Turar joy binolarini sifatli kapital taʼmirlash, shuningdek aholini ijtimoiy himoya qilish maqsadida Oʻzbekiston Respublikasi Prezidentining quyidagi farmonlariga oʻzgartishlar kiritilsin:

1. Oʻzbekiston Respublikasi Prezidentining “Uy-joy mulkdorlari shirkatlarining faoliyatini rivojlantirish borasidagi qoʻshimcha chora-tadbirlar toʻgʻrisida” 2002-yil 26-fevraldagi PF-3038-son Farmonining 3-bandidagi “2006” raqami “2007” raqami bilan almashtirilsin.

2. Oʻzbekiston Respublikasi Prezidentining “Aholini ijtimoiy muhofaza qilish va kommunal xizmat koʻrsatish korxonalarini qoʻllab-quvvatlash chora-tadbirlari toʻgʻrisida” 2005-yil 23-sentabrdagi PF-3662-son Farmonining:

1-bandidagi “2006-yilda” soʻzlari “2006-2007-yillarda” soʻzlari bilan almashtirilsin;

2-bandining ikkinchi xatboshidagi “2006-yilgi” soʻzlari “2006-2007-yillardagi” soʻzlari bilan almashtirilsin;

3-bandining ikkinchi xatboshidagi “2006-yil” va “2007-yildan boshlab” soʻzlari tegishli ravishda “2006-2007-yillar” va “2008-yildan boshlab” soʻzlari bilan almashtirilsin.