|
Hujjat kuchini yo‘qotgan 01.04.2018
|
Hujjat 20.08.2008 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
IJTIMOIY MUHOFAZAGA MUHTOJ VA ISh TOPIShDA QIYNALAYOTGAN ShAXSLARNI IShGA JOYLAShTIRISh UChUN ISh OʻRINLARINI BAND QILIB QOʻYISh TARTIBI TOʻGʻRISIDAGI NIZOMNI TASDIQLASh HAQIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2017-yil 5-dekabrdagi 965-sonli “Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibini yanada takomillashtirish chora-tadbirlari toʻgʻrisida”gi qaroriga asosan 2018-yil 1-apreldan oʻz kuchini yoʻqotadi.
“Oʻzbekiston Respublikasida nogironlarni ijtimoiy himoya qilish toʻgʻrisida”gi (yangi tahriri) Oʻzbekiston Respublikasi Qonunining 25-moddasiga muvofiq hamda Oʻzbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida” 2007-yil 6-apreldagi PQ-616-son qarorini bajarish yuzasidan Vazirlar Mahkamasi qaror qiladi:
1. Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisidagi nizom 1-ilovaga muvofiq tasdiqlansin.
2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2008-yil 20-avgust,
186-son
Vazirlar Mahkamasining 2008-yil 20-avgustdagi 186-son qaroriga
1-ILOVA
1-ILOVA
Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida
NIZOM
I. Umumiy qoidalar
1. Ushbu Nizom “Oʻzbekiston Respublikasida nogironlarni ijtimoiy himoya qilish toʻgʻrisida”gi (yangi tahriri) Oʻzbekiston Respublikasi Qonunining 25-moddasiga, Oʻzbekiston Respublikasi Prezidentining “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida” 2007-yil 6-apreldagi PQ-616-son qaroriga muvofiq ishlab chiqilgan hamda ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibini belgilaydi.
2. Ushbu Nizomda quyidagi asosiy tushunchalar qoʻllanadi:
ish oʻrinlarini band qilib qoʻyish — ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun oʻz mablagʻlari hisobiga tashkil etilgan ish oʻrinlarini tashkilot (ish beruvchi) tomonidan ajratish;
band qilib qoʻyilgan ish oʻrinlari — ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun tashkilot xodimlarining roʻyxat boʻyicha oʻrtacha soniga nisbatan foizlar hisobidagi ish oʻrinlarining eng kam soni.
3. Aholi bandligiga koʻmaklashish maqsadida korxonalar, muassasalar va tashkilotlarga (keyingi oʻrinlarda tashkilot deb ataladi) ijtimoiy muhofazaga muhtoj va ish topishda qiynalayotgan shaxslar uchun ish oʻrinlarining eng kam soni belgilanadi (band qilib qoʻyiladi).
Ushbu toifaga quyidagilar kiradi:
yolgʻiz ota, yolgʻiz ona hamda 14 yoshgacha va nogiron bolalari bor koʻp bolali ota-onalar;
taʼlim muassasalarini tugatgan yoshlar;
muddatli harbiy xizmatdan boʻshatilgan shaxslar;
nogironlar;
bandlikka koʻmaklashish tuman (shahar) markazlarida ish qidiruvchi sifatida hisobda turgan pensiya yoshiga yaqinlashib qolgan shaxslar;
Keyingi tahrirga qarang.
jazoni oʻtash muassasalaridan boʻshatilgan, jazoni oʻtayotgan yoki sud qaroriga koʻra tibbiy xarakterdagi majburiy choralar koʻrilgan shaxslar.
Mehnat bozorida vujudga kelgan vaziyatni hisobga olgan holda mahalliy davlat hokimiyati organi tomonidan Bandlikka koʻmaklashish tuman (shahar) markazi tavsiyasiga koʻra ish oʻrinlari ijtimoiy muhofazaga muhtoj va ish topishda qiynalayotgan fuqarolarning boshqa toifalari uchun ham, shu jumladan safarbarlik chaqiruvi zaxirasiga kiritilgan shaxslar, kichik yoshli bolalari boʻlgan ishlamayotgan ayollar, atrofdagilar uchun xavfli boʻlmagan ijtimoiy ahamiyatli kasalliklar bilan ogʻriyotgan shaxslar uchun ham band qilib qoʻyilishi mumkin.
Keyingi tahrirga qarang.
II. Ish oʻrinlarini band qilib qoʻyish shartlari va tartibi
4. Ijtimoiy muhofazaga muhtoj va ish topishda qiynalayotgan shaxslar uchun ish oʻrinlarini band qilib qoʻyish amaldagi qonun hujjatlariga muvofiq mahalliy davlat hokimiyati organlari tomonidan amalga oshiriladi.
Mahalliy davlat hokimiyati organlari tomonidan ushbu Nizomning 3-bandida koʻrsatilganlar uchun band qilib qoʻyilayotgan ish oʻrinlari soni ish topishda qiynalayotganlar sonining oʻzgarishiga qarab qayta koʻrib chiqiladi.
5. Ushbu Nizomning 3-bandida koʻrsatilgan shaxslarni ishga joylashtirish uchun ish oʻrinlarini band qilib qoʻyish xodimlarining roʻyxat boʻyicha oʻrtacha soni yigirma nafardan koʻpni tashkil etadigan tashkilotlar uchun belgilanadi.
Bunda nogironlarni ishga joylashtirish uchun xodimlar sonining kamida 3 foizi miqdorida ish oʻrinlarining eng kam soni belgilanadi va band qilib qoʻyiladi.
Band qilib qoʻyilayotgan ish oʻrinlarining jami miqdori mahalliy davlat hokimiyati organi qaroriga muvofiq tashkilot xodimlari roʻyxat boʻyicha oʻrtacha sonining 7 foizidan ortiq miqdorda belgilanishi mumkin emas.
Ijtimoiy muhofazaga muhtoj va ish topishda qiynalayotgan shaxslar uchun ish oʻrinlarini band qilib qoʻyish toʻgʻrisidagi takliflar tuman (shahar) bandlikka koʻmaklashish markazi tomonidan shakllantiriladi va tuman (shahar) hududida joylashgan tashkilotlar boʻyicha alohida tegishli qaror qabul qilish uchun mahalliy davlat hokimiyati organiga kiritiladi.
Keyingi tahrirga qarang.
Aniq tashkilot uchun ish oʻrinlarini band qilish boʻyicha takliflar kiritishda bandlikka koʻmaklashish tuman (shahar) markazlari tomonidan tashkilotdagi ishlarning kasb boʻyicha tarkibi va tashkilot faoliyatining oʻziga xos xususiyatlari majburiy tartibda hisobga olinishi kerak.
Keyingi tahrirga qarang.
Nogironlar uchun ish oʻrinlarini band qilish miqdorini belgilash toʻgʻrisida takliflar kiritishda nogironlarni reabilitatsiya qilish dasturlari parametrlari hisobga olinadi.
Band qilinishi kerak boʻlgan ish oʻrinlari sonini va ularga qoʻyiladigan talablarni belgilash uchun mahalliy davlat hokimiyati organi tomonidan tuman (shahar) hokimining oʻrinbosari boshchilik qiladigan maxsus komissiya tuziladi.
Kalendar yili boshlangungacha uch oydan kechikmay tashkilotlarga yetkaziladigan mahalliy davlat hokimiyati organi qarorida (ushbu Nizomga 1-ilova) ushbu Nizomning 3-bandida koʻrsatilgan shaxslarni, ishga joylashtirish uchun ularning imkoniyatlarini hisobga olgan holda, ushbu hududda joylashgan tashkilotlar boʻyicha alohida band qilib qoʻyiladigan ish oʻrinlari soni, band qilib qoʻyiladigan ish oʻrinlariga talablar, taqdirlash chora-tadbirlari, mahalliy davlat hokimiyati organining ish oʻrinlarini band qilib qoʻyish toʻgʻrisidagi qarorlari bajarilmagan taqdirda tashkilotning mansabdor shaxslarga nisbatan qoʻllaniladigan sanksiyalar koʻrsatiladi.
