Oʻzbekiston Respublikasining “Fuqarolar sogʻligʻini saqlash toʻgʻrisida”gi Qonuni amalga kiritilganligi munosabati bilan Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlari oʻz kuchini yoʻqotgan deb hisoblansin:

1. Oʻzbekiston Respublikasining 1970-yil 23-dekabrda qabul qilingan “Sogʻliqni saqlash toʻgʻrisidagi Qonuni” (Oʻzbekiston Respublikasi Oliy Sovetining Vedomostlari, 1970-yil, № 36, 426-modda).

2. Oʻzbekiston Respublikasi Oliy Sovetining 1970-yil 23-dekabrda qabul qilingan “Oʻzbekiston Respublikasining Sogʻliqni saqlash toʻgʻrisidagi Qonunini amalga kiritish haqida”gi Qarori (Oʻzbekiston Respublikasi Oliy Sovetining Vedomostlari, 1970-yil, № 36, 427-modda).

3. Oʻzbekiston Respublikasi Oliy Soveti Prezidiumining 1971-yil 29-yanvarda qabul qilingan “Oʻzbekiston Respublikasining Sogʻliqni saqlash toʻgʻrisidagi Qonunini amalga kiritish tartibi haqida”gi Farmoni (Oʻzbekiston Respublikasi Oliy Sovetining Vedomostlari, 1971-yil, № 3, 15-modda).

4. Oʻzbekiston Respublikasi Oliy Soveti Prezidiumining 1973-yil 29-noyabrda qabul qilingan “Oʻzbekiston Respublikasining Sogʻliqni saqlash toʻgʻrisidagi Qonuniga oʻzgartishlar kiritish haqida”gi Farmoni (Oʻzbekiston Respublikasi Oliy Sovetining Vedomostlari, 1973-yil, № 33, 450-modda).

5. Oʻzbekiston Respublikasining 1973-yil 21-dekabrda qabul qilingan “Oʻzbekiston Respublikasi Oliy Soveti Prezidiumining “Oʻzbekiston Respublikasining Sogʻliqni saqlash toʻgʻrisidagi Qonuniga oʻzgartishlar kiritish haqida”gi Farmonini tasdiqlash toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1973-yil, № 35, 467-modda).

6. Oʻzbekiston Respublikasi Oliy Soveti Prezidiumining 1974-yil 27-sentabrda qabul qilingan “Oʻzbekiston Respublikasining Sogʻliqni saqlash toʻgʻrisidagi Qonuniga qoʻshimcha va oʻzgartirishlar kiritish haqida”gi Farmoni (Oʻzbekiston Respublikasi Oliy Sovetining Vedomostlari, 1974-yil, № 27, 328-modda).

7. Oʻzbekiston Respublikasining 1974-yil 26-dekabrda qabul qilingan “Oʻzbekiston Respublikasi Oliy Soveti Prezidiumining “Oʻzbekiston Respublikasining Sogʻliqni saqlash toʻgʻrisida”gi Qonuniga qoʻshimcha va oʻzgartish kiritish haqidagi Farmonini tasdiqlash toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1974-yil, № 35, 437-modda).

8. Oʻzbekiston Respublikasi Oliy Soveti Prezidiumining 1978-yil 4-sentabrda qabul qilingan “Oʻzbekiston Respublikasining Sogʻliqni saqlash toʻgʻrisidagi Qonuniga oʻzgartishlar kiritish haqida”gi Farmoni (Oʻzbekiston Respublikasi Oliy Sovetining Vedomostlari, 1978-yil, № 25, 413-modda).

9. Oʻzbekiston Respublikasining 1978-yil 21-dekabrda qabul qilingan “Oʻzbekiston Respublikasi Oliy Soveti Prezidiumining “Oʻzbekiston Respublikasi Sogʻliqni saqlash toʻgʻrisidagi Qonuniga oʻzgartishlar kiritish haqida”gi Farmonini tasdiqlash toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1978-yil, № 36, 531-modda).

10. Oʻzbekiston Respublikasi Oliy Soveti Prezidiumining 1979-yil 24-noyabrda qabul qilingan “Oʻzbekiston Respublikasining Sogʻliqni saqlash toʻgʻrisidagi Qonuniga oʻzgartish va qoʻshimchalar kiritish haqida”gi Farmoni (Oʻzbekiston Respublikasi Oliy Sovetining Vedomostlari, 1979-yil, № 33, 456-modda).

