|
Hujjat kuchini yo‘qotgan 16.06.2020
|
Hujjat 24.01.2008 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI VAZIRLAR MAHKAMASINING “XORIJIY VALYUTADAGI DAVLAT BOJLARI, YIGʻIMLAR HAMDA SOLIQ BOʻLMAGAN BOShQA TOʻLOVLAR STAVKALARI TOʻGʻRISIDA” 1993 YIL 19 AVGUSTDAGI 423-SON QARORIGA OʻZGARTIRISh VA QOʻShIMChALAR KIRITISh TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2020-yil 16-iyundagi 384-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (“Davlat boji toʻgʻrisida”gi Oʻzbekiston Respublikasi Qonuni)” qaroriga asosan oʻz kuchini yoʻqotgan.
Oʻzbekiston Respublikasi hududida xorijiy fuqarolarga vizalar berilganligi va ularning muddati uzaytirilganligi uchun Ichki ishlar vazirligi tomonidan undiriladigan xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalarini tartibga solish maqsadida Vazirlar Mahkamasi qaror qiladi:
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2008-yil 24-yanvar,
13-son
Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qaroriga kiritilayotgan oʻzgartirish va qoʻshimchalar
1. 2-ilovaning IX boʻlimi quyidagi tahrirda bayon qilinsin:
“IX. Ichki ishlar vazirligi boʻyicha
| 1. Xorijiy fuqarolar va fuqaroligi boʻlmagan shaxslar uchun chiqish yoki chiqish-kirish vizasi berilganligi va uning amal qilishi quyidagi muddatga uzaytirilganligi uchun: | |
| yetti kungacha | 40 AQSh dollari |
| oʻn besh kungacha | 50 AQSh dollari |
| oʻttiz kungacha | 60 AQSh dollari |
| uch oygacha | 80 AQSh dollari |
| olti oygacha | 120 AQSh dollari |
| bir yilgacha | 160 AQSh dollari |
2. Xorijiy fuqarolar va fuqaroligi boʻlmagan shaxslar uchun koʻp martalik chiqish-kirish vizasi quyidagi muddatga rasmiylashtirilganligi uchun: |
|
| olti oygacha | 150 AQSh dollari |
| bir yilgacha | 250 AQSh dollari |
3. Xorijiy fuqarolarni va fuqaroligi boʻlmagan shaxslarni kirish vizasi amal qiladigan muddatga vaqtinchalik roʻyxatdan oʻtkazganlik uchun hamda vaqtinchalik roʻyxatdan oʻtkazish muddatini vizaning amal qilish davriga uzaytirganlik uchun: |
|
| bir oygacha | 20 AQSh dollari |
| ikki oygacha | 40 AQSh dollari |
| uch oygacha | 60 AQSh dollari |
| olti oygacha | 100 AQSh dollari |
| bir yilgacha | 200 AQSh dollari |
4. MDH qatnashchisi boʻlgan davlatlar fuqarolarini, shuningdek MDH qatnashchilari boʻlgan davlatlardan fuqarolik toʻgʻrisidagi belgi mavjud boʻlmagan sobiq SSSRning pasportlari bilan kelgan shaxslarni quyidagi muddatga vaqtinchalik roʻyxatdan oʻtkazganlik uchun: |
|
| uch sutkadan olti oygacha | 5 AQSh dollari |
| olti oydan ortiq | 10 AQSh dollari |
5. Xorijiy fuqaroning, shu jumladan MDH qatnashchisi boʻlgan davlat fuqarosining, yoki fuqaroligi boʻlmagan shaxslarning Oʻzbekiston Respublikasida doimiy yashash uchun hujjatlari koʻrib chiqilganligi va rasmiylashtirilganligi uchun |
50 AQSh dollari |
6. Xorijiy fuqaroga yoki fuqaroligi boʻlmagan shaxsga pasport yoki uning oʻrnini bosadigan hujjat yoʻqolganligi toʻgʻrisida maʼlumotnoma berilganligi uchun |
10 AQSh dollari |
Izoh: viza bir necha marta rasmiylashtirilganligi uchun boj stavkasi 10 AQSh dollariga koʻpayadi.
Izohlar:
1. Bojlar, yigʻimlar va soliq boʻlmagan boshqa toʻlovlar, agar Oʻzbekiston Respublikasining xalqaro shartnomalarida oʻzgacha hol nazarda tutilmagan boʻlsa, AQSh dollarida yoki AQSh dollariga nisbatan qayta hisoblab chiqilib boshqa erkin muomaladagi valyutada undiriladi.
2. Bojlar, yigʻimlar va soliq boʻlmagan boshqa toʻlovlar, agar Oʻzbekiston Respublikasining xalqaro shartnomalarida oʻzgacha hol nazarda tutilmagan boʻlsa, 16 yoshgacha boʻlgan bolalardan undirilmaydi.
3. Tenglik prinsipiga rioya qilish maqsadida Oʻzbekiston Respublikasi Ichki ishlar vazirligiga davlat boji stavkalarini xorijiy fuqarolarning davlatlarida oʻxshash xatti-harakatlar uchun Oʻzbekiston Respublikasi fuqarolaridan undiriladigan yigʻimlar va bojlarning miqdoriga muvofiq xorijiy fuqarolar uchun koʻpaytirish tomonga oʻzgartirishga ruxsat berilsin”.
2. 3-ilovada:
a) II boʻlimdan 6-modda chiqarib tashlansin;
b) Izohga quyidagi mazmundagi 8-band qoʻshilsin:
“8. Tenglik prinsipiga rioya qilish maqsadida Oʻzbekiston Respublikasi Tashqi ishlar vazirligiga xorijiy fuqarolarning davlatlarida oʻxshash xatti-harakatlar uchun Oʻzbekiston Respublikasi fuqarolaridan undiriladigan yigʻimlar va bojlarning miqdoriga muvofiq xorijiy fuqarolar uchun koʻpaytirish tomonga konsullik yigʻimlari tarifini oʻzgartirishga ruxsat berilsin”.
Keyingi tahrirga qarang.
(Oʻzbekiston Respublikasi qonun hujjatlari toʻplami, 2008-y., 3-4-son, 13-modda)
