|
I. Aholi bandligiga koʻmaklashish sohasida xizmatlar koʻrsatish sifatini yanada oshirish va bu borada normativ-huquqiy bazani mustahkamlash |
|
1. |
Quyidagilarni nazarda tutuvchi Hukumat qarori loyihasini ishlab chiqish va Vazirlar Mahkamasiga tasdiqlash uchun kiritish:
a) “Ishga marhamat” monomarkazlarining:
davlat muassasasi hisoblanishi hamda kasb-hunar, tadbirkorlik, xorijiy tillar, kasbiy malakani baholash, ishga joylashtirish va ketishdan oldin tayyorgarlikdan oʻtkazish hamda moslashtirish yoʻnalishlarini oʻz ichiga olishi;
ishsiz va kambagʻal aholida tadbirkorlik koʻnikmalarini shakllantirish uchun olti oydan oshmagan oʻqitishni tashkil etishi hamda tadbirkorlik koʻnikmalarini shakllantirish borasida Biznes va tadbirkorlik oliy maktabi bilan hamkorlikda faoliyat olib borishi;
qurilish, rekonstruksiya va kapital taʼmirlash ishlari buyurtmachisi sifatida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining “Yagona buyurtmachi xizmati” injiniring kompaniyasi hisoblanishi, shuningdek qurilish, rekonstruksiya va taʼmirlash ishlari qonun hujjatlarida belgilangan tartibda amalga oshirilishi;
oʻquv jarayonida foydalanish uchun asbob-uskuna va jihozlarni xarid qilish Ishchi kasblarni ommalashtirish va rivojlantirish assotsiatsiyasi (WorldSkills Uzbekistan) talablari asosida (WorldSkills standartlari asosida) belgilangan tartibda Bandlik va mehnat munosabatlari vazirligi tomonidan amalga oshirilishi;
b) tuman (shahar)lardagi kasb-hunarga oʻqitish markazlarining:
davlat muassasasi hisoblanishi hamda mehnat bozori ehtiyojidan kelib chiqib, ishsiz va band boʻlmagan aholini kasb-hunarga tayyorlash, qayta tayyorlash va malakasini oshirish faoliyatini amalga oshirishi;
kasb-hunarga oʻqitish jarayonida aholini mahalliy mehnat bozorida talab yuqori boʻlgan kasblarga, shuningdek tadbirkorlik va xorijiy tillarga olti oydan oshmagan oʻqitish bilan qamrab olishi;
tasdiqlangan yoʻnalishlar boʻyicha oʻquv jarayoni uchun asbob-uskuna va jihozlar Bandlikka koʻmaklashish davlat jamgʻarmasi mablagʻlari hisobidan xarid qilinishi;
v) qisqa muddatli kasb-hunarga oʻqitish kurslarining:
oʻzi joylashgan muassasa huzurida uning rahbari buyrugʻi asosida tashkil etilishi hamda oʻquv-metodik faoliyati Oliy va oʻrta maxsus taʼlim vazirligi tomonidan muvofiqlashtirilishi;
ular joylashgan tumanlarda ehtiyoj yuqori boʻlgan ishchi kasblarga, ayniqsa, xizmat koʻrsatish, qurilish, kommunal sohalar boʻyicha qamrab olinishi;
oʻqitish muddati uch oygacha boʻlib, kunduzgi, kechki yoki aholiga qulay boʻlgan boshqa vaqtlarda ayrim kasblar boʻyicha masofaviy shaklda oʻtkazilishi;
faoliyati mazkur qarorga 3-ilovaga muvofiq Oliy va oʻrta maxsus taʼlim vazirligi belgilaydigan oliy taʼlim muassasalari va Toshkent shahri Kasbiy taʼlimni rivojlantirish va muvofiqlashtirish boshqarmasi tomonidan doimiy nazorat qilib borilishi, kurslarda oʻqitish jarayoniga professional va oliy taʼlim muassasalari oʻqituvchilari keng jalb qilinishi;
