Tijorat transportlarini ishlab chiqaruvchi jahonning yetakchi kompaniyalaridan biri bilan integratsiyalashuv asosida respublika avtomobilsozlik sanoatini yanada barqaror rivojlantirish, yuk tashuvchi MAN avtomobillarini ishlab chiqarishni tashkil etish orqali ishlab chiqarilayotgan avtomobilsozlik mahsulotlari turlarini kengaytirish, ularni ichki va tashqi bozorlarda sotish hajmining o‘sishini ta’minlash maqsadida Vazirlar Mahkamasi qarori qabul qiladi:

1. “O‘zavtosanoat” AJ va “MAN Nutzfahrzeuge AG” kompaniyasi (Germaniya) o‘rtasida 2009-yil 10-iyun kuni mas’uliyati cheklangan jamiyat shaklida ustav kapitali 3 million yevro bo‘lgan “JV MAN Auto — Uzbekistan” qo‘shma korxonasini tashkil etish to‘g‘risida Bitim imzolanganligi;

“JV MAN Auto — Uzbekistan” qo‘shma korxonasini ustav kapitalidagi “O‘zavtosanoat” AK ulushi 51 foizni, “MAN Nutzfahrzeuge AG” esa 49 foizni tashkil etishi ma’lumot uchun qabul qilinsin.

5. O‘zbekiston Respublikasi Tashqi ishlar vazirligi “JV MAN Auto — Uzbekistan” MCHJ talabiga binoan mazkur qarorni amalga oshirish doirasida jalb etilgan xorijiy mutaxassislar va ularning oila a’zolariga konsullik yig‘imlari va boshqa yig‘imlar undirilmasdan, belgilangan tartibda kirish vizalari berilishini ta’minlasin.

6. O‘zbekiston Respublikasi Ichki ishlar vazirligi “JV MAN Auto — Uzbekistan” MCHJning arizasiga ko‘ra, belgilangan tartibda ko‘p martalik vizalar berilishi va uzaytirilishi, shuningdek, chet ellik mutaxassislar va oila a’zolarining vaqtincha yashash joyi bo‘yicha vaqtincha propiska qilinishi va vaqtincha propiska muddatini davlat boji to‘lashdan ozod etgan holda uzaytitirilishini ta’minlasin.

7. O‘zbekiston Respublikasi Mehnat va aholini ijtimoiy muhofaza qilish vazirligi “JV MAN Auto — Uzbekistan” MCHJga qo‘shma korxona tashkil etish loyihasini amalga oshirish uchun belgilangan tartibda O‘zbekiston Respublikasiga xorijiy mutaxassislar va yuqori malakali ishchi kuchini jalb qilish uchun ruxsatnomalar berilishini ta’minlasin.

8. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklatilsin.