Ўзбекистон Республикаси Президентининг «Ўзбекистон Республикаси ва Ҳиндистон Республикаси ўртасидаги стратегик шерикликни янада кенгайтириш ва мустаҳкамлаш чора-тадбирлари тўғрисида» 2018 йил 4 октябрдаги ПҚ-3958-сон қарори ҳамда Ўзбекистон Республикаси Президентининг «Андижон-фарм» эркин иқтисодий зонасини ташкил этиш тўғрисида» 2019 йил 14 январдаги ПФ-5629-сон Фармонига мувофиқ, шунингдек, фармацевтика тармоғини янада ривожлантириш, тўғридан-тўғри хорижий инвестицияларни жалб этиш, янги иш ўринларини яратиш, мамлакатда ишлаб чиқарилаётган доривор препаратлар ва тиббий ашёлар рўйхатини кенгайтириш мақсадида Вазирлар Маҳкамаси қарор қилади:

1. Қуйидагилар:

а) Ўзбекистон Республикаси Ҳукумати номидан Инвестиция ва ташқи савдо вазирлиги ҳамда «Cadila Pharmaceuticals Ltd» (Ҳиндистон Республикаси) компанияси (кейинги ўринларда — хорижий компания) ўртасида 2019 йил 19 октябрда имзоланган «Андижон-фарм» эркин иқтисодий зонаси ҳудудида фармацевтика маҳсулотларини ишлаб чиқариш корхонасини ташкил этиш тўғрисидаги инвестиция лойиҳасини амалга ошириш бўйича инвестиция шартномаси (кейинги ўринларда — инвестиция шартномаси) тузилганлиги;

б) инвестиция шартномасига мувофиқ хорижий компания қуйидаги мажбуриятларни ўз зиммасига олганлиги маълумот учун қабул қилинсин:

2020 — 2025 йилларда 50,0 млн. АҚШ доллари миқдорида тўғридан-тўғри, 2020-2021 йилларда лойиҳанинг биринчи босқичини амалга ошириш учун камида 10,0 млн. АҚШ доллари микдорида хорижий инвестицияни жалб этиш;

400 та янги иш ўринларини яратиш;

халқаро стандартларга жавоб берадиган ва тармоқдаги илғор амалиётга асосланган фармацевтика маҳсулотларини ишлаб чиқариш ва сифатни бошқариш тизимини йўлга қўйиш.

2. Ўзбекистон Республикаси Ташқи ишлар вазирлиги Инвестициялар ва ташқи савдо вазирлиги буюртмасига мувофиқ инвестиция лойиҳасини амалга оширишда иштирок этувчи хорижий мутахассисларга кириш визаларини белгиланган тартибда расмийлаштирилишини таъминласин.

3. Ўзбекистон Республикаси Ички ишлар вазирлиги хорижий компания буюртмасига мувофиқ инвестиция лойиҳасини амалга оширишда иштирок этувчи хорижий мутахассисларга белгиланган тартибда кўп маротабали визаларнинг берилиши ва муддатининг узайтирилишини ҳамда Ўзбекистон Республикасида яшаш манзили бўйича вақтинчалик рўйхатга олиш ва муддатининг узайтирилишини таъминласин.

4. Ўзбекистон Республикаси Бандлик ва меҳнат муносабатлари вазирлиги белгиланган тартибда хорижий компания буюртмасига мувофиқ Ўзбекистон Республикасига хорижий ишчи кучини жалб этишга (муддатини узайтиришга) рухсатнома берилишини ҳамда хорижий фуқароларга Ўзбекистон Республикаси ҳудудида меҳнат фаолиятини олиб бориш хуқуқини тасдиқловчи ҳужжат берилиши (муддати узайтирилиши) ни таъминласин.

5. Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги хорижий компания томонидан ишлаб чиқариладиган 30 номдаги доривор воситалар ва тиббий аҳамиятга эга маҳсулотларни давлат рўйхатидан ўтказиш учун зарур бўлган барча ҳужжатлар тақдим этилгандан сўнг рўйхатдан ўтказилганлик тўғрисидаги гувоҳнома учун белгиланган йиғим ундирилмаган ҳолда қисқа муддатларда рўйхатдан ўтказилишини таъминласин.

6. Мазкур қарорнинг бажарилишини назорат қилиш Ўзбекистон Республикаси Бош вазири ўринбосари — инвестициялар ва ташқи савдо вазири С.У. Умурзаков ва Андижон вилояти ҳокими Ш.Қ. Абдурахмонов зиммасига юклатилсин.