oʻqish jarayoniga jalb etilgan oʻqituvchilarning mehnatiga kasb-hunarga oʻqish uchun tushgan toʻlovlar hisobidan kasb-hunar kurslarini tashkil etgan muassasa tomonidan haq toʻlanishi;
moddiy-texnika bazasini taʼminlash, shu jumladan zamonaviy asbob-uskunalar bilan jihozlash uchun Oliy taʼlim muassasalarini rivojlantirish jamgʻarmasi hisobidan tegishli taʼlim muassasalariga zarur mablagʻ ajratilishi;
g) mahalla aholisini kasb-hunarga oʻqitish maskanlarining:
Bandlik va mehnat munosabatlari vazirligi tizimidagi oʻquv markazlarining filiallari (boʻlinmalari) sifatida tashkil etilishi. Bunda, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari mahalla aholisini kasb-hunarga oʻqitish maskanlarini tashkil etish uchun mazkur qarorga 4-ilovada keltirilgan roʻyxatga muvofiq mahallalarda joylashgan mahalla guzarlari, oʻquv muassasalari yoki hududdagi boshqa muassasalar binolaridan alohida joy ajratilishini va zarur asbob-uskunalar bilan jihozlanishini taʼminlashi;
kasb-hunarga oʻqitishning tikuvchilik, oshpazlik, qandolatchilik, sartaroshlik, kompyuter savodxonligi, tadbirkorlik asoslari va boshqa murakkab asbob-uskunalar talab etilmaydigan yoʻnalishlar boʻyicha uch oydan oshmagan qisqa muddatli oʻquv kurslari tashkil etishi;
kasb-hunarga oʻqitadigan ishlab chiqarish taʼlimi ustalari kasb-hunarga oʻqitish maskanlari joylashgan hududda istiqomat qiluvchi fuqarolar yoki markazdagi taʼlim ustalari orasidan tanlab olinishi hamda kasb-hunarga oʻqitish markazlari bilan shartnoma asosida ish faoliyatini olib borishi;
kasb-hunarga oʻqitadigan ishlab chiqarish taʼlimi ustalari Bandlik va mehnat munosabatlari vazirligi tizimidagi oʻquv markazlari va taʼlim muassasalari tomonidan oʻqitilishi hamda ularning malakasi oshirilishi;
alohida yuridik shaxs tashkil etmasdan oʻqitish quvvati bir vaqtning oʻzida 15 kishidan oshmagan holda kasb-hunar koʻnikmalarini oʻrgatish faoliyati vaqtinchalik mehnat guvohnomalari beriladigan faoliyat (xizmatlar, ishlar) turlariga kirishi hamda ushbu faoliyatni amalga oshiruvchi shaxslarga ularning xohishiga binoan mehnat stajini hisoblash uchun vaqtinchalik mehnat guvohnomalari rasmiylashtirib berilishi. |
Vazirlar Mahkamasining qarori |
Bir oy muddatda |
Bandlik va mehnat munosabatlari vazirligi |
|
2. |
Bandlik va mehnat munosabatlari vazirligining markaziy apparati huzurida aholi bandligiga koʻmaklashish markazlari faoliyatini videokuzatuv kameralari va “abkm.mehnat.uz“ tizimi orqali doimiy nazorat qilish imkonini beruvchi Situatsion tezkor markazni tashkil etish. |
Vazirlar Mahkamasi qarori |
2020-yil sentabr |
Bandlik va mehnat munosabatlari vazirligi |
|
3. |
Davlat mehnat inspeksiyasi huzurida Birlashgan Arab Amirliklarining Mehnat resurslari va emiratlashtirish vazirligi hamkorligida jamoatchilik asosida faoliyat yuritadigan va kollegial-maslahat organi hisoblangan “Mehnat sohasidagi murojaat va nizolarni oʻrganish va hal qilish markazi” tashkil etish, uning asosiy vazifalari sifatida quyidagilarni belgilash:
