Oʻzbek xalqining rang-tasvir asarlarini saqlash uchun shart-sharoitlar yaratish hamda tasviriy sanʼat asarlarining keng koʻrgazma faoliyati vositasida jamoatchilikni mamlakatimizning boy madaniyati va tasviriy sanʼat asarlari bilan tanishtirish ishlarini chuqurlashtirish maqsadida Vazirlar Mahkamasi qaror qiladi:

1. Oʻzbekiston tasviriy sanʼat galereyasi Oʻzbekiston Respublikasi Tashqi iqtisodiy faoliyat milliy banki tomonidan moliyalashtirilganligi va qurilganligi maʼlumot uchun qabul qilinsin.

2. Belgilansinki:

Oʻzbekiston tasviriy sanʼat galereyasi Oʻzbekiston Respublikasi Tashqi iqtisodiy faoliyat milliy bankining balansida turadi, bank undan joriy foydalanadi va uni boshqaradi;

Oʻzbekiston tasviriy sanʼat galereyasi taʼminotining xarajatlarini moliyalashtirish Oʻzbekiston Respublikasi Tashqi iqtisodiy faoliyat milliy bankining mablagʻlari va qonunchilikda taqiqlanmagan boshqa manbalar hisobiga amalga oshiriladi;

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov va A.A.Azizxoʻjayev zimmasiga yuklansin.