Garov huquqlarini roʻyxatdan oʻtkazish masalalari boʻyicha normativ-huquqiy bazani tartibga solish maqsadida Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlari oʻz kuchini yoʻqotgan deb hisoblansin.

1. Vazirlar Mahkamasining “Garov toʻgʻrisidagi shartnomalarni davlat roʻyxatidan oʻtkazish boʻyicha Vaqtinchalik nizomni tasdiqlash haqida” 1994-yil 1-fevraldagi 50-son qarori (Oʻzbekiston Respublikasi QT, 1994-y., 2-son, 8-modda).

2. Vazirlar Mahkamasining 1994-yil 3-noyabrdagi 533-son qarori (Oʻzbekiston Respublikasi QT, 1994-y., 11-son, 49-modda) bilan tasdiqlangan Davlat boji stavkalarining 3-bandi.

3. Vazirlar Mahkamasining “Oʻzbekiston Respublikasi xalq xoʻjaligida veksellarni qoʻllash toʻgʻrisida” 1995-yil 2-iyundagi 204-son qarorining 8-bandi (Oʻzbekiston Respublikasi QT, 1995-y., 6-son, 19-modda).

4. Vazirlar Mahkamasining 1997-yil 8-apreldagi 177-son qarori (Oʻzbekiston Respublikasi QT, 1997-y., 4-son, 14-modda) bilan tasdiqlangan Oʻzbekiston Respublikasi Hukumatining qarorlariga kiritilayotgan oʻzgartirishlarning 3-bandi.

5. Vazirlar Mahkamasining “Garov toʻgʻrisidagi shartnomalarni roʻyxatdan oʻtkazish tartibini soddalashtirish haqida” 1997-yil 8-apreldagi 178-son qarori (Oʻzbekiston Respublikasi QT, 1997-y., 4-son, 15-modda).