Oʻzbekiston Respublikasi Oliy Kengashi qaror qiladi:

1. “Davlat tasarrufidan chiqarish va xususiylashtirish toʻgʻrisida”gi Oʻzbekiston Respublikasining Qonuni eʼlon qilingan paytdan boshlab amalga kiritilsin.

2. Belgilab qoʻyilsinki, Oʻzbekiston Respublikasining qonun hujjatlari “Davlat tasarrufidan chiqarish va xususiylashtirish toʻgʻrisida”gi Oʻzbekiston Respublikasining Qonuniga muvofiq holga keltirilgunga qadar amaldagi normativ hujjatlarning ushbu Qonunga zid boʻlmagan qismlari qoʻllanaveradi.

3. Oʻzbekiston Respublikasi Prezidenti huzuridagi Vazirlar Mahkamasi ikki oylik muddat ichida:

Oʻzbekiston Respublikasi Oliy Kengashiga davlat tasarrufidan chiqarilmaydigan va xususiylashtirilmaydigan korxonalar va mol-mulk turlari va guruhlari haqida hamda Oʻzbekiston Respublikasining qonun hujjatlarini “Davlat tasarrufidan chiqarish va xususiylashtirish toʻgʻrisida”gi Qonunga muvofiqlash haqida takliflar taqdim etsin;

Oʻzbekiston Respublikasi Hukumatining qarorlarini “Davlat tasarrufidan chiqarish va xususiylashtirish toʻgʻrisida”gi Qonunga muvofiqlashtirsin hamda Oʻzbekiston Respublikasining vazirliklari, davlat qoʻmitalari va idoralari oʻzlarining ushbu Qonunga zid boʻlgan normativ hujjatlarini qayta koʻrib chiqishlari va bekor qilishlarini taʼminlasin;

Oʻzbekiston Respublikasining davlat mulkini respublika mulkiga va maʼmuriy-hududiy tuzilmalar mulkiga (kommunal mulk) ajratish tartibini ishlab chiqsin;

Davlat tasarrufidan chiqarish va xususiylashtirishning 1992-1993-yillarga moʻljallangan Davlat dasturini ishlab chiqsin va uni Oʻzbekiston Respublikasi Oliy Kengashining tasdigʻiga taqdim etsin;

ushbu Qonunni amalga oshirish yuzasidan tegishli qarorlar qabul qilinsin.

4. Oʻzbekiston Respublikasi Davlat banki xususiylashtirilajak mulkni sotib olish maqsadida yuridik va jismoniy shaxslarga kreditlar berishga oid yoʻriqnomani ikki oy muddat ichida ishlab chiqsin va tasdiqlasin.

5. Oʻzbekiston Respublikasi Oliy Kengashining Iqtisodiy islohot, budjet siyosati va mahalliy oʻzini oʻzi boshqarish qoʻmitasi ushbu Qonunning ijrosi ustidan nazorat oʻrnatsin.