Вазирлар Маҳкамаси қарор қилади:

1. Ўзбекистон Республикаси Бош вазирининг ўринбосари Л. А. Ахметов Вазирлар Маҳкамасининг 1996 йил 26 майдаги 194-сон, 1997 йил 27 мартдаги 163-сон қарорлари ва Вазирлар Маҳкамасининг1997 йил 27 мартдаги 120-ф-сон, 1997 йил 8 июлдаги 287-ф-сон фармойишлари билан ташкил этилган Ўзбекистон Республикаси юк оқими Грузия портлари орқали ўтишни мувофиқлаштириш Ҳукумат комиссияси раисининг ўринбосари, Транспорт, алоқа ва туризм соҳасида хизматлар кўрсатиш экспорт имкониятларини ривожлантириш бўлимини ишлаб чиқиш гуруҳи раҳбари, Транспорт ва алоқа корхоналарини қайта рўйхатдан ўтказиш тармоқ комиссияси раҳбари, Қўшни мамлакатларининг темир йўл участкалари орқали давлатлар ичида транзит билан юк ташишларни назорат қилишни мувофиқлаштириш гуруҳи раҳбарининг ўринбосари этиб тасдиқласин, К. Р. Раҳимов кўрсатиб ўтилган вазифалардан озод этилсин.

2. Мазкур қарорнинг 1-бандида кўрсатиб ўтилган Вазирлар Маҳкамасининг қарорлари ва фармойишларига иловага мувофиқ ўзгартириш ва қўшимчалар киритилсин.

3. Белгиласинки, кўрсатиб ўтилган комиссиялар аъзолари бошқа ишга ўтган ҳолларда уларнинг лавозимларига янгидан тайинланган шахслар уларнинг таркибига киритилади.

1. Вазирлар Маҳкамасининг «Ўзбекистон Республикаси юк оқими Грузия Республикасининг Поти порти орқали ўтишини мувофиқлаштириш Ҳукумат комиссиясини ташкил этиш тўғрисида» 1996 йил 24 майдаги 194-сон қароридаги:

қарор ва комиссиянинг номи қуйидаги таҳрирда баён қилинсин:

«Ўзбекистон Республикаси юк оқими Грузия портлари орқали ўтишни мувофиқлаштириш Ҳукумат комиссиясини ташкил этиш тўғрисида»;

«Ўзбекистон Республикаси юк оқими Грузия портлари орқали ўтишни мувофиқлаштириш Ҳукумат комиссияси»;

Вазирлар Маҳкамаси коммуникациялар комплекси котибиятининг мудири С. Ё. Абдураҳмонов, «Ўзавтотранс» давлат корпорацияси раиси Қ. М. Сидиқназаров, Давлат божхона қўмитаси раисининг биринчи ўринбосари С. А. Олимбеков, Ташқи иқтисодий алоқалар вазирининг ўринбосари З. М. Исломов, «Ўзташқитранс» республика ташқи савдо хўжалик ҳисобидаги бирлашма бош директори Б. А. Исмоилов, Ўзбекистон Экспедиторлар ва ташувчилар халқаро уюшмаси раиси Х. С. Матчонов Ҳукумат комиссияси аъзолари этиб тасдиқлансин, Ш. К. Қодиров, А. А. Одилов кўрсатиб ўтилган вазифалардан озод этилсин.

2. Вазирлар Маҳкамасининг «Экспорт имкониятларини ривожлантиришни рағбатлантириш республика кенгашини тузиш тўғрисида» 1997 йил 27 мартдаги 163-сон қарорига 3-иловада:

Коммуникациялар комплекси котибияти мудири С. Ё. Абдураҳмонов, Макроиқтисодиёт ва статистика вазирининг ўринбосари Б. Э. Хўжаев, «Ўзавтотранс» давлат корпорацияси раиси Қ. М. Сидиқназаров, Фан ва техника давлат қўмитаси раисининг биринчи ўринбосари Т. Б. Усмонов, Инвестиция дастурлари департаменти бош мутахассиси Ё. Т, Собитов ишчи гуруҳи аъзолари этиб тасдиқлансин, Ш. К. Қодиров, Г. К. Саидова, Л. А. Ахметов, Т. Т. Рисқиев кўрсатиб ўтилган вазифалардан озод этилсин.

3. Вазирлар Маҳкамасининг 1997 йил 27 мартдаги 120-ф-сон фармойишида:

Коммуникациялар комплекси котибияти мудири С. Ё. Абдураҳмонов, Давлат мулки қўмитаси раисининг ўринбосари Т. З. Тўхтаев, «Ўзавтотранс» давлат корпорацияси раиси Қ. М. Сидиқназаров, Макроиқтисодиёт ва статистика вазирлиги бўлим бошлиғи Д. С. Йўлдошбеков транспорт ва алоқа корхоналарини қайта рўйхатдан ўтказиш комиссияси аъзолари этиб тасдиқлансин, Р. Т. Нуралиев, Ш. К. Қодиров ва О. Н. Веденский кўрсатиб ўтилган вазифалардан озод этилсин.

4. Вазирлар Маҳкамасининг 1997 йил 8 июлдаги 287-ф-сон фармойишида:

Молия вазирининг ўринбосари Ж. А. Қўчқоров ва «Ўзбекнефтегаз» миллий корпорацияси раисининг ўринбосари Х. Б. Жумаев мувофиқлаштириш гуруҳи аъзолари этиб тасдиқлансин, В. С. Беганов, И. А. Зайнутдинов кўрсатиб ўтилган вазифалардан озод этилсин.