6. Ushbu Nizomning 3-bandida koʻrsatilgan shaxslar uchun shaxslarning mazkur toifalariga, shu jumladan quyidagilar uchun qoʻyiladigan xarakterli talablarga muvofiq boʻlgan mehnat sharoitlarini taʼminlaydigan ish oʻrni tashkil etilgan ish oʻrni hisoblanadi:
yolgʻiz ota, yolgʻiz ona va 14 yoshgacha boʻlgan nogiron bolalari bor koʻp bolali ota-onalar uchun — bolalarni tarbiyalash va mehnat majburiyatlari boʻyicha vazifalarni uygʻunlashtirish imkonini beradigan, oʻzgaruvchan ish jadvaliga ega boʻlgan ish oʻrinlari;
taʼlim muassasalarini tugatgan yoshlar uchun — ularning kasb boʻyicha tayyorgarligiga muvofiq boʻlgan ish oʻrinlari;
muddatli harbiy xizmatdan boʻshatilgan shaxslar uchun — ularning kasb boʻyicha tayyorgarligiga muvofiq boʻlgan ish oʻrinlari;
nogironlar uchun — mehnat sharoitlari boʻyicha attestatsiyadan oʻtkazilgan hamda xodimga ish jarayonlarini toʻsqinliksiz bajarish imkonini (sogʻligʻining ahvoli va mehnat faoliyatiga nisbatan belgilangan zid koʻrsatkichlar hisobga olingan holda) beradigan ish oʻrinlari;
bandlikka koʻmaklashish tuman (shahar) markazlarida ish qidiruvchi sifatida hisobda turgan pensiya yoshiga yaqinlashib qolgan shaxslar uchun — maxsus malakani talab qilmaydigan ish oʻrinlari;
Keyingi tahrirga qarang.
jazoni oʻtash muassasalaridan boʻshatilgan, jazoni oʻtayotgan yoki sud qaroriga koʻra tibbiy xarakterdagi majburiy choralar koʻrilgan shaxslar uchun — ularning kasb boʻyicha tayyorgarligi hisobga olingan holdagi ish oʻrinlari, muayyan kasb-hunarga, malakaga ega boʻlmagan shaxslar uchun esa — maxsus malakani talab qilmaydigan ish oʻrinlari.
7. Ushbu Nizomning 3-bandida koʻrsatilgan shaxslar ishga joylashtirib boʻlingan ish oʻrinlari keyingi davr uchun band qilib qoʻyiladigan ish oʻrinlari sonini belgilashda hisobga olinadi.
8. Ijtimoiy muhofazaga muhtoj va ish topishda qiynalayotgan shaxslar uchun band qilib qoʻyilgan ish oʻrinlariga ishga joylashtirish tashkilot tomonidan Bandlikka koʻmaklashish tuman (shahar) markazi yoʻllanmasi boʻyicha yoki mustaqil ravishda amalga oshiriladi.
Keyingi tahrirga qarang.
9. Ijtimoiy muhofazaga muhtoj va ish topishda qiynalayotgan shaxslarni ishga joylashtirishga nogironlar jamoatchilik birlashmalari, jazoni oʻtash muassasalaridan ozod qilingan shaxslarni ijtimoiy moslashtirish markazlari, koʻrsatib oʻtilgan shaxslar manfaatlarini ifodalovchi boshqa tashkilotlar ham ularni qonun hujjatlarida belgilangan tartibda ishga joylashtirishni taʼminlaydigan Bandlikka koʻmaklashish tuman (shahar) markazlariga yuborish yoʻli bilan koʻmaklashishi mumkin.
