|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
“TRANSYOʼLQURILISN” DAVLAT KOMPANIYASINING SAMARALI FAOLIYAT KOʻRSATIShINI TAʼMINLASh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Osiyo taraqqiyot banki ishtirokida “Mintaqaviy avtomobil yoʻllarini rivojlantirish” loyihasini amalga oshirish chora-tadbirlari toʻgʻrisida” 2008-yil 28-fevraldagi PQ-804-son qarorini bajarish yuzasidan Vazirlar Mahkamasi qaror qiladi:
1. Quyidagilar:
Vazirlar Mahkamasi “TRANSYOʼLQURILISN” davlat kompaniyasining muassisi hisoblanishi;
“TRANSYOʼLQURILISN” davlat kompaniyasining ustavi 2008-yil 19-sentabrda “Mintaqaviy avtomobil yoʻllarini rivojlantirish” loyihasini amalga oshirish boʻyicha Muvofiqlashtiruvchi kengash raisi – Kommunal soha, transport, kapital qurilish va qurilish industriyasi kompleksi rahbari tomonidan tasdiqlanganligi;
“TRANSYOʼLQURILISN” davlat kompaniyasi 2008-yil 24-sentabrda Toshkent shahar Mirzo Ulugʻbek tumani hokimligi tomonidan yuridik shaxs sifatida roʻyxatdan oʻtkazilganligi;
“Oʻzavtoyoʻl” davlat-aksiyadorlik kompaniyasi kengashi tomonidan “Oʻzyoʻlmashservis” yoʻl-taʼmirlash korxonasi balansida turgan va “TRANSYOʼLQURILISN” davlat kompaniyasiga uning ustav fondini shakllantirish hisobiga belgilangan tartibda beriladigan davlat mol-mulki roʻyxati belgilanganligi maʼlumot uchun qabul qilinsin.
2. Oʻzbekiston Respublikasi Davlat mulki qoʻmitasi “Oʻzavtoyoʻl” davlat-aksiyadorlik kompaniyasi kengashi tomonidan belgilangan roʻyxatga kiritilgan davlat mol-mulkini ikki hafta muddatda baholasin hamda uni belgilangan tartibda “TRANSYOʼLQURILISN” davlat kompaniyasining ustav fondiga bersin.
3. Belgilab qoʻyilsinki, “Mintaqaviy avtomobil yoʻllarini rivojlantirish” loyihasini amalga oshirish boʻyicha Muvofiqlashtiruvchi kengash loyiha davrida Vazirlar Mahkamasi nomidan “TRANSYOʼLQURILISN” davlat kompaniyasining muassisi funksiyasini amalga oshiradi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M.Xanov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2009-yil 19-may,
140-son