Birlashgan Arab Amirliklarining Mehnat resurslari va emiratlashtirish vazirligi huzuridagi “TWA-FOOK” markazlari tajribasi asosida mehnat munosabatlari sohasidagi ishchilar va ish beruvchilarning murojaatlarini “bir darcha” tamoyili asosida tezkor koʻrib chiqish hamda Davlat mehnat inspeksiyasi vakolatlari doirasida hal qilish tizimini yaratish;
mehnat munosabatlari va mehnatni muhofaza qilish doirasida xodimlar va ish beruvchilarga metodik yordam berish, maslahat xizmatlari koʻrsatish, mehnatni muhofaza qilish, fuqarolarning mehnat huquqlarini himoya qilishni yanada kuchaytirish. |
Normativ-huquqiy hujjat loyihasi |
2020-yil oktabr |
Bandlik va mehnat munosabatlari vazirligi |
|
4. |
“Mehnat.uz” axborot-kompyuter markazi” masʼuliyati cheklangan jamiyatini “Mehnat sohasidagi loyihalarni boshqarish markazi” masʼuliyati cheklangan jamiyati etib qayta tashkil etish choralarini koʻrish, uning asosiy vazifalari sifatida quyidagilarni belgilash:
Bandlik va mehnat munosabatlari vazirligi tomonidan belgilab berilgan istiqbolli yoʻnalishlarda, jumladan, ishsizlikni kamaytirish, mehnat organlariga murojaat qilgan ishsizlarga sifatli xizmatlar koʻrsatish, norasmiy ish bilan band boʻlganlarning mehnat munosabatlarini qonuniylashtirish, ishsizlarni, ayniqsa, yoshlar va xotin-qizlarni kasbga tayyorlash va qayta tayyorlash tizimini takomillashtirishga qaratilgan loyihalarni ishlab chiqish;
bandlik va mehnat munosabatlari masalalari boʻyicha axborot-maʼlumotnoma tizimlari va interaktiv xizmatlarni rivojlantirish, yagona axborot texnologiyalari siyosatini olib borish yuzasidan asoslangan takliflar tayyorlash.
Bunda, “Mehnat sohasidagi loyihalarni boshqarish markazi” masʼuliyati cheklangan jamiyati binosini qurish va saqlash xarajatlari Bandlikka koʻmaklashish davlat jamgʻarmasi mablagʻlari hisobidan amalga oshirilishini belgilash. |
Normativ-huquqiy hujjatlar loyihasi |
2020-yil sentabr |
Bandlik va mehnat munosabatlari vazirligi |
|
5. |
Bandlik va mehnat munosabatlari vazirligi tizimidagi “Ishga marhamat” band boʻlmagan aholiga xizmat koʻrsatuvchi “Monomarkaz” masʼuliyati cheklangan jamiyatni band boʻlmagan aholiga xizmat koʻrsatuvchi “Ishga marhamat” monomarkazi” davlat muassasasi (keyingi oʻrinlarda — Monomarkaz) etib qayta tashkil etish choralarini koʻrish. Bunda:
Monomarkaz bevosita Bandlik va mehnat munosabatlari vazirligiga boʻysunishi, uning faoliyati bilan bogʻliq xarajatlar Bandlikka koʻmaklashish davlat jamgʻarmasi mablagʻlari, xoʻjalik faoliyatidan tushgan mablagʻlar va qonun hujjatlari bilan taqiqlanmagan boshqa manbalar hisobiga moliyalashtirilishini;
ish bilan band boʻlmagan aholini kasb-hunar, tadbirkorlik koʻnikmalari va xorijiy tillarga oʻqitishni tashkil etish, aholiga bandlik va tashkillashtirilgan mehnat migratsiyasiga oid xizmatlar koʻrsatish hamda boshqa faoliyat yoʻnalishlarini joriy etish va amalga oshirishni;
