toggle_night_mode
Hujjat kuchini yo‘qotgan 22.02.2021
Oʻzbekiston Respublikasi Prezidenti
huzuridagi Vazirlar Mahkamasining
qarori
KOLXOZLAR, SOVXOZLAR VA BOShQA QIShLOq XOʻJALIGI
KORXONALARI TOMONIDAN QORAKOʻL VA JUNNI SOTISh
MASALALARI
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
Kolxozlar, sovxozlar va boshqa qishloq xoʻjaligi korxonalarining qorakoʻl va jun yetishtirishni koʻpaytirish va sifatini yaxshilashdan manfaatdorligini oshirish, bozor munosabatlariga oʻtish uchun sharoit yaratish haqida bu mahsulotlarni sotishning mavjud tartibini qisman oʻzgartirish maqsadida Vazirlar Mahkamasi qaror qiladi:
1. Belgilansinki, qorakoʻl va junning 1991-yil va undan keyingi yillar uchun belgilangan topshiriqlardan 5 foizi hamda ushbu mahsulotlarning belgilangan topshiriqlardan ortiqcha olingan jami hajmi mamlakat ichkarisida ham, uning tashqarisida ham kolxozlar, sovxozlar va boshqa qishloq xoʻjaligi korxonalari tomonidan ixtiyoriy ravishda sotiladi.
2. Qoraqalpogʻiston Respublikasi Vazirlar Kengashi, viloyat, nohiya ijroiya qoʻmitalari, mahsulotlarning koʻrsatilgan turlarini tayyorlash va sotishga daxldor boʻlgan respublika vazirliklari va idoralari mazkur qarorning ogʻishmay bajarilishini taʼminlasinlar.
Vazirlar Mahkamasining Raisi I. KARIMOV
Toshkent sh.,
1991-yil 25-noyabr,
299-son