|
Hujjat kuchini yo‘qotgan 22.02.2021
|
Hujjat 16.05.2008 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
AVSTRIYA RESPUBLIKASI BILAN YaQIN ISTIQBOLDAGI HAMKORLIKNI YaNADA RIVOJLANTIRISh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Tashqi ishlar vazirligi delegatsiyasining Avstriyaga 2008-yil 12-martdagi tashrifi davomida Oʻzbekiston Respublikasi Tashqi ishlar vazirligi hamda Avstriya Respublikasi Tashqi ishlar vazirligi oʻrtasida erishilgan ahdlashuvlarni toʻliq koʻlamda va oʻz vaqtida amalga oshirilishini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi bilan Avstriya Respublikasi oʻrtasida yaqin istiqboldagi hamkorlikni yanada rivojlantirish tadbirlari rejasi (keyingi oʻrinlarda Tadbirlar rejasi deb ataladi) ilovaga muvofiq tasdiqlansin.
2. Vazirliklar va idoralarning Tadbirlar rejasini bajarish boʻyicha faoliyatini muvofiqlashtirish Oʻzbekiston Respublikasi Tashqi ishlar vazirligiga yuklansin.
3. Vazirliklar va idoralar rahbarlari Tadbirlar rejasida nazarda tutilgan bandlarning oʻz vaqtida va sifatli bajarilishini taʼminlasinlar, ularning amalga oshirilishi toʻgʻrisida har chorakda Oʻzbekiston Respublikasi Vazirlar Mahkamasiga axborot taqdim etsinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2008-yil 18-aprel,
72-son
Oʻzbekiston Respublikasi bilan Avstriya Respublikasi oʻrtasida yaqin istiqboldagi hamkorlikni yanada rivojlantirish
tadbirlari rejasi
Oldingi tahrirga qarang.
| T/r | Maqsad | Tadbirlar | Muddatlari | Bajaruvchilar |
| I. Siyosiy soha | ||||
| 1. | Siyosiy-diplomatik munosabatlarni faollashtirish |
1.1. Toshkentda Oʻzbekiston Respublikasi va Avstriya Tashqi ishlar vazirliklari oʻrtasida siyosiy maslahatlashuvlarning navbatdagi raundini oʻtkazish |
2009-yil | Tashqi ishlar vazirligi |
| II. Iqtisodiy munosabatlar sohasi | ||||
| 2. |
Savdo-iqtisodiy va investitsiya sohasidagi hamkorlikni rivojlantirish |
2.1. Venada Savdo-iqtisodiy hamkorlik boʻyicha Oʻzbekiston-Avstriya qoʻshma komissiyasining toʻrtinchi yigʻilishini oʻtkazish |
2008-yil iyul | Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, manfaatdor vazirliklar va idoralar |
| 2.2. Iqtisodiyot va mehnat federal vaziri boshchiligidagi Avstriya ishbilarmon doiralari delegatsiyasining Oʻzbekistonga tashrifini tashkil etish | 2008-yil II yarim yillik | Tashqi iqtisodiy aloqalar, investitsiyalar va savdo vazirligi, Savdo-sanoat palatasi, manfaatdor vazirliklar va idoralar | ||
| III. Madaniy-gumanitar hamkorlik | ||||
| 3. |
Turistik qoʻshma charter reyslar tashkil etish hamda Oʻzbekiston vakillarini Avstriya oʻquv yurtlarida oʻqitish yoʻli bilan turizm sohasidagi hamkorlikni rivojlantirish |
3.1. Oʻzbekiston va Avstriya aviatsiya maʼmurlari oʻrtasida hamkorlik oʻrnatish, ikkala mamlakat oʻrtasida toʻgʻridan toʻgʻri havo aloqasi oʻrnatish masalalarini oʻrganish, shuningdek turistik qoʻshma charter reyslar tashkil etish |
2008-2009-yillar | “Oʻzbekiston havo yoʻllari” milliy aviakompaniyasi, “Oʻzbekturizm” milliy kompaniyasi |
| 3.2. Oʻzbekiston vakillarini Vena va Zalsburg turizm va mehmonxona xoʻjaligi institutlarida oʻqitishni tashkil etish | 2008-2009-yillar | “Oʻzbekturizm” milliy kompaniyasi, Tashqi ishlar vazirligi | ||
| 3.3. Oʻzbekiston Respublikasi Fanlar akademiyasi bilan Avstriya Fanlar akademiyasi oʻrtasida hamkorlik toʻgʻrisidagi bitimni imzolash | 2008-yil | Fanlar akademiyasi | ||
| 3.4. Oʻzbekistonda arxeologiya ekspeditsiyasini, Oʻzbekiston hududida topilgan qadimiy tangalar katalogini chiqarishni tashkil etish, Oʻzbekiston Respublikasi Sharqshunoslik instituti kolleksiyasidan eng noyob qoʻlyozmalar nashrini tayyorlash | 2008-yil | Fanlar akademiyasi, “Madaniyat va sanʼat forumi” fondi | ||
| 3.5. Avstriya universitetlarining “AKN” va “LKH” klinikalarida Avstriya tomoni hisobiga Oʻzbekiston vrachlarining stajirovkasini tashkil etish | 2008-2009-yillar | Sogʻliqni saqlash vazirligi, Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi | ||
| 3.6. Avstriya va Oʻzbekiston jamoat tashkilotlari oʻrtasida madaniyat va xayriya sohasidagi sheriklik aloqalarini oʻrnatish | 2008-2009-yillar | “Madaniyat va sanʼat forumi” fondi | ||
| 3.7. Qoʻshma tadbirlarni, shu jumladan Avstriyada “Oʻzbekiston fotografiyasi – 125 yil” koʻrgazmasini, Oʻzbekiston vakillarining oʻquv, tajriba almashish va stajirovka dasturlarida, shu jumladan Oʻzbekistonlik tasviriy va amaliy sanʼat ustalari uchun ixtisoslashtirilgan dasturlarda ishtirokini tashkil etish | 2008-2009-yillar | “Madaniyat va sanʼat forumi” fondi | ||
| 3.8. “Yoshlar yili” davlat dasturi doirasida Oʻzbekistonda sogʻlom onalik va bolalik sohasida loyihani amalga oshirish uchun Avstriyaning tegishli tashkilotlarini jalb etish | 2008-yil | Sogʻliqni saqlash vazirligi, Ijtimoiy tashabbuslarni qoʻllab-quvvatlash jamgʻarmasi (FOPSI) | ||
| 3.9. Aholini ijtimoiy muhofaza qilish va maxsus taʼlim sohasida hamkorlikni yoʻlga qoʻyish | 2008-2009-yillar | Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligi, Ijtimoiy tashabbuslarni qoʻllab-quvvatlash jamgʻarmasi (FOPSI) | ||
| 3.10. 2009-yilda Oʻzbekistonda Avstriya turistik kompaniyalari kongressini tashkil etish | 2009-yil | “Oʻzbekturizm” MK, “Madaniyat va sanʼat forumi” fondi | ||
| 3.11. Avstriyaning Pensionyerlar uyushmasi bilan pensiya yoshidagi kishilar uchun turizm sohasida hamkorlikni yoʻlga qoʻyish | 2008-2009-yillar | “Oʻzbekturizm” MK, “Madaniyat va sanʼat forumi” fondi | ||
(ilovaning III boʻlimi Oʻzbekiston Respublikasi Vazirlar Mahkamasining 2008-yil 16-maydagi 98-sonli qarori tahririda)