Jahon bankining aholi bandligini taʼminlashga qaratilgan loyihasi doirasida hududiy kasb-hunarga oʻqitish markazlarida Monomarkaz namunasi asosida oshpazlik, qandolatchilik, sartaroshlik va tikuvchilik kasblari boʻyicha oʻqitishni tashkil etishni;
Monomarkaz tarkibida kambagʻal va ishsiz fuqarolarni kasb-hunarga hamda tadbirkorlik koʻnikmalariga oʻqitishga qaratilgan umummilliy tizimning qisqa muddatli oʻquv kurslari uchun oʻquv dasturlari, oʻquv qoʻllanmalari va metodik materiallarni ishlab chiqish bilan shugʻullanuvchi Metodik taʼminlash boʻlimi tashkil etilishini taʼminlashni nazarda tutish. |
Ijrochilar qarorlari |
2020-yil sentabr |
Bandlik va mehnat munosabatlari vazirligi, Oliy va oʻrta maxsus taʼlim vazirligi |
|
6. |
“Ishga marhamat” monomarkazida ikki oy muddatda, Qoraqalpogʻiston Respublikasi va viloyatlardagi “Ishga marhamat” monomarkazlarida 2020-2021-yillarda ish qidiruvchi fuqarolar, tashkillashtirilgan tartibda xorijga mehnat migratsiyasiga ketmoqchi boʻlgan fuqarolar, nodavlat oʻquv markazlari bitiruvchilari va boshqa aholi toifalari uchun WorldSkills standartlari asosida Ishchi kasblar boʻyicha kasbiy malakani baholashga doir tarkibiy boʻlinmalarni tashkil etish. |
Ijrochilar qarorlari |
2020-2021-yillar |
Bandlik va mehnat munosabatlari vazirligi |
|
7. |
Bandlikka koʻmaklashish davlat jamgʻarmasi mablagʻlari hisobidan Toshkent shahri hokimligi bilan birgalikda Yunusobod va Sergeli tumanlarida vaqtinchalik bir martalik ish bilan taʼminlash byurolarining namunaviy loyihalar asosida qurilishini yakunlash. |
Binolarni foydalanishga topshirish |
2020-yil oktabr |
Bandlik va mehnat munosabatlari vazirligi, Toshkent shahri hokimligi |
|
8. |
Aholi bandligiga koʻmaklashish markazlari tomonidan har bir koʻrsatilayotgan xizmatning maʼmuriy reglamentini aholiga koʻrsatilayotgan xizmatlar sifati, vaqti, xodimlarning mehnat va ijro intizomi, aholining xizmatlardan qanoatlanishi darajasini oshirish maqsadida qayta koʻrib chiqish.
|
Vazirlar Mahkamasi qarori |
2020-yil sentabr |
Bandlik va mehnat munosabatlari vazirligi, manfaatdor
vazirlik va idoralar |
|
9. |
Aholi bandligiga koʻmaklashish markazlarida ishga joylashtirishga yoʻllanma berilayotgan ishsizlarning shaxsiy rezyumesini shakllantirish maqsadida ularni markazlarning oʻzida rasmga olish tizimini yoʻlga qoʻyish va mazkur markazlarni zarur moslamalar (raqamli fotokamera va planshet) bilan taʼminlash choralarini koʻrish. |
Vazirlar Mahkamasi qarori |
2020-yil sentabr |
Bandlik va mehnat munosabatlari vazirligi, manfaatdor
vazirlik va idoralar |
|
10. |
Mehnat organlariga murojaat etayotgan, ayniqsa, ishsiz yoshlar va xotin-qizlar, qaytib kelayotgan mehnat migrantlarini mehnat bozoriga moslashtirish (reintegratsiya qilish), jumladan, kasbga moslashtirish, ish beruvchi bilan suhbatga tayyorlash uchun autsorsing shartlarida psixolog mutaxassislarni jalb etish. |
Vazirlar Mahkamasi qarori |
2020-yil sentabr |
Bandlik va mehnat munosabatlari vazirligi, manfaatdor
vazirlik va idoralar |
|
11. |
