|
Hujjat kuchini yo‘qotgan 22.02.2021
|
Hujjat 17.08.1994 sanasi holatiga
Amaldagi versiyaga o‘tish |
Oʻzbekiston Respublikasi Vazirlar Mahkamasining
qarori
“TOShShAHARYOʻLOVChITRANS” DAVLAT UYuShMASINI MOLIYAVIY QOʻLLAB-QUVVATLASh TOʻGʻRISIDA
LexUZ sharhiMazkur qaror Oʻzbekistan Respublikasi Vazirlar Mahkamasining 2021-yil 22-fevraldagi 87-sonli “Oʻzbekiston Respublikasi Hukumatining oʻz ahamiyatini yoʻqotgan ayrim qarorlarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻz ahamiyatini yoʻqotgan qonunchilik hujjatlarini qayta koʻrib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari toʻgʻrisida” 2020-yil 27-sentabrdagi PF-6075-son Farmoni)”gi qaroriga asosan oʻz kuchini yoʻqotgan.
“Toshshaharyoʻlovchitrans” davlat uyushmasini moliyaviy qoʻllab-quvvatlash, shuningdek, Respublika budjetidan amalga oshirilayotgan Toshkent shahar yoʻlovchilarni tashish transportini mablagʻ bilan taʼminlash xarajatlarini kamaytirish maqsadida Vazirlar Mahkamasi qaror qiladi:
1. Oʻzbekiston Respublikasi Davlat mulki qoʻmitasi:
“Toshshaharyoʻlovchitrans” davlat uyushmasining sobiq yotoqxonalari boʻlgan binolar va inshootlarni kimoshdi savdo orqali sotishda sotishdan tushgan mablagʻlarni, ulardan Oʻzbekiston Respublikasi Vazirlar Mahkamasining 1994-yil 29-apreldagi 228-son qaroriga muvofiq Respublika koʻchmas mulk birjasiga tegishli boʻlgan summani chegirib, Toshkent shahar yoʻlovchilar tashish transporti xodimlariga uy-joy fondi sotib olish uchun davlat uyushmasiga yoʻllasin;
“Toshshaharyoʻlovchitrans” davlat uyushmasi tarkibiga kiruvchi korxonalar, tashkilotlar va obyektlarni sotish hamda davlat tasarrufidan chiqarishda sotishdan olingan mablagʻlarning 60 foizi davlat uyushmasi har yili taqdim etadigan aniq texnik qayta jihozlash rejalari asosida shahar yoʻlovchilar tashish transportining harakatdagi sostavi parkini sotib olish va yangilash uchun “Toshshaharyoʻlovchitrans” davlat uyushmasiga yoʻllasin.
Keyingi tahrirga qarang.
2. “Toshshaharyoʻlovchitrans davlat uyushmasi, “Oʻzavtotrans” davlat korporatsiyasi va Oʻzbekiston Respublikasi Kommunal xizmat koʻrsatish vazirligi Davlat mulki qoʻmitasi, Adliya vazirligi va Moliya vazirligi bilan birgalikda uch oy muddatda “Shahar yoʻlovchilar tashish transporti toʻgʻrisida”gi Qonunning uning bozor munosabatlari sharoitlarida ishlashini nazarda tutuvchi loyihasini ishlab chiqsinlar va uni keyinchalik Oʻzbekiston Respublikasi Oliy Kengashiga kiritish uchun Vazirlar Mahkamasiga taqdim etsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.R. Yunusov zimmasiga yuklansin.
Oʻzbekiston Respublikasining Bosh vaziri A. MUTALOV
Toshkent sh.,
1994-yil 17-avgust,
422-son