Shu bilan birga, ushbu bandning birinchi xatboshida koʻrsatilgan tashkilotlar Bandlikka koʻmaklashish tuman (shahar) markaziga aniq tashkilotlarga ijtimoiy muhofazaga muhtoj va ish topishda qiynalayotgan shaxslar uchun ish oʻrinlarini band qilib qoʻyish toʻgʻrisida takliflar kiritish, shuningdek bandlikka koʻmaklashish tuman (shahar) markazlaridan har bir tashkilot boʻyicha tashkil etilgan, shuningdek band qilib qoʻyilgan boʻsh (vakant) ish oʻrinlari soni va xarakteri toʻgʻrisidagi maʼlumotlarni olish huquqiga ega.
Keyingi tahrirga qarang.
10. Mahalliy davlat organi tomonidan belgilangan ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarining eng kam soniga muvofiq tashkil etilgan (band qilib qoʻyilgan yoki ajratilgan) eng kam ish oʻrinlari sonini qisqartirishga yoki tugatishga faqat kasaba uyushmalari qoʻmitalari yoki xodimlarning boshqa vakillik organlari, bandlikka koʻmaklashish tuman (shahar) markazlari bilan kelishgan holda yoʻl qoʻyiladi hamda mahalliy davlat hokimiyati organi qarori asosida amalga oshiriladi.
Keyingi tahrirga qarang.
11. Texnologiyani, ishlab chiqarish va mehnatni tashkil etishdagi oʻzgarishlar, xodimlar sonining oʻzgarishiga olib kelgan ish hajmlarining qisqarishi bilan bogʻliq tadbirlarni amalga oshirishda ijtimoiy muhofazaga muhtoj va ish qidirishda qiynalayotgan shaxslar uchun band qilib qoʻyilgan ish oʻrinlarining belgilangan soni hisobiga ishga joylashtirilgan shaxslarda ish oʻrinlari, agar ushbu shaxslar soni mahalliy davlat hokimiyati organi tomonidan belgilangan miqdordan oshmasa, ustuvor tartibda saqlanib qoladi.
12. Ijtimoiy muhofazaga muhtoj va ish qidirishda qiynalayotgan shaxslar uchun band qilib qoʻyilgan ish oʻrni ilgari ushbu ish oʻrnini egallab kelgan shaxs bilan tuzilgan mehnat shartnomasining toʻxtatilishi munosabati bilan boʻshab qolgan taqdirda tashkilot oʻn kun muddatda Bandlikka koʻmaklashish tuman (shahar) markazini yangidan ochilgan boʻsh ish oʻrni toʻgʻrisida maʼlum qilishi shart.
Keyingi tahrirga qarang.
13. Tashkilot ushbu Nizomning 3-bandida koʻrsatilgan shaxslarni mahalliy davlat hokimiyati organi tomonidan ijtimoiy muhofazaga muhtoj va ish qidirishda qiynalayotgan shaxslar uchun band qilib qoʻyilgan ish oʻrinlari belgilangan soni hisobiga ishga joylashtirishi shart.
Tashkilot, mazkur shaxslar ushbu Nizomning 3-bandida koʻrsatilgan toifaga mansub boʻlsa, mehnat organlari yoʻllanmasi boʻyicha band qilib qoʻyilgan ish oʻrniga ishga joylashtirishni rad qilgan taqdirda tashkilot rahbari (ish beruvchi) qonun hujjatlarida belgilangan tartibda maʼmuriy javobgar boʻladi.
Keyingi tahrirga qarang.
14. Tashkilot yil boshlangungacha 10 kundan kechikmay ijtimoiy muhofazaga muhtoj va ish qidirishda qiynalayotgan shaxslarni ishga joylashtirish uchun ijtimoiy muhofazaga muhtoj va ish qidirishda qiynalayotgan shaxslar uchun band qilib qoʻyilgan ish oʻrinlari umumiy sonining kamida 25 (yigirma besh) foizi hajmida ish oʻrinlari band qilib qoʻyilishini va tayyor boʻlishini taʼminlaydi, bu toʻgʻrida Bandlikka koʻmaklashish tuman (shahar) markaziga yil boshlangungacha axborot beriladi.
Ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarining qolgan qismini band qilib qoʻyish tashkilot (ish beruvchi) tomonidan kalendar yilning birinchi choragi mobaynida taʼminlanadi, bu toʻgʻrida Bandlikka koʻmaklashish tuman (shahar) markaziga birinchi chorak tugagandan keyin 10 kundan kechikmay axborot beriladi.
Band qilib qoʻyilgan ish oʻrinlarining belgilangan soni hisobiga ijtimoiy muhofazaga muhtoj va ish qidirishda qiynalayotgan shaxslarni ishga joylashtirish uchun ish oʻrinlarining tayyorligi toʻgʻrisidagi axborotning tashkilot tomonidan taqdim etilmaganligiga ham va amalda ularning tayyor emasligiga ham mehnat organi mahalliy davlat hokimiyati organi qarorining bajarilmaganligi sifatida qaraydi.
Keyingi tahrirga qarang.
15. Mahalliy davlat hokimiyati organining ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarini band qilib qoʻyish boʻyicha qarorini bajarmagan tashkilotga qonun hujjatlarida belgilangan tartibda jarima solinadi.
Keyingi tahrirga qarang.
Mahalliy davlat hokimiyati organining ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarini band qilib qoʻyish boʻyicha qarorini bajarmaganlik uchun jarimani toʻlaganlik tashkilotni band qilib qoʻyiladigan ish oʻrinlarining belgilangan sonini tashkil etishdan ozod qilmaydi.
16. Mahalliy davlat hokimiyati organining ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarini band qilib qoʻyish boʻyicha qarorini bajarmaganlik uchun undirilgan jarimalar qonun hujjatlarida belgilangan tartibda asosan aholining ushbu toifasi uchun yangi ish oʻrinlari yaratishga, shu jumladan nogironlar uchun ixtisoslashtirilgan korxonalar tashkil etishga sarflanadi.
17. Mahalliy davlat hokimiyati organining ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarini band qilib qoʻyish boʻyicha qarorining bajarilishini nazorat qilish bandlikka koʻmaklashish tuman (shahar) markazlari tomonidan amalga oshiriladi.
Keyingi tahrirga qarang.
18. Bandlikka koʻmaklashish tuman (shahar) markazlari tuman (shahar) ishchi komissiyalariga:
Keyingi tahrirga qarang.
tashkilotlar tomonidan ish oʻrinlarining band qilib qoʻyilishi;
ushbu ish oʻrinlariga mazkur Nizomning 3-bandida koʻrsatilgan shaxslarning ishga joylashtirilishi;
mahalliy davlat hokimiyati organining ish oʻrinlarini band qilib qoʻyish boʻyicha qarorini bajarmagan tashkilotlarga jarimalar solish toʻgʻrisidagi umumlashtirilgan axborotni yuborishadi.
Keyingi tahrirga qarang.
19. Nogironlar uchun band qilib qoʻyiladigan ish oʻrinlarining belgilangan sonidan ortiqcha nogironlar uchun ish oʻrinlari tashkil etgan tashkilotlar qonun hujjatlarida belgilangan tartibda imtiyoz olish huquqiga egadirlar.
20. Mahalliy davlat hokimiyati organlari oʻz vakolatlari doirasida ijtimoiy muhofazaga muhtoj va ish qidirishda qiynalayotgan shaxslar uchun belgilangan koʻrsatkichdan ortiqcha, shu jumladan ish uchastkalari (sexlar) tashkil etish uchun turar joy boʻlmagan binolarni birinchi navbatda ajratish yoʻli bilan band qilib qoʻyiladigan ish oʻrinlari tashkil etgan tashkilotlar uchun imtiyozlar belgilashi mumkin.
21. Ijtimoiy muhofazaga muhtoj va ish qidirishda qiynalayotgan shaxslar uchun band qilib qoʻyiladigan ish oʻrinlarini tuman (shahar) hokimi tomonidan belgilangan miqdordan ortiqcha tashkil etgan tashkilotlar ushbu ish oʻrinlarini tashkil etishga sarflangan mablagʻlarning bir qismini Bandlikka koʻmaklashish tuman (shahar) markazi bilan tuzilgan shartnoma asosida Bandlikka koʻmaklashish jamgʻarmasi mablagʻlari hisobidan qoplash huquqiga egadir.
