Oʻzbekiston Respublikasi Vazirlar Mahkamasining “Avtomototransport vositalari uchun roʻyxatdan oʻtkazish davlat raqami belgilarining yangi namunalarini joriy etish chora-tadbirlari toʻgʻrisida” 2007-yil 27-iyundagi 131-son qarori sifatli bajarilishini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Ichki ishlar vazirligining Oʻzbekiston Respublikasida avtomototransport vositalari va ularning tirkamalari (yarim tirkamalari) uchun roʻyxatdan oʻtkazish davlat raqami belgilarining yangi namunalarini bosqichma-bosqich joriy etish muddatlarini uzaytirish toʻgʻrisidagi taklifi qabul qilinsin.

Avtomototransport vositalari va ularning tirkamalari (yarim tirkamalari) uchun roʻyxatdan oʻtkazish davlat raqami belgilarining yangi namunalarini tayyorlash uchun sarflash materiallarini sotib olishni moliyalashtirish 2008-yil uchun Ichki ishlar vazirligiga nazarda tutilgan mablagʻlar doirasida amalga oshirilsin.

2. Oʻzbekiston Respublikasi Vazirlar Mahkamasining “Avtomototransport vositalari uchun roʻyxatdan oʻtkazish davlat raqami belgilarining yangi namunalarini joriy etish chora-tadbirlari toʻgʻrisida” 2007-yil 27-iyundagi 131-son qaroriga ilovaga muvofiq oʻzgartirish va qoʻshimchalar kiritilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov va Oʻzbekiston Respublikasi Ichki ishlar vaziri B.A. Matlyubov zimmasiga yuklansin.

1. 2-bandda:

ikkinchi xatboshida “2007” va “2008” raqamlari tegishli ravishda “2008” va “2009” raqamlari bilan almashtirilsin;

uchinchi xatboshida “2008” raqamlari “2009” raqamlari bilan almashtirilsin;

toʻrtinchi xatboshida “2007” raqamlari “2008” raqamlari bilan almashtirilsin.

2. 6-bandga “tashkil etish uchun” soʻzlaridan keyin “texnologik asbob-uskunalar xarid qilishga 333990,0 yevro ekvivalentida” soʻzlari qoʻshilsin.

3. 7-bandning uchinchi xatboshida “2007” raqamlari “2008” raqamlari bilan almashtirilsin.