619-2-сон 25.02.2009. Temir yoʻl transporti yoʻlovchilarining qoʻl yukini, bagajini, valyutasini va valyuta boyliklarini bojxona nazoratidan oʻtkazish va rasmiylashtirish tartibiga oʻzgartirish kiritish haqida

Hujjat kuchini yo‘qotgan 02.05.2020

OʻZBEKISTON RESPUBLIKASI DAVLAT BOJXONA QOʻMITASI
“OʻZBEKISTON TEMIR YOʻLLARI” DATK
OʻZBEKISTON RESPUBLIKASI MOLIYA VAZIRLIGI
OʻZBEKISTON RESPUBLIKASI MARKAZIY BANKI BOShQARUVINING

Qarori

TEMIR YOʻL TRANSPORTI YOʻLOVChILARINING QOʻL YuKINI, BAGAJINI, VALYUTASINI VA VALYUTA BOYLIKLARINI BOJXONA NAZORATIDAN OʻTKAZISh VA RASMIYLAShTIRISh TARTIBIGA OʻZGARTIRISh KIRITISh HAQIDA

[Oʻzbekiston Respublikasi Adliya vazirligi tomonidan 2009-yil 25-fevralda 619-2-son bilan davlat roʻyxatidan oʻtkazildi]

LexUZ sharhi

Mazkur qaror Oʻzbekiston Respublikasi Davlat bojxona qoʻmitasi, Moliya vazirligi, Transport vazirligi va Markaziy banki boshqaruvining 2020-yil 20-martdagi 01-02/12-11, 13, 8, 120-V-6-sonli “Temir yoʻl transportida yuruvchi yoʻlovchilar qoʻl yuki, yuki, valyuta va valyuta qimmatliklarining bojxona nazorati va rasmiylashtirish tartibi, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi qaroriga (roʻyxat raqami 619-6, 02.05.2020-y.) asosan oʻz kuchini yoʻqotgan.

Oʻzbekiston Respublikasining “Qimmatli qogʻozlar bozori toʻgʻrisida”gi (Oʻzbekiston Respublikasi qonun hujjatlari toʻplami, 2008-y., 29-30-son, 278-modda) Qonuniga muvofiq Oʻzbekiston Respublikasi Davlat bojxona qoʻmitasi, “Oʻzbekiston temir yoʻllari” Davlat aksiyadorlik temir yoʻl kompaniyasi, Moliya vazirligi va Markaziy bank Boshqaruvi qaror qiladi:

1. Temir yoʻl transporti yoʻlovchilarining qoʻl yukini, bagajini, valyutasini va valyuta boyliklarini bojxona nazoratidan oʻtkazish va rasmiylashtirish tartibining (1999-yil 5-fevral, roʻyxat raqami 619 — Meʼyoriy hujjatlar axborotnomasi, 1999-yil, 3-son) birinchi bandi toʻqqizinchi xatboshisi quyidagi tahrirda bayon etilsin:

“Chet el valyutasidagi qimmatli qogʻozlar — Oʻzbekiston Respublikasi qonunchiligiga yoki xorijiy davlatlarning qonun hujjatlariga muvofiq qimmatli qogʻozlar jumlasiga kiritilgan, qiymati chet el valyutasida ifodalangan pul hujjatlaridir”.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Davlat bojxona qoʻmitasi raisi S. NOSIROV

Toshkent sh.,

2009-yil 18-fevral,

01-02/12-3-son

“Oʻzbekiston temir yoʻllari” Davlat aksiyadorlik temir yoʻl kompaniyasi raisi A. RAMATOV

Toshkent sh.,

2009-yil 18-fevral,

95-yur-son

Moliya vaziri R. AZIMOV

Toshkent sh.,

2009-yil 18-fevral,

25-son

Markaziy bank raisi F. MULLAJONOV

Toshkent sh.,

2009-yil 18-fevral,

120-V-2-son

(Oʻzbekiston Respublikasi qonun hujjatlari toʻplami, 2009-y., 9-son, 102-modda)