|
Hujjat kuchini yo‘qotgan 16.06.2020
|
Hujjat 03.07.2007 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
VAZIRLAR MAHKAMASINING “TELEKOMMUNIKATSIYALAR SOHASIDA FAOLIYAT KOʻRSATISh HUQUQI UChUN DAVLAT BOJI MIQDORLARINI TASDIQLASh TOʻGʻRISIDA” 2001 YIL 24 OKTYABRDAGI 421-SON QARORIGA OʻZGARTIRISh VA QOʻShIMChALAR KIRITISh HAQIDA (OʻZBEKISTON RESPUBLIKASI PREZIDENTINING “OʻZBEKISTON RESPUBLIKASIDA 2010 YILGAChA BOʻLGAN DAVRDA XIZMAT KOʻRSATISh VA SERVIS SOHASINI RIVOJLANTIRIShNI JADALLAShTIRIShGA OID QOʻShIMChA ChORA-TADBIRLAR TOʻGʻRISIDA” 2007-YIL 21 MAYDAGI PQ-640-SON QARORI)
LexUZ sharhiMazkur qaror Oʻzbekiston Respublikasi Vazirlar Mahkamasining 2020-yil 16-iyundagi 384-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (“Davlat boji toʻgʻrisida”gi Oʻzbekiston Respublikasi Qonuni)” qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oʻzbekiston Respublikasida 2010-yilgacha boʻlgan davrda xizmat koʻrsatish va servis sohasini rivojlantirishni jadallashtirishga oid qoʻshimcha chora-tadbirlar toʻgʻrisida” 2007-yil 21-maydagi PQ-640-son qaroriga muvofiq Vazirlar Mahkamasi qaror qiladi:
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2007-yil 3-iyul,
137-son
Vazirlar Mahkamasining “Telekommunikatsiyalar sohasida faoliyat koʻrsatish huquqi uchun davlat boji miqdorlarini tasdiqlash toʻgʻrisida” 2001-yil 24-oktabrdagi 421-son qaroriga kiritilayotgan oʻzgartirish va qoʻshimchalar
1. Qarorga ilovaning birinchi, ikkinchi, uchinchi va oltinchi xatboshi quyidagi tahrirda bayon qilinsin:
| “Mahalliy telekommunikatsiya tarmoqlarini loyihalash, qurish, foydalanish va xizmatlar koʻrsatish | 85 |
| Loyihalash | 15 |
| Qurish | 15 |
| Foydalanish (qishloq joylardagi kichik tadbirkorlik subyektlaridan tashqari) | 30 |
| Qishloq joylardagi kichik tadbirkorlik subyektlari tomonidan foydalanish | 1 |
| Xizmatlar koʻrsatish (qishloq joylardagi kichik tadbirkorlik subyektlaridan tashqari) | 30 |
| Qishloq joylardagi kichik tadbirkorlik subyektlari tomonidan xizmatlar koʻrsatish | 1 |
| | |
| Shaharlararo telekommunikatsiya tarmoqlarini loyihalash, qurish, foydalanish va xizmatlar koʻrsatish | 430 |
| Loyihalash | 30 |
| Qurish | 60 |
| Foydalanish | 150 |
| Xizmatlar koʻrsatish (qishloq joylardagi kichik tadbirkorlik subyektlaridan tashqari) | 200 |
| Qishloq joylardagi kichik tadbirkorlik subyektlari tomonidan xizmatlar koʻrsatish | 5 |
| | |
| Xalqaro telekommunikatsiya tarmoqlarini loyihalash, qurish, foydalanish va xizmatlar koʻrsatish | 1900 |
| Loyihalash | 200 |
| Qurish | 400 |
| Foydalanish | 500 |
| Xizmatlar koʻrsatish (qishloq joylardagi kichik tadbirkorlik subyektlaridan tashqari) | 800 |
| Qishloq joylardagi kichik tadbirkorlik subyektlari tomonidan xizmatlar koʻrsatish | 10 |
| | |
| Maʼlumotlarni uzatish tarmoqlarini loyihalash, qurish, foydalanish va xizmatlar koʻrsatish (litsenziya amal qilishining barcha davriga) | 200 |
| Loyihalash | 10 |
| Qurish | 20 |
| Foydalanish | 30 |
| Xizmatlar koʻrsatish: | |
| operatorlar va provayderlar tomonidan | 150 |
| umumiy foydalanish punktlari tomonidan (qishloq joylardagi kichik tadbirkorlik subyektlaridan tashqari) | 10 |
| qishloq joylardagi kichik tadbirkorlik subyektlari umumiy foydalanish punktlari tomonidan | 1” |
2. Ilovaning izohiga quyidagi mazmundagi xatboshi qoʻshilsin:
“Qishloq joylardagi aloqa va axborotlashtirish sohasi kichik tadbirkorlik subyektlariga:
qishloq joylardagi hajmi 2048 nomerdan ortiq boʻlgan mahalliy telekommunikatsiya tarmoqlaridan foydalanish faoliyatini amalga oshirishga ruxsat etilmaydi;
qishloq joylarda shaharlararo va mahalliy telekommunikatsiyalar xizmatlari koʻrsatish faoliyatini amalga oshirish huquqi uchun litsenziyalar bir paytda olinganda mahalliy telekommunikatsiya tarmoqlari xizmatlari koʻrsatish faoliyatini amalga oshirish huquqi uchun litsenziya davlat boji undirmasdan beriladi;
qishloq joylarda xalqaro, shaharlararo va mahalliy telekommunikatsiyalar xizmatlari koʻrsatish faoliyatini amalga oshirish huquqi uchun litsenziyalar bir paytda olinganda shaharlararo va mahalliy telekommunikatsiya tarmoqlari xizmatlari koʻrsatish faoliyatini amalga oshirish huquqi uchun litsenziyalar davlat boji undirmasdan beriladi”.
(Oʻzbekiston Respublikasi qonun hujjatlari toʻplami, 2007-y., 27-28-son, 286-modda)