Bandlikka koʻmaklashish jamgʻarmasidan tashkilot (ish beruvchi)ning ijtimoiy muhofazaga muhtoj va ish qidirishda qiynalayotgan shaxslarni ishga joylashtirish uchun band qilib qoʻyiladigan ish oʻrinlarini belgilanganidan koʻp miqdorda tashkil etishga xarajatlarining bir qismini qoplashga yoʻnaltiriladigan pul mablagʻlari Oʻzbekiston Respublikasi Mehnat va aholini ijtimoiy muhofaza qilish vazirligi tomonidan belgilangan tartibda ajratiladi.
Keyingi tahrirga qarang.
Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisidagi Nizomga
1-ILOVA
1-ILOVA
| | | | |
|
_____________ tumani (shahri) hokimining ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish toʻgʻrisida | |||
| 1. “Aholini ish bilan taʼminlash toʻgʻrisida”gi Oʻzbekiston Respublikasi Qonunining 17-moddasiga asosan ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun _____________tumani (shahri) hokimi _________________________________ ______________________________________________________________ uchun: | |||
|
(tashkilot nomi) | |||
|
xodimlarning roʻyxat boʻyicha oʻrtacha sonidan ___ kishini tashkil etadigan ___ foiz miqdorida, shu jumladan: | |||
|
(ish oʻrinlariga nisbatan aniq talablar sanab oʻtiladi) | |||
| |||
|
(kasblar va lavozimlar sanab oʻtiladi) | |||
|
| |||
| |
(imtiyozlar mazmuni koʻrsatiladi) |
| |
7. Aholi bandligiga koʻmaklashish markazi bir hafta muddatda ushbu qarorni 1-bandda koʻrsatilgan tashkilot rahbarlari eʼtiboriga yetkazsin va ushbu qarorning bajarilishi ustidan nazoratni taʼminlasin. | |||
|
| |||
| | |
(imzo) | |
|
M.Oʻ. |
|
| |
| | | | |
Keyingi tahrirga qarang.
Keyingi tahrirga qarang.
Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisidagi Nizomga 2-ILOVA
| | | | |
| Tashkilot nomi: _________________________________ _________________________________ Yuridik manzili: _________________________________ _________________________________ |
Bandlikka koʻmaklashuvchi tuman (shahar) markaziga taqdim etiladi Har chorakda hisobot davridan keyingi oyning 10 sanasiga qadar | ||
|
20__ yilning _____choragida ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish toʻgʻrisida AXBOROT | |||
|
2. Band qilib qoʻyilgan ish oʻrinlariga ishga joylashtirilganlar soni: | |||
| Ijtimoiy muhofazaga muhtoj va ish topishda qiynalayotgan shaxslar toifalari |
Hisobot davrining yakuniy holatiga koʻra ishlayotganlar (kishi) |
Shundan ishga joylashtirilganlar | |
| hisobot chorakda | yil boshidan | ||
| Jami: | | | |
| shu jumladan: | | | |
| Oʻn toʻrt yoshgacha bolalari va nogiron bolalari boʻlgan yolgʻiz ota, yolgʻiz ona va koʻp bolali ota-onalar | | | |
| Taʼlim muassasalarini tugatgan yoshlar | | | �� |
| Muddatli harbiy xizmatdan boʻshatilgan shaxslar | | | |
| Nogironlar | | | |
| Bandlikka koʻmaklashuvchi tuman (shahar) markazlarida ish qidiruvchi sifatida hisobda turgan pensiya yoshiga yaqinlashib qolgan shaxslar | | | |
| Jazoni oʻtash muassasalaridan ozod qilingan, jazoni oʻtayotgan yoki sud qaroriga koʻra tibbiy xarakterdagi majburiy choralar koʻrilgan shaxslar | | | |
| Ijtimoiy muhofazaga muhtoj va ish topishda qiynalayotgan shaxslarning boshqa toifalari | | | |
|
| |||
| Tashkilot rahbari |
| ||
| | |
(imzo) | |
| Kadrlar boʻlimi (inspektori)boshligʻi |
| ||
| | |
(imzo) | |
|
M.Oʻ. |
| | |
|
|
| | |
Keyingi tahrirga qarang.