Respublika mehnat organlari xodimlari malakasini oshirish kurslari faoliyatini tubdan takomillashtirish, shu jumladan mehnat organlari xodimlarining, tashkilotlardagi xodimlar bilan ishlash boʻyicha boʻlim rahbarlari va mutaxassislarining bilim va koʻnikmalarini zamonaviy pedagogik va axborot-kommunikatsiya texnologiyalarini, masofaviy taʼlim, oʻqitish va treninglarning interfaol uslublarini keng joriy etish orqali oshirish hamda mehnat organlariga ?shga qabul qilishda nomzodlarning samarali tanlovini oʻtkazishni taʼminlash. |
Dastur ishlab chiqish va tasdiqlash |
2020-yil 1-dekabr |
Bandlik va mehnat munosabatlari vazirligi |
|
12. |
Ishchi kasblarni ommalashtirish va rivojlantirish WorldSkills Uzbekistan assotsiatsiyasining “Ishga marhamat” monomarkazlari, kasb-hunarga oʻqitish markazlari, qisqa muddatli kasb-hunarga oʻqitish kurslari, mahalla aholisini kasb-hunarga oʻqitish maskanlari va boshqa nodavlat taʼlim muassasalari oʻqituvchi va ishlab chiqarish taʼlim ustalarining xalqaro standartlar asosida malakasini oshirish uchun nodavlat taʼlim muassasasi shaklidagi “WorldSkills Akademiyasi”ni taʼsis etish. |
Ijrochilar qarorlari |
2020-2021-yillar davomida |
Bandlik va mehnat munosabatlari vazirligi, Adliya vazirligi |
|
13. |
Aholi bandligiga koʻmaklashish markazlari hamda kasb-hunarga oʻqitish markazlarida kasblarning asosiy xususiyatlari va kasb standartlarini taʼriflovchi multimedia vositalari bilan jihozlangan situatsion xonalarni tashkil etgan holda kasbga yoʻnaltirish dasturini joriy etish. |
Situatsion xonalarni tashkil etish va kasbga yoʻnaltirish dasturini joriy etish. |
2020-yil 1-dekabr |
Bandlik va mehnat munosabatlari vazirligi |
|
14. |
Kasb-hunar maktablari hamda ishsiz va band boʻlmagan fuqarolarni kasb-hunarga oʻqitish markazlarini nodavlat kasb-hunarga oʻqitish muassasalariga toʻliq boshqaruvga berishni nazarda tutuvchi tartibni Vazirlar Mahkamasiga kiritish. |
Vazirlar Mahkamasi qarori |
Uch oy muddatda |
Oliy va oʻrta maxsus taʼlim vazirligi, Bandlik va mehnat munosabatlari vazirligi, Moliya vazirligi
|
|
15. |
Bandlikka koʻmaklashish davlat jamgʻarmasi mablagʻlari hisobidan namunaviy loyihalar asosida ishsizlar soni yuqori boʻlgan mahallalarda kamida 10 ta “Mehnat guzari” majmualarini qurish, ularda ishsiz aholi, birinchi navbatda yoshlar, xotin-qizlar, mehnat migrantlari va ularning oila aʼzolariga xizmat koʻrsatish
hamda ishlab chiqarishni yoʻlga qoʻyish uchun imtiyozli ravishda (bepul foydalanish uchun) xona ajratish, kelgusida esa ularga ajratilgan binolarni bozor narxlarida xarid qilish imkonini yaratish. |
Ijrochilar qarorlari |
2021-2022-yillar |
Bandlik va mehnat munosabatlari vazirligi, Qoraqalpogʻiston Respublikasi Vazirlar Kengashi, viloyatlar
va Toshkent shahri hokimliklari |
|
16. |
“Ishga marhamat” monomarkazlarini va kasb-hunarga oʻqitish markazlarini saqlash, qayta taʼmirlash, asbob-uskuna va jihozlar bilan taʼminlash uchun Bandlikka koʻmaklashish davlat jamgʻarmasiga Inqirozga qarshi kurashish jamgʻarmasidan 2020-yil uchun ajratiladigan mablagʻlarga qoʻshimcha ravishda 150milliard soʻm mablagʻ ajratish. |
