Ўзбекистон Республикаси Вазирлар Маҳкамасининг 2025 йил 31 январдаги 55-сон «Божхона йиғимлари ставкаларини тасдиқлаш тўғрисида»ги қарорига мувофиқ буюраман:

1. Ўзбекистон Республикаси Давлат божхона қўмитасининг 2021 йил 25 февралдаги 01-02/8-10-сон қарори (рўйхат рақами 3290, 2021 йил 25 март) (Қонун ҳужжатлари маълумотлари миллий базаси, 25.03.2021 й., 10/21/3290/0236-сон) билан тасдиқланган Товарлар ва транспорт воситаларини белгиланган жойлардан ташқарида ва (ёки) божхона органларининг белгиланган иш вақтидан ташқари вақтда божхона расмийлаштирувидан ўтказганлик учун божхона йиғимларини ундириш тартибида:

1) 2-банднинг бешинчи хатбошиси қуйидаги таҳрирда баён этилсин:

«юк операцияси — божхона назорати остида турган товарларни ва (ёки) транспорт воситаларини ташиш, юклаш, тушириш, қайта юклаш, уларнинг бузилган ўровларини тўғрилаш, уларни ўраш, қайта ўраш ва ташиш учун қабул қилиш;»;

2) 5-банднинг «а» кичик банди, 6-банднинг иккинчи хатбошиси ҳамда илова матнидаги «қайта юклаш» деган сўзлар «юк» деган сўз билан алмаштирилсин.

2. Мазкур буйруқ Ўзбекистон Республикаси Савдо-саноат палатаси билан келишилган.

3. Мазкур буйруқ расмий эълон қилинган кундан эътиборан кучга киради.