1-modda. Oʻzbekiston Respublikasining 1999-yil 19-avgustda qabul qilingan “Yoʻl harakati xavfsizligi toʻgʻrisida”gi 818-I-sonli Qonuniga (Oʻzbekiston Respublikasi Oliy Majlisining Axborotnomasi, 1999-yil, № 9, 215-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 157-modda) quyidagi oʻzgartishlar kiritilsin:

1) 4-modda ikkinchi qismining uchinchi va toʻrtinchi xatboshilari quyidagi tahrirda bayon etilsin:

“Avtomobil yoʻllari qurish va foydalanish davlat-aksiyadorlik kompaniyasi;

Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmati”;

2) 8-moddaning:

nomidagi “Oʻzbekiston avtomobil yoʻllari qurish va ulardan foydalanish davlat-aksiyadorlik konsernining” degan soʻzlar “Avtomobil yoʻllari qurish va foydalanish davlat-aksiyadorlik kompaniyasining” degan soʻzlar bilan almashtirilsin;

birinchi qismidagi “Oʻzbekiston avtomobil yoʻllari qurish va ulardan foydalanish davlat-aksiyadorlik konserni” degan soʻzlar “Avtomobil yoʻllari qurish va foydalanish davlat-aksiyadorlik kompaniyasi” degan soʻzlar bilan almashtirilsin;

3) 9-moddaning:

nomidagi “Davlat avtomobil nazorati inspeksiyasining” degan soʻzlar “Davlat yoʻl harakati xavfsizligi xizmatining” degan soʻzlar bilan almashtirilsin;

birinchi qismidagi “Davlat avtomobil nazorati inspeksiyasi” degan soʻzlar “Davlat yoʻl harakati xavfsizligi xizmati” degan soʻzlar bilan almashtirilsin;

4) 15-moddaning uchinchi qismidagi “Davlat avtomobil nazorati inspeksiyasining” degan soʻzlar “Davlat yoʻl harakati xavfsizligi xizmatining” degan soʻzlar bilan almashtirilsin;

5) 21-moddaning uchinchi qismi quyidagi tahrirda bayon etilsin:

“Tegishli toifalardagi transport vositalari haydovchilarini tayyorlashning yagona dasturlari Oʻzbekiston Respublikasi Vazirlar Mahkamasi tomonidan belgilangan tartibda tasdiqlanadi”.

2-modda. Ushbu Qonun rasmiy eʼlon qilingan kundan eʼtiboran kuchga kiradi.