Ijrochilar qarorlari |
Bir oy muddatda |
Moliya vazirligi, Bandlik va mehnat munosabatlari vazirligi |
|
17. |
“Eng yaxshi kasbga tayyorlash dasturi” tanlovi gʻoliblarining loyihalarini moliyalashtirish uchun Bandlikka koʻmaklashish davlat jamgʻarmasiga Inqirozga qarshi kurashish jamgʻarmasidan 2020-yil uchun ajratiladigan mablagʻlarga qoʻshimcha ravishda 50 milliard soʻm mablagʻ ajratish. |
Ijrochilar qarorlari |
Bir oy muddatda |
Moliya vazirligi, Bandlik va mehnat munosabatlari vazirligi |
|
II. Bandlik sohasida uzoq muddatli strategiyani ishlab chiqish |
|
18. |
Quyidagilarni nazarda tutuvchi 2030-yilgacha Oʻzbekiston Respublikasida Aholi bandligini taʼminlash boʻyicha uzoq muddatli milliy strategiyani ishlab chiqish va Vazirlar Mahkamasiga tasdiqlash uchun kiritish:
mehnat bozori holatini chuqur oʻrganish, mehnat resurslari, bandlik va aholini ishga joylashtirishni har tomonlama tahlil qilish, sifatli va xolisona baholash orqali mehnat bozorida band aholi ulushini oshirishning ilgʻor mexanizmlarini joriy qilish;
bandlikni oshirishga yordam beradigan va har bir hududning ixtisoslashuvidan kelib chiqqan holda ishsizlik darajasini kamaytirishning ustuvor yoʻnalishlarini ishlab chiqish;
bandlikni rivojlantirishning ustuvor yoʻnalishlarini amalga oshirish va samarali siyosat olib borish orqali aholini doimiy ish oʻrinlari bilan taʼminlash asosida ularning real daromadlarini oshirish;
bandlikni qoʻllab-quvvatlash sohasida amalga oshirilayotgan siyosatni va ishga joylashtirish jarayonlarini samarali boshqarishning asosiy koʻrsatkichlarini baholash. |
Vazirlar Mahkamasi qarori |
2020-yil 1-dekabr |
Bandlik va mehnat munosabatlari vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, manfaatdor vazirlik va idoralar |
|
19. |
Quyidagilarni nazarda tutuvchi Mamlakatdagi inson kapitali darajasi va milliy ish kuchining raqobatbardoshligini oshirish konsepsiyasini ishlab chiqish va Vazirlar Mahkamasiga kiritish:
tashkilotlarda ilgʻor xorijiy tajriba asosida mehnat unumdorligini oshirish chora-tadbirlarini ishlab chiqish;
mamlakat ishchi kuchining inson kapitali darajasini oshirish chora-tadbirlarini ishlab chiqish, uni aniqlash va baholash indekslari metodikasini tarmoqlar va hududlar boʻyicha yaratish;
iqtisodiyot tarmoqlari va ijtimoiy soha tashkilotlarida mehnatni meʼyorlash mexanizmlarini ishlab chiqish va joriy etish reja-jadvallarini tasdiqlash.
|
Vazirlar Mahkamasi qarori |
2020-yil 1-dekabr |
Bandlik va mehnat munosabatlari vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, manfaatdor vazirlik va idoralar |
|
20. |
Ishsiz va band boʻlmagan aholini, ayniqsa, uning kambagʻal qatlamini, xotin-qizlar va yoshlarni, mahalla aholisini kasb-hunarga oʻqitish maskanlari, kasb-hunarga oʻqitish markazlari, “Ishga marhamat” monomarkazlarida qisqa muddatda kasb-hunarga oʻqitish tartibini belgilash va Vazirlar Mahkamasiga tasdiqlash uchun kiritish.
