|
Hujjat kuchini yo‘qotgan 28.09.2020
|
Oʻzbekiston Respublikasi Prezidentining
Farmoni
XALQ BADIIY HUNARMANDChILIGI VA AMALIY SANʼATINI RIVOJLANTIRIShNI RAGʻBATLANTIRIShGA OID QOʻShIMChA ChORA-TADBIRLAR TOʻGʻRISIDA
LexUZ sharhiMazkur Farmon Oʻzbekiston Respublikasi Prezidentining 2020-yil 27-sentabrdagi PF-6075-sonli “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida”gi Farmoniga asosan oʻz kuchini yoʻqotgan.
Xalq badiiy hunarmandchiligi va amaliy sanʼatini yanada rivojlantirishni ragʻbatlantirish, xalq ijodiyoti sohasiga aholining keng qatlamini, ayniqsa yoshlarni jalb etish uchun qulay shart-sharoitlar yaratish maqsadida:
1. Oʻzbekiston Respublikasi Prezidentining “Xalq badiiy hunarmandchiliklari va amaliy sanʼatini yanada rivojlantirish chora-tadbirlari toʻgʻrisida” 2005-yil 28-martdagi PF-3588-sonli Farmoni bilan tasdiqlangan roʻyxatga muvofiq uy sharoitida xalq badiiy hunarmandchiliklari va amaliy sanʼati buyumlarini ishlab chiqarish boʻyicha yakka tartibdagi mehnat faoliyati bilan band boʻlgan shaxslar qatʼiy belgilangan soliq toʻlashdan 2010-yilning 1-apreligacha ozod etilsin.
LexUZ sharhiOʻzbekiston Respublikasi Prezidentining 2010-yil 30-martdagi PF-4210-sonli “Xalq badiiy hunarmandchiligi va amaliy sanʼatini rivojlantirishni yanada qoʻllab-quvvatlash toʻgʻrisida” Formoniga muvofiq “Hunarmand” uyushmasi aʼzolari yakka tartibdagi tadbirkorlar uchun uy sharoitida xalq badiiy hunarmandchiligi va amaliy sanʼati buyumlarini ishlab chiqarish boʻyicha yakka tartibdagi mehnat faoliyati bilan band boʻlgan shaxslar tomonidan qatʼiy belgilangan soliqni toʻlash yuzasidan soliq imtiyozining amal qilish muddati 2012-yilning 1-apreligacha uzaytirildi.
2. Oʻzbekiston Respublikasi Prezidentining “Xalq badiiy hunarmandchiliklari va amaliy sanʼatini yanada rivojlantirishni davlat yoʻli bilan qoʻllab-quvvatlash chora-tadbirlari toʻgʻrisida” 1997-yil 31-martdagi PF-1741-sonli Farmoni 2-bandidagi birinchi va uchinchi xatboshilari oʻz kuchini yoʻqotgan deb hisoblansin.
3. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2008-yil 1-aprel,
PF-3983-son
(Oʻzbekiston Respublikasi qonun hujjatlari toʻplami, 2008-y., 14-15-son, 96-modda)