11. Oʻzbekiston Respublikasining 1979-yil 8-dekabrda qabul qilingan “Oʻzbekiston Respublikasi Oliy Soveti Prezidiumi “Oʻzbekiston Respublikasining Sogʻliqni saqlash toʻgʻrisidagi Qonuniga oʻzgartish va qoʻshimchalar kiritish haqida chiqargan Farmonni tasdiqlash toʻgʻrisida”gi Qonuni (Oʻzbekiston Respublikasi Oliy Sovetining Vedomostlari, 1979-yil, № 35, 504-modda).

12. Oʻzbekiston Respublikasi Oliy Soveti Prezidiumining 1984-yil 26-aprelda qabul qilingan “Oʻzbekiston Respublikasining baʼzi qonun aktlariga oʻzgartishlar kiritish toʻgʻrisida”gi Farmonining III boʻlimi (Oʻzbekiston Respublikasi Oliy Sovetining Vedomostlari, 1984-yil, № 12, 180-modda).

13. Oʻzbekiston Respublikasining 1984-yil 28-iyunda qabul qilingan “Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi bir qonun aktlariga oʻzgartish va qoʻshimchalar kiritish toʻgʻrisidagi farmonlarini tasdiqlash haqida”gi Qonuni yettinchi xatboshisining “Sogʻliqni saqlash toʻgʻrisida”gi Oʻzbekiston Respublikasi Qonuniga doir qismi (Oʻzbekiston Respublikasi Oliy Sovetining Vedomostlari, 1984-yil, № 19, 281-modda).

14. Oʻzbekiston Respublikasi Oliy Soveti Prezidiumining 1985-yil 25-martda qabul qilingan “Oʻzbekiston Respublikasining baʼzi qonun aktlariga oʻzgartish va qoʻshimchalar kiritish toʻgʻrisida”gi Farmonining 3-moddasi (Oʻzbekiston Respublikasi Oliy Sovetining Vedomostlari, 1985-yil, № 10, 84-modda).

15. Oʻzbekiston Respublikasining 1985-yil 30-martda qabul qilingan “Oʻzbekiston Respublikasi Oliy Soveti Prezidiumining Oʻzbekiston Respublikasining baʼzi qonun aktlariga oʻzgartish va qoʻshimchalar kiritish toʻgʻrisidagi hamda “Ayrim grajdanlardan oʻq otar qurollar va oʻq-dorilarni olib qoʻyish haqida”gi Farmonlarini tasdiqlash toʻgʻrisida”gi Qonuni uchinchi xatboshisining “Sogʻliqni saqlash toʻgʻrisida”gi Oʻzbekiston Respublikasi Qonuniga doir qismi (Oʻzbekiston Respublikasi Oliy Sovetining Vedomostlari, 1985-yil, № 10, 115-modda).

16. Oʻzbekiston Respublikasining 1986-yil 6-dekabrda qabul qilingan “Umumiy taʼlim va hunar maktabini isloh qilishning Asosiy yoʻnalishlari hamda Oʻzbekiston Respublikasi xalq maorifi toʻgʻrisidagi Qonunining yangi tahriri tasdiqlanishi munosabati bilan Oʻzbekiston Respublikasining baʼzi qonun aktlariga oʻzgartishlar kiritish haqida”gi Qonunining 1-moddasi (Oʻzbekiston Respublikasi Oliy Sovetining Vedomostlari, 1986-yil, № 34, 414-modda).

17. Oʻzbekiston Respublikasi Oliy Soveti Prezidiumining 1987-yil 16-sentabrda qabul qilingan “SPID virusi yuqishining oldini olish munosabati bilan Oʻzbekiston Respublikasining baʼzi qonun aktlariga qoʻshimchalar kiritish toʻgʻrisida”gi Farmoni (Oʻzbekiston Respublikasi Oliy Sovetining Vedomostlari, 1987-yil, № 27, 289-modda).

18. Oʻzbekiston Respublikasining 1991-yil 14-iyunda qabul qilingan “OITS bilan kasallanishning oldini olish toʻgʻrisida”gi Qonunining 12-moddasi (Oʻzbekiston Respublikasi Oliy Kengashining Axborotnomasi, 1991-yil, № 8, 196-modda).