|
Vazirlar Mahkamasi qarori |
2020-yil sentabr |
Bandlik va mehnat munosabatlari vazirligi, manfaatdor vazirlik va idoralar |
|
21. |
Tadbirkorlik faoliyatini boshlayotgan ishsiz fuqarolarga tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va inshootning ijara toʻlovi hamda hunarmandlarning “Hunarmand” uyushmasiga aʼzolik badali xarajatlarini qoplash uchun subsidiya ajratish boʻyicha yangi mexanizmlarini joriy etish. |
Normativ-huquqiy hujjatlar loyihasi |
2020-yil sentabr |
Bandlik va mehnat munosabatlari vazirligi |
|
III. Yaratilgan ish oʻrinlari va aholi bandligini taʼminlash boʻyicha axborot almashinuvini tashkil etish |
|
22. |
Markaziy bank tijorat banklari bilan birgalikda 2020-yilda yirik korxonalarni, kichik biznes va xususiy tadbirkorlikni moliyaviy qoʻllab-quvvatlash borasidagi ishlarni yanada kuchaytirishi, shuningdek, yangi ish oʻrinlarini tashkil etishga qaratilgan loyihalar hamda oilaviy tadbirkorlikni qoʻllab-quvvatlash dasturlari doirasida ajratilgan kreditlar va ular hisobiga yaratilgan ish oʻrinlari toʻgʻrisidagi maʼlumotlarni Bandlik va mehnat munosabatlari vazirligiga taqdim etib borishi. |
Yaratilgan ish oʻrinlari toʻgʻrisidagi maʼlumotlarni shakllantirish |
Har oy yakuni boʻyicha |
Markaziy bank, tijorat banklari |
|
23. |
Koronavirus pandemiyasi taʼsiri natijasida tarmoq va hududiy investitsiya dasturidagi bajarilmaslik xavfi boʻlgan loyihalar ijro muddatlariga oʻzgartirish kiritish.
Koronavirus pandemiyasi davrida faoliyati vaqtincha toʻxtatilgan korxonalar faoliyatini qayta tiklash va ularning xodimlarini oʻz ish joylariga qaytarish. |
Normativ-huquqiy hujjatlar loyihalari
Korxonalar faoliyatini qayta tiklash |
Zarurat boʻlganda Har hafta |
Investitsiyalar va tashqi savdo vazirligi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|
24. |
Vazirliklar, idoralar va xoʻjalik birlashmalari mavjud boʻsh ish oʻrinlari toʻgʻrisidagi maʼlumotlarni Yagona milliy mehnat tizimiga kiritib borishi, shuningdek, tizim tashkilotlari boʻyicha boʻsh ish oʻrinlari toʻgʻrisidagi maʼlumotlarni oʻz rasmiy veb-saytlarida eʼlon qilib borishi. |
Mavjud boʻsh ish oʻrinlari toʻgʻrisida maʼlumotlarni tizimga kiritish |
Doimiy |
Vazirliklar, idoralar va xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari |
|
25. |
Koronavirus pandemiyasi davrida Toshkent shahri hududida faoliyat yuritayotgan korxonalardagi mavjud boʻsh ish oʻrinlaridan kelib chiqib, ishchi kuchiga boʻlgan ehtiyoj yuzasidan buyurtmanoma shakllantirgan holda Qoraqalpogʻiston Respublikasi Vazirlar Kengashi va viloyatlar hokimliklariga taqdim etib borish.
Qoraqalpogʻiston Respublikasi va viloyatlardagi ishsizlarni, shu jumladan xorijiy davlatlarga keta olmagan mehnat migrantlarini Toshkent shahri hokimligining buyurtmanomasiga asosan ishga joylashtirish uchun Toshkent shahriga tashkillashtirilgan holda yuborishni taʼminlash. |
Buyurtmanoma taqdim etish Hududdagi ishsizlarni Toshkent shahriga ishga joylashtirish |
Yil davomida |
Toshkent shahri hokimligi Qoraqalpogʻiston Respublikasi Vazirlar Kengashi va viloyatlar hokimliklari |
