Oʻzbekiston Respublikasi Prezidentining “Plastik kartochkalar asosida naqd pulsiz hisob-kitob tizimini yanada rivojlantirishga oid qoʻshimcha chora-tadbirlar toʻgʻrisida”gi 2006-yil 3-avgustdagi PQ-433-sonli qarorini (Oʻzbekiston Respublikasi qonun hujjatlari toʻplami, 2006-yil, 31-32-son, 309-modda) ijro etish yuzasidan Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi va Davlat bojxona qoʻmitasi qaror qiladilar:

1. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi va Davlat bojxona qoʻmitasining 2008-yil 1-avgustdagi 56, 73, EG-01/19-3822, 01-02/8-46-sonli qarori bilan tasdiqlangan Oʻzbekiston Respublikasi hududiga olib kiriladigan isteʼmol tovarlari roʻyxatining (roʻyxat raqami 1853, 2008-yil 9-sentabr) (Oʻzbekiston Respublikasi qonun hujjatlari toʻplami, 2008-yil, 37-38-son, 384-modda) “TIF TN kodi 2007-yil tahriri” grafasidagi “8523 (8523 21 000 0 va dasturiy taʼminotdan tashqari)” kodli satri “8523 29 — 8523 52 900 1 (dasturiy taʼminotdan tashqari), 8523 52 900 9 (bank plastik kartochkalarini ishlab chiqarishda ishlatiladigan chip-modullardan tashqari), 8523 59 — 8523 80 (dasturiy taʼminotdan tashqari)” kodli satr bilan almashtirilsin.

2. Mazkur qaror Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgandan keyin kuchga kiradi.