Oʻzbekistonda ishlab chiqarilayotgan avtobuslar va yuk avtomobillarining raqobatbardoshliligini yanada rivojlantirish va oshirish, respublikaning avtotransport vositalari parkini toʻldirish va yangilash maqsadida Vazirlar Mahkamasi qaror qiladi:

1. Vazirlar Mahkamasining 2006-yil 7-martdagi 38-son qarori (Oʻzbekiston Respublikasi QT, 2006-y., 3-son, 17-modda) bilan tasdiqlangan Avtomototransport vositalari bilan bogʻliq bitishuvlarni rasmiylashtirish tartibi toʻgʻrisidagi nizom 3-bandining ikkinchi xatboshiga “shuningdek “Samarqand avtomobil zavodi” MChJda ishlab chiqarilgan avtotransport vositalari yuzasidan lizing shartnomalari boʻyicha lizing tashkilotlari” soʻzlari qoʻshilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.