Hujjat kuchini yo‘qotgan 23.08.2012

Oʻzbekiston Respublikasi Prezidentining

Qarori

OʻZBEKISTON RESPUBLIKASI VAZIRLAR MAHKAMASINING IJRO ETUVChI TUZILMASIGA OʻZGARTIRIShLAR KIRITISh TOʻGʻRISIDA

LexUZ sharhi

Mazkur qaror Oʻzbekiston Respublikasi Prezidentining 2012-yil 23-avgustdagi PQ-1807-sonli “Oʻzbekiston Respublikasi Prezidentining 2009-yil 27-oktabrdagi PQ-1211-sonli “Oʻzbekiston Respublikasi Vazirlar Mahkamasining ijro etuvchi tuzilmasiga oʻzgartirishlar kiritish toʻgʻrisida”gi qarorini oʻz kuchini yoʻqotgan deb hisoblash toʻgʻrisida”gi qaroriga asosan oʻz kuchini yoʻqotgan.

Oʻzbekiston Respublikasi Vazirlar Mahkamasining ijro etuvchi tuzilmasini maqbullashtirish, taʼlim, sogʻliqni saqlash va ijtimoiy muhofaza sohalaridagi asosiy vazifalarni ishlab chiqish va amalga oshirish boʻyicha davlat hamda xoʻjalik boshqaruvi organlari faoliyatiga rahbarlik qilish samaradorligini oshirish va uni muvofiqlashtirish, shuningdek axborot-kommunikatsiya texnologiyalarini yanada rivojlantirishni taʼminlash maqsadida:

1. Quyidagilar:

Oʻzbekiston Respublikasi Bosh vazirining oʻrinbosari — Taʼlim, sogʻliqni saqlash va ijtimoiy muhofaza masalalari kompleksi rahbari;

Oʻzbekiston Respublikasi Bosh vazirining oʻrinbosari — Oʻzbekiston aloqa va axborotlashtirish agentligi bosh direktori – Axborot tizimlari va telekommunikatsiyalar masalalari kompleksi rahbari lavozimlari tugatilsin.

2. Oʻzbekiston Respublikasi Vazirlar Mahkamasining ijro etuvchi tuzilmasiga Oʻzbekiston Respublikasi Bosh vazirining oʻrinbosari — Taʼlim, sogʻliqni saqlash, ijtimoiy muhofaza, axborot tizimlari va telekommunikatsiyalar masalalari kompleksi rahbari lavozimi kiritilsin, uning zimmasiga quyidagilarga rahbarlik qilish vazifasi yuklansin:

Taʼlim, sogʻliqni saqlash va ijtimoiy muhofaza masalalari axborot-tahlil departamenti;

Axborot tizimlari va telekommunikatsiyalar masalalari axborot-tahlil departamenti.

Oldingi tahrirga qarang.

(3-band Oʻzbekiston Respublikasi Prezidentining 2010-yil 4-yanvardagi PQ-1254-son qaroriga muvofiq oʻz kuchini yoʻqotgan — OʻR QHT, 2010-y., 1-2-son, 2-modda)

4. Oʻzbekiston Respublikasi Bosh vaziri Sh.M. Mirziyoyev Oʻzbekiston Respublikasi Vazirlar Mahkamasi ijro etuvchi tuzilmasining lavozimlar roʻyxatiga mazkur Qarorga muvofiq oʻzgartishlar kiritsin.

5. Oʻzbekiston Respublikasi Vazirlar Mahkamasi Ijro etuvchi apparati Boshqaruvchisi Adliya vazirligi bilan birgalikda bir hafta muddatda qonun hujjatlariga mazkur qarordan kelib chiqadigan oʻzgartishlar yuzasidan Vazirlar Mahkamasiga takliflar kiritsin.

6. Ushbu Qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2009-yil 27-oktabr,

PQ-1211-son

(Oʻzbekiston Respublikasi Oliy Majlisi palatalarining Axborotnomasi, 2009-y., 10-son, 401-modda; Oʻzbekiston Respublikasi qonun hujjatlari toʻplami, 2010-y., 1-2-son, 2-modda)