Таъкидлаш жоизки, кейинги йилларда республикамиз ёғ-мой саноатида фаолиятни ташкил этишни такомиллаштириш бўйича бир қатор мақсадли чора-тадбирлар амалга оширилди. Пахта чигитини сертификатлаш тизими жорий этилиб, уларни ёғ-мой корхоналарига етказиб беришнинг самарали механизми яратилди, корхоналарни модернизация ва техник қайта жиҳозлаш ишлари олиб борилмоқда, маҳсулот сифатини ошириш чоралари кўрилмоқда. Мазкур чора-тадбирларнинг амалга оширилиши ички истеъмол бозорини ёғ-мой маҳсулотлари билан барқарор ва кафолатли тўлдиришни таъминлашга хизмат қилди.

Шу билан бирга, айрим ҳудудларда ёғ-мой корхоналарининг ишлаб чиқариш қувватларидан тўлиқ фойдаланилмаяпти, технологик регламентларнинг бузилиши ва белгиланган стандартларга жавоб бермайдиган пахта ёғи ишлаб чиқаришга йўл қўйилмоқда. Ёғ-мой саноати соҳасида етарлича малака ва тажрибага эга бўлмаган шахсларни корхоналарга раҳбар этиб тайинлаш фактлари мавжуд.

Бу камчиликларни бартараф этиш, ёғ-мой саноатини бошқариш тизимини янада такомиллаштириш, корхоналарни тажрибали юқори малакали кадрлар билан таъминлаш ва шу асосда ёғ-мой маҳсулотлари сифатини ошириш ва турларини кенгайтириш, ёғ-мой маҳсулотларининг тўлиқ тўйинганлигини таъминлаш у билан ички истеъмол бозорини ривожлантириш ва экспорт салоҳиятини кенгайтириш мақсадида:

2. Шундай тартиб белгилансинки, унга кўра пахта чигити фақат Ўзбекистон Республикаси Президентининг 2018 йил 17 январдаги «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги ПҚ-3479-сонли қарорига 1-иловага киритилган ёғ-мой саноати корхоналари томонидан қайта ишланади.

3. Белгилансинки, Ўзбекистон Республикаси Президентининг 2018 йил 17 январдаги «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги ПҚ-3479-сонли қарорига 1-иловада кўрсатилган ёғ-мой тармоғи корхоналари томонидан ишлаб чиқариладиган тайёр маҳсулот, энг аввало пахта ёғи (Ўзбекистон Республикаси Президентининг 2018 йил 17 январдаги «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги ПҚ-3479-сонли қарорига 2-илова билан назарда тутилган ҳолатлар бундан истисно), шрот, шулха, кир совун, атир совун, маргарин маҳсулотлари ва глицерин фақат товар биржалари орқали сотилади. Ушбу тартибни бузган шахслар қонунчилик ҳужжатларига мувофиқ жавобгарликка тортилади.

4. Ўзбекистон Республикаси Президентининг 2018 йил 17 январдаги «Мамлакат иқтисодиётининг тармоқларини талаб юқори бўлган маҳсулот ва хом ашё турлари билан барқарор таъминлаш чора-тадбирлари тўғрисида»ги ПҚ-3479-сонли қарорининг 1-иловасига киритилмаган корхоналарда, шунингдек уй шароитларида чигитни қайта ишлаш ва пахта ёғи ишлаб чиқариш амалдаги қонунчиликни бузиш ҳисобланади. Пахта чигитини қонунга хилоф равишда қайта ишлаш ва пахта ёғи ишлаб чиқариш билан шуғулланган шахсларга белгиланган тартибда жавобгарлик чоралари, ҳатто, жиноий жавобгарликкача бўлган чоралар қўлланилади.

7. «Ўзпахтасаноатекспорт» холдинг компанияси:

Ўзбекистон «Сифат» маркази ва Ўзбекистон Республикаси Молия вазирлигининг Назорат-тафтиш бош бошқармаси билан ҳамкорликда тармоқ корхоналарида, пахта тозалаш ва ёғ-мой корхоналарида пахта чигитни ишлаб чиқариш, ташиш, сақлаш ва қайта ишлашда бирламчи ҳисобни ташкил этишнинг тасдиқланган тартибига қатъий риоя этилишини таъминласин;

бир ой муддатда хомашёдан фойдаланиш самарадорлигини ошириш ҳамда ёғ-мой саноати корхоналари томонидан ёғ-мой маҳсулотлари ишлаб чиқаришнинг технологик қоидалари ва меъёрий ҳосилдорликларига риоя этилишини таъминлаш бўйича аниқ чора-тадбирлар комплексини ишлаб чиқсин ва тасдиқласин;

ёғ-мой саноати корхоналари ходимларини қайта тайёрлаш ва уларнинг малакасини ошириш бўйича ишларни тизимли асосда ташкил этиш, корхона бўлинмалари раҳбарлари ва бош мутахассислари лавозимлари учун кадрлар захирасини шакллантиришни таъминлаш.

8. Қорақалпоғистон Республикаси Вазирлар Кенгаши, вилоятлар ва туманлар ҳокимликлари аҳолининг ёғ-мой маҳсулотларига бўлган эҳтиёжини, шунингдек мавжуд ер ресурслари ва қишлоқ хўжалиги экинларининг жойлашувини ҳисобга олган ҳолда, ноанъанавий мойли экинлар етиштиришни, шу жумладан, лалмикор ерларда етиштиришни кўпайтириш бўйича қўшимча чора-тадбирлар кўрсин.

9. Ўзбекистон Республикаси Молия вазирлиги ва Давлат солиқ қўмитаси ёғ-мой саноати корхоналари томонидан пахта мойини сотишдан тушган акциз солиғи маблағларининг ўз вақтида ва тўлиқ тушуми устидан тизимли мониторингни таъминласин.

10. Ўзбекистон Республикаси Давлат мулки қўмитаси, Адлия вазирлиги, Озиқ-овқат саноати корхоналари уюшмаси манфаатдор вазирлик ва идоралар билан биргаликда:

ёғ-мой саноатидаги якка тартибдаги акциядорлик жамиятларини бошқариш учун илгари жорий қилинган «олтин акциялар» бекор қилинсин;

бир ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

11. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклатилсин.