|
Hujjat kuchini yo‘qotgan 26.11.2025
|
O‘zbekiston Respublikasi Prezidentining
Qarori
TASHQI IQTISODIY FAOLIYATNI TARTIBGA SOLISH BORASIDAGI QO‘SHIMCHA CHORA-TADBIRLAR TO‘G‘RISIDA
LexUZ sharhiMazkur qaror O‘zbekiston Respublikasi Prezidentining 2025-yil 25-noyabrdagi PF-231-sonli “Qonunchilikdagi huquqiy bo‘shliqlarni bartaraf etish va tartibga solish yukini kamaytirish to‘g‘risida”gi Farmoniga asosan o‘z kuchini yo‘qotgan.
Tashqi savdo faoliyatini xalqaro amaliyotda umume’tirof etilgan bojxona-tarif jihatdan boshqarish usullarini qo‘llash asosida ichki va tashqi bozorlarda raqobatbardosh yuqori sifatli tayyor mahsulotni mamlakatimizda ishlab chiqarishni barqaror rivojlantirish uchun qulay shart-sharoitlarni yanada shakllantirish maqsadida:
Oldingi tahrirga qarang.
(1-band O‘zbekiston Respublikasi Prezidentining 2017-yil 29-sentabrdagi PQ-3303-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 2017-y.)
Oldingi tahrirga qarang.
(2-band O‘zbekiston Respublikasi Prezidentining 2017-yil 29-sentabrdagi PQ-3303-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 2017-y.)
3. O‘zbekiston Respublikasi Vazirlar Mahkamasi Iqtisodiy taraqqiyot va kambag‘allikni qisqartirish vazirligi, Investitsiyalar va tashqi savdo vazirligi va “O‘zstandart” agentligi takliflariga ko‘ra:
(3-bandning birinchi xatboshisi O‘zbekiston Respublikasi Prezidentining 2020-yil 27-sentabrdagi PF-6075-sonli Farmoni tahririda — Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
sanoat kooperatsiyasi asosida tayyor mahsulot, butlovchi buyumlar va materiallar ishlab chiqarishni mahalliy xo‘jalik yurituvchi subyektlar o‘zlashtirayotganligi munosabati bilan, ularni ishlab chiqarishni mahalliylashtirish dasturini amalga oshirish doirasida bojxona to‘lovlari bo‘yicha imtiyozlar qo‘llanmagan holda import qilinadigan tovarlar ro‘yxatini har yili tasdiqlab borsin;
iqtisodiyot tarmoqlarini modernizatsiya qilish, texnikaviy va texnologik qayta jihozlash dasturlari doirasida bojxona to‘lovlaridan ozod etilgan import qilinadigan tovarlarning avval tasdiqlangan ro‘yxatlarini, ularda faqat respublikada ishlab chiqarilishi hali o‘zlashtirilmagan tovarlarnigina qoldirishni nazarda tutgan holda bir oy muddatda tanqidiy qayta ko‘rib chiqsin.
4. 2009-yilning 1-oktabridan boshlab quyidagilar o‘z kuchini yo‘qotgan deb hisoblansin:
O‘zbekiston Respublikasi Prezidentining “O‘zbekiston Respublikasining tashqi iqtisodiy faoliyatini yanada tartibga solish chora-tadbirlari to‘g‘risida” 2008-yil 27-martdagi PQ–823-sonli qarori 3-bandi va qarorning 1-ilovasi;
O‘zbekiston Respublikasi Prezidentining “O‘zbekiston Respublikasining 2009-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida” 2008-yil 29-dekabrdagi PQ–1024-sonli qarorining 12-2-ilovasi.
5. O‘zbekiston Respublikasi Tashqi iqtisodiy aloqalar, investitsiyalar va savdo vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
6. Ushbu qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
O‘zbekiston Respublikasi Prezidenti I. KARIMOV
Toshkent sh.,
2009-yil 5-avgust,
PQ-1169-son
(O‘zbekiston Respublikasi qonun hujjatlari to‘plami, 2009-y., 32-33-son, 359-modda, 40-son, 433-modda, 52-son, 560-modda; 2010-y., 14-15-son, 103-modda; 2012-y., 38-son, 434-modda; 2013-y., 30-son, 385-modda, 52-son, 690-modda; 2014-y., 24-son, 284-modda, 28-son, 338-modda; 2015-y., 33-son, 440-modda, 52-son, 646-modda; Qonun hujjatlari ma’lumotlari milliy bazasi, 28.09.2020-y., 06/20/6075/1330-son)
