toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI VAZIRLAR MAHKAMASINING 1995 YIL 6 IYuLDAGI 258-SON QARORI ILOVASIGA OʻZGARTIRIShLAR KIRITISh TOʻGʻRISIDA
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Vazirlar Mahkamasining “Oʻzbekiston Respublikasida yangi mehnat daftarchalarini joriy qilish toʻgʻrisida” 1995-yil 6-iyuldagi 258-son qarori ilovasini “Taʼlim toʻgʻrisida”gi Qonun va Mehnat kodeksi talablariga muvofiqlashtirish maqsadida Vazirlar Mahkamasi qaror qiladi:
Vazirlar Mahkamasining 1995-yil 6-iyuldagi 258-son qarori ilovasiga quyidagi oʻzgartirishlar kiritilsin:
“Maʼlumoti” soʻzidan keyingi “(toʻliqsiz oʻrta, oʻrta, toʻliqsiz oliy, oliy)” soʻzlari “(tugallanmagan umumiy oʻrta, umumiy oʻrta, tugallanmagan hunar-texnika, hunar-texnika, tugallanmagan oʻrta maxsus (kasb-hunar), oʻrta maxsus (kasb-hunar), tugallanmagan oliy, oliy, tayanch oliy (bakalavr), oliy (magistr))” soʻzlariga almashtirilsin;
“Ishi toʻgʻrisidagi maʼlumotlar”ning uchinchi ustunidan “(sabablari, mehnat qonunlari kodeksining moddasi bandi koʻrsatiladi)” soʻzlari chiqarib tashlansin.
Oʻzbekiston Respublikasi Bosh vaziri Oʻ. SULTONOV
Toshkent sh.,
1999-yil 6-may,
225-son