O‘zbekiston Respublikasi Oliy Kengashi qaror qiladi:

O‘zbekiston Respublikasining 1991-yil 15-fevralda qabul qilingan “Korxonalar, birlashmalar va tashkilotlardan olinadigan soliqlar to‘g‘risida”gi Qonuniga (O‘zbekiston Respublikasi Oliy Kengashining Axborotnomasi, 1991-yil, № 4, 86-modda; № 8, 191-modda; 1992-yil, № 4, 177-modda; № 9, 337-modda; 1993-yil, № 1, 20-modda; № 6, 240-modda) quyidagi o‘zgartishlar va qo‘shimchalar kiritilsin:

1. Muqaddima uchinchi xatboshisidagi “chet el valyutasi tushumidan olinadigan soliq” degan so‘zlar chiqarib tashlansin.

2. 2-modda chiqarib tashlansin.

3. 6-modda quyidagi mazmundagi 7-band bilan to‘ldirilsin:

“7) jamoa xo‘jaliklari, davlat xo‘jaliklari, dehqon xo‘jaliklari va o‘zga qishloq xo‘jaligi korxonalarining qishloq xo‘jaligi faoliyatidan olgan daromadlariga — 3 foiz stavka bo‘yicha soliq solinadi”.

4. 12-modda quyidagi mazmundagi xatboshi va ikkinchi qism bilan to‘ldirilsin:

“oborot mablag‘larini ko‘paytirishga qaratilgan daromad summasiga.

Ushbu moddaga muvofiq berilayotgan soliqqa doir imtiyozlarni e’tiborga olgan holda hisoblab chiqarilgan daromadlarga solinadigan soliqning umumiy summasi imtiyozlarni e’tiborga olmagan holda hisoblab chiqarilgan hisob-kitob summasining 50 foizidan kam bo‘lmasligi kerak”.

5. 19-moddaning:

birinchi qismi 27-bandi quyidagi tahrirda bayon etilsin:

“27) O‘zbekiston Respublikasi Qizil Yarim oy va “Yodgorlik” jamiyatlari, O‘zbekiston Teatr arboblari uyushmasi, “Sog‘lom avlod uchun” Xalqaro xayriya jamg‘armasi korxonalarining mahsulotlari va xizmatlari — soliqdan ozod qilingan mablag‘lar jamiyatlar, uyushma va jamg‘armalarning ustav vazifalarini bajarishga ishlatilishi sharti bilan;”

birinchi qismi quyidagi mazmundagi 35 va 36-bandlar bilan to‘ldirilsin:

“35) O‘zbekiston Avtomotohavaskorlar ko‘ngilli jamiyatiga qarashli mashinalar turadigan joylarda avtotransportni saqlash uchun ko‘rsatilgan xizmatlar;

36) davlat tilini o‘qitish va ish qog‘ozlarini davlat tilida yuritishga o‘rgatish borasidagi xizmatlar”.

6. IV-1 bob chiqarib tashlansin.

7. 30-moddadagi “8” raqami “15” raqami bilan almashtirilsin.

8. 33-moddaning birinchi qismi quyidagi tahrirda bayon etilsin:

“Asosiy ishlab chiqarish fondlarining qiymati korxonalar mulkiga soliq solish obyekti hisoblanadi”.

9. 41-modda 1-bandining ikkinchi qismidagi “0,5” raqami “0,2” raqami bilan almashtirilsin.