O‘zbekiston Respublikasining Havo kodeksiga muvofiq va O‘zbekiston Respublikasi fuqaro aviatsiyasining xalqaro parvozlarini kengaytirish maqsadida Vazirlar Mahkamasi qaror qiladi:

1. “O‘zbekiston havo yo‘llari” milliy aviakompaniyasi, O‘zbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Tashqi ishlar vazirligining havo kemalarining xalqaro parvozlari uchun Navoiy shahri aeroportini ochish to‘g‘risidagi taklifi qabul qilinsin.

2. “O‘zbekiston havo yo‘llari” milliy aviakompaniyasi O‘zbekiston Respublikasi Parvozlar xavfsizligini nazorat qilish davlat inspeksiyasi bilan birgalikda bir oy muddatda Navoiy shahri aeroporti maqomi bo‘yicha ma’lumotlar tayyorlanishini va ularning aeronavigatsiya axborotlari xalqaro to‘plamlarida e’lon qilinishini tashkil etsin.

3. O‘zbekiston Respublikasi Milliy xavfsizlik xizmatining Davlat chegaralarini himoya qiluvchi qo‘mitasi, Davlat bojxona qo‘mitasi, Veterinariya va chorvachilikni rivojlantirish davlat qo‘mitasi, Sog‘liqni saqlash vazirligi Navoiy shahri aeroportining o‘tkazish punktlarida chegara, bojxona, sanitariya va veterinariya nazoratini qonun hujjatlarida belgilangan tartibda amalga oshirsinlar.

4. “O‘zbekiston havo yo‘llari” milliy aviakompaniyasi O‘zbekiston Respublikasi Milliy xavfsizlik xizmatining Davlat chegaralarini himoya qiluvchi qo‘mitasi, Davlat bojxona qo‘mitasi, Veterinariya va chorvachilikni rivojlantirish davlat qo‘mitasi, Sog‘liqni saqlash vazirligining tegishli bo‘linmalarini Navoiy shahri aeroportida chegara, bojxona, sanitariya va veterinariya nazoratini samarali amalga oshirish uchun zarur xizmat binolari, aloqa vositalari, asbob-uskunalar va maxsus texnika bilan bepul ta’minlasin.

5. Mazkur qarorning bajarilishini nazorat qilish O‘zbekiston Respublikasining Bosh vaziri Sh.M.Mirziyoyev zimmasiga yuklansin.