Keyingi tahrirga qarang.
Vazirlar Mahkamasining 2008-yil 20-avgustdagi 186-son qaroriga
2-ILOVA
2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Ijtimoiy himoyaga muhtoj shaxslarni ishga joylashtirish uchun ish joylarining eng kam miqdorini belgilash tartibi toʻgʻrisidagi Nizomni va Aholini ish bilan taʼminlash toʻgʻrisidagi qonun hujjatlarini buzganlik uchun jarima solish tartibi toʻgʻrisidagi Nizomni tasdiqlash haqida” 1998-yil 1-dekabrdagi 504-son qarorida (Oʻzbekiston Respublikasi QT, 1998-y., 12-son, 44-modda):
a) qarorning nomi quyidagi tahrirda bayon qilinsin:
“Aholini ish bilan taʼminlash toʻgʻrisidagi qonun hujjatlarini buzganlik uchun jarimalar solish tartibi toʻgʻrisidagi Nizomni tasdiqlash haqida”;
b) 1-bandning ikkinchi xatboshi va qarorga 1-ilova oʻz kuchini yoʻqotgan deb hisoblansin.
Keyingi tahrirga qarang.
2. Vazirlar Mahkamasining “Oʻzbekiston Respublikasi Mehnat va aholini ijtimoiy muhofaza qilish vazirligi hamda Tashqi mehnat migratsiyasi agentligi toʻgʻrisidagi nizomlarni tasdiqlash haqida” 2001-yil 6-apreldagi 162-son qaroriga 3-ilovaning 26-bandida (Oʻzbekiston Respublikasi QT, 2001-y., 4-son, 21-modda):
a) birinchi xatboshi quyidagi tahrirda bayon qilinsin:
“26. Vazirlar Mahkamasining “Aholini ish bilan taʼminlash toʻgʻrisidagi qonun hujjatlarini buzganlik uchun jarimalar solish tartibi toʻgʻrisidagi Nizomni tasdiqlash haqida” 1998-yil 1-dekabrdagi 504-son qarorida (Oʻzbekiston Respublikasi QT, 1998-y., 12-son, 44-modda)”;
b) ikkinchi — toʻrtinchi xatboshi chiqarib tashlansin.
3. Vazirlar Mahkamasining “Oʻzbekiston Respublikasi Prezidentining “Aholi banligini oshirish hamda mehnat va aholini ijimoiy muhofaza qilish organlari faoliyatini takomillashtirish chora-tadbirlari toʻgʻrisida” 2007-yil 6-apreldagi PQ-616-son qarorini amalga oshirish chora-tadbirlari toʻgʻrisida” 2007-yil 8-maydagi 95-son qaroriga 2-ilovaning 7-bandida (Oʻzbekiston Respublikasi QT, 2007-y., 5-son, 25-modda):
a) birinchi xatboshi quyidagi tahrirda bayon qilinsin:
“7. Vazirlar Mahkamasining “Aholini ish bilan taʼminlash toʻgʻrisidagi qonun hujjatlarini buzganlik uchun jarimalar solish tartibi toʻgʻrisidagi nizomni tasdiqlash haqida” 1998-yil 1-dekabrdagi 504-son qarorida (Oʻzbekiston Respublikasi QT, 1998-y., 12-son, 44-modda)”;
b) ikkinchi — oʻn oltinchi xatboshi chiqarib tashlansin.
(Oʻzbekiston Respublikasi qonun hujjatlari toʻplami, 2008-y., 34-son, 333-modda; 2010-y., 13-son, 96-modda; 2011-y., 1-2-son, 4-modda; 2012-y., 44-son, 507-modda; 2017-y., 15-son, 249-modda, 37-son, 990-modda)
