|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI TAShQI IQTISODIY ALOQALAR VAZIRLIGINING “OʻZEKSPOMARKAZ” RESPUBLIKA SAVDO-KOʻRGAZMA MARKAZINING SAMARALI FAOLIYAT KOʻRSATIShINI TAʼMINLASh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Madaniy-sogʻlomlashtirish kompleksi asbob-uskunalari lizingi boʻyicha toʻlovlarni oʻz vaqtida taʼminlash, koʻrsatiladigan xizmatlarning aholi keng qatlamlari uchun maqbul boʻlgan narxlarini saqlash hamda Oʻzbekiston Respublikasi Tashqi iqtisodiy aloqalar vazirligining “Oʻzekspomarkaz” respublika savdo-koʻrgazma markazining koʻrgazma-yarmarkalar tashkil etish boʻyicha faoliyatini yanada faollashtirish uchun shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Tashqi iqtisodiy aloqalar vazirligining “Oʻzekspomarkaz” respublika savdo-koʻrgazma markazi hududida doimiy ravishda ishlaydigan “Oʻzbekistonning eksport salohiyati” ekspozitsiyasini notijorat asosda tashkil etish toʻgʻrisidagi taklifiga rozilik berilsin.
2. Vazirlar Mahkamasining “Oʻzekspomarkaz” respublika savdo-koʻrgazma markaziga beriladigan soliq imtiyozlari toʻgʻrisida” 1996-yil 26-iyuldagi 267-son qarori bilan berilgan soliq imtiyozlarining amal qilish muddati 2003-yil 31-dekabrgacha uzaytirilsin.
3. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2000-yil 8-aprel,
134-son
