Oʻzbekiston Respublikasi Soliq kodeksi va Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:

1. Quyidagi soliq hisobotining shakllari tasdiqlansin:

yuridik shaxslardan olinadigan foyda soligʻi boʻyicha 1-ilovaga muvofiq;

jismoniy shaxslardan olinadigan daromad soligʻi boʻyicha 2-ilovaga muvofiq;

qoʻshilgan qiymat soligʻi boʻyicha 3-ilovaga muvofiq;

aksiz soligʻi boʻyicha 4-ilovaga muvofiq;

Har bir jismoniy shaxs kesimida budjetdan tashqari Pensiya jamgʻarmasiga hisoblangan fuqarolarning sugʻurta badallari summalari toʻgʻrisidagi maʼlumot 4a-ilovaga mkvofiq;

yer qaʼridan foydalanganlik uchun soliq va tijoratbop topilma bonusi boʻyicha 5-ilovaga muvofiq;

suv resurslaridan foydalanganlik uchun soliq boʻyicha 6-ilovaga muvofiq;

yuridik shaxslarning mol-mulkiga solinadigan soliq boʻyicha 7-ilovaga muvofiq;

yuridik shaxslardan olinadigan yer soligʻi boʻyicha 8-ilovaga muvofiq;

benzin, dizel yoqilgʻisi va gaz ishlatganlik uchun olinadigan soliq boʻyicha 9-ilovaga muvofiq;.

yagona ijtimoiy toʻlov va fuqarolarning budjetdan tashqari Pensiya jamgʻarmasiga sugʻurta badallari boʻyicha 10-ilovaga muvofiq;

davlat maqsadli jamgʻarmalariga majburiy ajratmalar boʻyicha 11-ilovaga muvofiq;

davlat boji boʻyicha 12-ilovaga muvofiq;

yagona soliq toʻlovi boʻyicha 13-ilovaga muvofiq;

yagona yer soligʻi boʻyicha 14-ilovaga muvofiq;

qatʼiy belgilangan soliq boʻyicha 15-ilovaga muvofiq;

bozorlar tomonidan olingan daromadlar boʻyicha 16-ilovaga muvofiq;

tovarlarning ayrim turlari bilan chakana savdo qilish va ayrim turdagi xizmatlar koʻrsatish huquqi uchun yigʻimlar boʻyicha 17-ilovaga muvofiq.

2. Belgilab qoʻyilsinki, 2012-yil uchun soliq hisoboti 2012-yilda amal qilgan tartib va shakllar asosida taqdim etiladi.

3. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Moliya vazirligi va Davlat soliq qoʻmitasining 2007-yil 29-dekabrdagi 111, 2007-66-son “Soliq hisobotining shakllarini tasdiqlash toʻgʻrisida”gi qarori (roʻyxat raqami 1760, 2008-yil 21-yanvar) (Oʻzbekiston Respublikasi qonun hujjatlari toʻplami, 2008-y., 3-4-son, 15-modda);

Oʻzbekiston Respublikasi Moliya vazirligi va Davlat soliq qoʻmitasining 2011-yil 15-apreldagi 30, 2011-14-son “Soliq hisobotining shakllarini tasdiqlash toʻgʻrisida”gi qarorga oʻzgartirishlar va qoʻshimchalar kiritish haqida”gi qarori (roʻyxat raqami 1760-1, 2011-yil 30-may) (Oʻzbekiston Respublikasi qonun hujjatlari toʻplami, 2011-y., 22-23-son, 238-modda).

4. Mazkur qaror rasmiy eʼlon qilingan kundan eʼtiboran kuchga kiradi.