|
Hujjat kuchini yo‘qotgan 29.02.2016
|
Hujjat 14.02.1995 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
Farmoyishi
LexUZ sharhiMazkur Farmoyish Oʻzbekiston Respublikasi Vazirlar Mahkamasining 2016-yil 22-fevraldagi 46-sonli “Chet elda ishlayotgan Oʻzbekiston Respublikasi fuqarolari hamda ish vaqtini hisobga olib boʻlmaydigan shaxslarning ayrim toifalari tomonidan Oʻzbekiston Respublikasi Moliya vazirligi huzuridagi budjetdan tashqari pensiya jamgʻarmasiga sugʻurta badallari toʻlash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi toʻgʻrisidagi Nizomni tasdiqlash haqida”gi qaroriga asosan oʻz kuchini yoʻqotgan.
1. Aholiga pensiyalar, nafaqalar toʻlashga yoʻnaltiriladigan pul mablagʻlarini toʻplash, mablagʻ bilan taʼminlash va ularning ishlatilishiga doir hisobot ishlari tartibi ilovaga muvofiq tasdiqlansin.
2. Aloqa vazirligi, Ijtimoiy taʼminot vazirligi, Moliya vazirligi, Markaziy bank va Oʻzbekiston Respublikasi Vazirlar Mahkamasi huzuridagi Ijtimoiy sugʻurta jamgʻarmasi bilan kelishgan holda 10 kun muddatda Oʻzbekiston Respublikasi Aloqa vazirligi korxonalari tomonidan pensiya va nafaqalarni toʻlash boʻyicha Yoʻriqnomaga tegishli oʻzgartirishlar kiritsinlar.
3. “Oʻzsanoatqurilishbank” va “Oʻzdehqonchiliksanoatbank” ish haqini tashkilotlarga ijtimoiy sugʻurta boʻyicha badallarni toʻlashga doir topshiriqnoma mavjud boʻlgan taqdirda bersinlar hamda “Oʻzbekiston pochtasi” konserni aloqa tarmoqlarining pensiya va nafaqalarni toʻlash uchun naqd pul mablagʻlari olish yuzasidan buyurtmanomalarini birinchi navbatda taʼminlasinlar.
4. Oʻzbekiston Respublikasi Vazirlar Mahkamasi huzuridagi Ijtimoiy sugʻurta jamgʻarmasi majburiy davlat ijtimoiy sugʻurtasi boʻyicha badallarni yuridik va jismoniy shaxslarning oʻz vaqtida toʻlashi ustidan nazoratni kuchaytirsinlar.
Keyingi tahrirga qarang.
5. Mazkur farmoyishning bajarilishini nazorat qilish Oʻzbekiston Respublikasi Vazirlar Mahkamasining Ijtimoiy masalalar va madaniyat boʻlimiga yuklansin.
Oʻzbekiston Respublikasi Bosh vaziri A. MUTALOV
Toshkent sh.,
1995-yil 14-fevral,
38-f-son
Vazirlar Mahkamasining 1995-yil 14-fevraldagi 38-f-son farmoyishiga
ILOVA
ILOVA
Aholiga pensiyalar, nafaqalar toʻlash bilan bogʻliq pul mablagʻlarini toʻplash, mablagʻ bilan taʼminlash va ularning ishlatilishi boʻyicha hisobot ishlari
TARTIBI
1. 1995-yil 1-martdan boshlab ijtimoiy sugʻurta jamgʻarmasini pensiya va nafaqalarni mablagʻ bilan taʼminlashga yoʻnaltiriladigan mablagʻlari Jamgʻarmaning tuman (shahar) boʻlimlari tomonidan, ijtimoiy taʼminot organlarini chetlab oʻtgan holda, bevosita tuman (shahar) aloqa tarmoqlari tomonidan, toʻlov davri boshlanishidan kechi bilan 5 kun oldin oʻtkaziladi.
Bunda jamgʻarma banki muassasalariga va pensiyalarni yetkazib berish boʻyicha kichik korxonalarga mablagʻlarni oʻtkazishning amalda tartibi saqlanib qoladi.
2. Tuman (shahar) ijtimoiy taʼminot boʻlimlari har oyda tuman (shahar) ijtimoiy sugʻurta boʻlimlariga pensiya va nafaqalarga boʻlgan ehtiyoj yuzasidan buyurtmanomalarni, tuman (shahar) aloqa tarmoqlariga, jamgʻarma banki muassasalariga va ijtimoiy taʼminot tizimining kichik korxonalariga esa pensiya va nafaqalar toʻlash yuzasidan vedomostlar va topshiriqnomalarni taqdim etadilar.
Keyingi tahrirga qarang.
3. Taqdim etilgan buyurtmanomalarga muvofiq Jamgʻarma pensiya va nafaqalarni mablagʻ bilan taʼminlashni amalga oshiradi, aloqa tizimining organlari, jamgʻarma banklari muassasalari hamda ijtimoiy taʼminot tizimining kichik korxonalari esa ularni ijtimoiy taʼminot organlari tomonidan taqdim etilgan vedomost va topshiriqnomalar boʻyicha fuqarolarga toʻlaydilar.
4. Tuman (shahar) aloqa, ijtimoiy taʼminot va ijtimoiy sugʻurta organlari toʻlov davri tugagandan keyin har oyda pensiya va nafaqalarni toʻlashga hamda yetkazib berishga moʻljallangan mablagʻlar boʻyicha oʻzaro solishtirishni amalga oshiradilar.
Keyingi tahrirga qarang.
