|
Hujjat kuchini yo‘qotgan 22.02.2021
|
Oʻzbekiston Respublikasi Vazirlar Mahkamasining
qarori
“KEYS-NYu XOLLAND” KORPORATSIYASI IShTIROKIDAGI QOʻShMA KORXONALARNI QOʻLLAB-QUVVATLASh ChORA-TADBIRLARI TOʻGʻRISIDA
LexUZ sharhiMazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Yuqori unumli texnikani respublikamizning oʻzida ishlab chiqarishni va ularga xizmat koʻrsatishni rivojlantirishni taʼminlash, qishloq xoʻjaligining ularga boʻlgan ehtiyojini yanada toʻliq qondirish, yuqori unumli qishloq xoʻjaligi texnikasini qishloq xoʻjaligi tovar ishlab chiqaruvchilarga sotishda texnika qiymatining va ularga servis xizmati koʻrsatish boʻyicha xizmatlar qiymatining qimmatlashuviga yoʻl qoʻymaslik maqsadida Vazirlar Mahkamasi qaror qiladi:
1. “Keys-Nyu Xolland” korporatsiyasi ishtirokidagi qoʻshma korxonalar (“OʻzKeysmash”, “OʻzKeysTraktor”, “OʻzKeysservis” va “OʻzKeysagrolizing”) tomonidan qishloq xoʻjaligidagi asosiy agrotexnika tadbirlarini amalga oshiruvchi yuqori unumli qishloq xoʻjaligi texnikasini ishlab chiqarish, yetkazib berish va ularga servis xizmati koʻrsatish taʼminlanayotganligi maʼlumot uchun qabul qilinsin.
2. “OʻzKeysmash”, “OʻzKeysTraktor”, “OʻzKeysservis” va “OʻzKeysagrolizing” qoʻshma korxonalari 2003-yil 4-dekabrdan 2006-yil 1-yanvargacha boʻlgan davrda:
texnikani ishlab chiqarish hamda lizing va servis xizmatlari koʻrsatish uchun import qilinadigan asbob-uskunalar, butlovchi va ehtiyot qismlarga hamda boshqa moddiy-texnika resurslari uchun bojxona toʻlovlaridan (bojxonada rasmiylashtirish yigʻimlaridan tashqari);
ishlab chiqariladigan texnika hamda Oʻzbekiston Respublikasi hududida koʻrsatiladigan lizing va servis xizmatlari uchun qoʻshilgan qiymat soligʻidan;
Oʻzbekiston Respublikasi fuqarolari boʻlmagan xodimlar uchun Pensiya jamgʻarmasiga, Ish bilan taʼminlashga koʻmaklashish jamgʻarmasiga va Kasaba uyushmalari Federatsiyasi Kengashiga badallardan;
Respublika yoʻl jamgʻarmasiga ajratmalardan va ekologiya soligʻidan ozod qilinsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T.Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2004-yil 2-fevral,
48-son
