Ўзбекистон Республикасининг «Ўзбекистон Республикасининг айрим қонун ҳужжатларига ўзгартиришлар ва қўшимча киритиш тўғрисида» 2024 йил 4 сентябрдаги ЎРҚ-953-сон Қонуни ҳамда Ўзбекистон Республикаси Сайлов кодексининг 14 ва 16-моддаларига мувофиқ, Ўзбекистон Республикаси Марказий сайлов комиссияси қарор қилади:

1. Ўзбекистон Республикаси Марказий сайлов комиссиясининг 2019 йил 11 сентябрдаги «Сайлов ва референдумни ташкил этиш ҳамда ўтказиш соҳасидаги ҳуқуқбузарликларни содир этганлик учун жавобгарликнинг муқаррарлигини таъминлаш тўғрисида»ги 934-сон қарорига иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

3. Мазкур қарорнинг ижросини назорат қилиш Ўзбекистон Республикаси Марказий сайлов комиссияси Раисининг ўринбосари Б. Кучкаров зиммасига юклансин.

1. Қарорнинг 1-банди иккинчи хатбошисидаги «51⁹» рақами «51¹¹» рақами билан алмаштирилсин.

2. 1-иловада:

а) 1-банд қуйидаги таҳрирда баён этилсин:

«1. Ўзбекистон Республикасининг Маъмурий жавобгарлик тўғрисидаги кодексининг (бундан буён матнда МЖтК деб юритилади) 51² — 51¹⁰-моддаларида назарда тутилган маъмурий ҳуқуқбузарликлар содир этилганлиги аниқланганда, Ўзбекистон Республикаси Марказий сайлов комиссияси (бундан буён матнда МСК деб юритилади), ҳудудий, туман, шаҳар, округ сайлов комиссияларининг раиси, раис ўринбосари ёки котиби томонидан, 51¹¹-моддасида назарда тутилган маъмурий ҳуқуқбузарликлар содир этилганлиги аниқланган ҳолларда эса маъмурий ҳуқуқбузарликка оид ишлар МСК раиси, раис ўринбосари ёки котиби томонидан расмийлаштирилади.»;

б) 3-бандда:

биринчи хатбошидаги «51⁹» рақами «51¹¹» рақами билан алмаштирилсин;

қуйидаги мазмундаги тўққизинчи ва ўнинчи хатбошилар билан тўлдирилсин:

«сайлов комиссияси ёки референдум ўтказувчи комиссия аъзоси томонидан фуқароларга бир неча марта ёки бошқа шахслар номидан овоз бериш учун сайлов (овоз бериш) бюллетенлари берилиши;

сайловда иштирок этиш учун ажратилган давлат маблағлари тўғрисидаги оралиқ ёки якуний ҳисоботни сиёсий партия томонидан МСКга тақдим этмаслик ёки ўз вақтида тақдим этмаслик ёхуд ҳисоботда била туриб нотўғри маълумотлар тақдим этилиши.»;

в) 4-бандда:

«51⁹» рақами «51¹¹» рақами билан алмаштирилсин;

«281-моддаларига кўра» сўзларидан кейин «тегишинча» деган сўз билан тўлдирилсин;

г) 9-банддаги «сайлов комиссиялари» деган сўзлар «тегишли комиссиялар» деган сўзлар билан алмаштирилсин;

д) 10 ва 13-бандлардаги «51⁹» рақами «51¹¹» рақами билан алмаштирилсин.