Вазирлар Маҳкамаси қарор қилади:

1. Ўзбекистон Республикаси Ташқи иқтисодий алоқалар вазирлиги бош бошқармасининг бошлиғи Ф.А. Қодиров Вазирлар Маҳкамасининг 2002 йил 1 февралдаги 44-сон қарори билан тасдиқланган Шакар хом ашёсини харид қилишга оид таклифларни танлаб олиш бўйича махсус гуруҳ таркибига киритилсин, унинг таркибидан Б.Э. Аҳмедов чиқарилсин.

2. Вазирлар Маҳкамасининг 2002 йил 1 февралдаги 44-сон қарори билан тасдиқланган Шакар хом ашёсини импорт қилишда таклифларни маҳсулот етказиб бериш шартлари бўйича танлаб олиш тартиби тўғрисида низомга (Ўзбекистон Республикаси ҚТ, 2002 й., 2-сон, 7-модда) иловага мувофиқ ўзгартиришлар ва қўшимчалар киритилсин.

1. 7-банднинг иккинчи хатбошидаги «танлов иштирокчилари томонидан танлов ҳужжатларини олиш учун тўланган маблағлар ҳисобидан тўланади» сўзлари «, шу жумладан шакар хом ашёсини танлаб олиш билан боғлиқ сафар харажатлари Ўзбекистон Республикасидаги шакар хом ашёсини импорт қилувчи томонидан танлов ғолибидан олинган воситачилик мукофоти маблағлари ҳисобидан тўланади.» сўзлари билан алмаштирилсин.

2. 10-банддаги «камида 30 кун олдин» сўзлари «камида 15 кун олдин» сўзлари билан алмаштирилсин.

3.11-банднинг олтинчи хатбоши чиқариб ташлансин.

4. 12-банд қуйидаги мазмундаги хатбошилари билан тўлдирилсин:

«келишилган давр ичида танлов иштирокчисининг таклифи чақириб олинмаслигини кафолатловчи пул закалатининг миқдори, уни киритиш ва қайтариш тартиби;

буюртмачининг ихтиёрига кўра — танлов натижаларига мувофиқ тузилган контрактни зарур даражада бажариш бўйича пулли кафолатнинг (гаров сифатида) миқдори, уни киритиш ва қайтариш тартиби.

Таклифлар икки бўлимдан иборат бўлади, улардан бири — тижорат қисмини ва контракт проформасини ўз ичига олган бўлим таклифнинг чақириб олинмаслиги кафолатланиши шарт».

5. 13-банднинг бешинчи хатбоши чиқариб ташлансин.

6.17-банднинг иккинчи хатбоши чиқариб ташлансин.

7. 20-банд ўз кучини йўқотган деб ҳисоблансин.

8. 30-банднинг тўртинчи хатбоши чиқариб ташлансин.

9.33-банднинг олтинчи хатбошидан иккинчи жумла чиқариб ташлансин.

10. 35-банд қуйидаги таҳрирда баён қилинсин:

«Махсус гуруҳнинг танлов ғолиби тўғрисидаги протоколи йиғилишда қатнашаётган Махсус гуруҳ аъзоларининг ҳаммаси томонидан имзоланади ҳамда шакар хом ашёси етказиб беришга даъвогарлар танлови ўтказилганлиги тўғрисидаги тўлиқ маълумот билан бирга Вазирлар Маҳкамасининг Истеъмол товарлари ишлаб чиқариш ва савдо комплексининг раҳбарига тасдиқлаш учун тақдим этилади».