlab chiqsin va tasdiqlasin;
davlat va xoʻjalik boshqaruvi organlari, mahalliy davlat hokimiyati organlari tomonidan Qonun hujjatlari maʼlumotlari milliy bazasidan foydalanilishi yuzasidan doimiy monitoring olib borsin;
har haftada oldingi haftada qabul qilingan meʼyoriy-huquqiy hujjatlar roʻyxatini, shuningdek ularga qisqacha izohlarni Qonun hujjatlari maʼlumotlari milliy bazasida hamda Oʻzbekiston Respublikasining Internet tarmogʻidagi Hukumat portalida eʼlon qilib borsin.
(6-band Oʻzbekiston Respublikasi Vazirlar Mahkamasining 2017-yil 22-dekabrdagi 1013-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 25.12.2017-y., 09/17/1013/0459-son)
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov hamda Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
(ilova Oʻzbekiston Respublikasi Vazirlar Mahkamasining 2017-yil 22-dekabrdagi 1013-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 25.12.2017-y., 09/17/1013/0459-son)
(Oʻzbekiston Respublikasi qonun hujjatlari toʻplami, 2009-y., 52-son, 576-modda; 2017-y., 35-son, 922-modda; Qonun hujjatlari maʼlumotlari milliy bazasi, 25.12.2017-y., 09/17/1013/0459-son, 11.08.2018-y., 09/18/638/1690-son)
