«Ўзбекистон Республикасида тадбиркорлик тўғрисида», «Ўзбекистон Республикасида кооперация тўғрисида» ва «Ижара тўғрисида» Ўзбекистон Республикасининг қонунлари қабул қилиниши муносабати билан Вазирлар Маҳкамаси қарор қилади:

1. Ўзбекистон Республикаси Ҳукумати қарорларига киритиладиган илова қилинган ўзгартишлар тасдиқлансин.

2. Ўзбекистон Республикаси Ҳукуматининг илова қилинаётган рўйхатга мувофиқ қарорлари ўз кучини йўқотган деб ҳисоблансин.

1. Ўзбекистон ССР Министрлар Советининг «Тураржой қурилиши ва дала уй-қурилиши кооперацияси тўғрисида» 1958 йил 3 июлдаги 434-сон қарори билан тасдиқланган тураржой қурилиши ва дала уй-қурилиши кооперативининг Намунавий уставидаги:

3-банддаги «маҳаллий Совет» сўзлари «халқ депутатлари ноҳия, шаҳар, шаҳардаги ноҳия Кенгаши» сўзлари билан алмаштирилсин;

6-банддаги «шахсий мулк ҳуқуқида дала уйга эга бўлмаган 18 ёшга етган СССР гражданлари» сўзлари «16 ёшга етган фуқаролар» сўзлари билан алмаштирилсин;

11-банднинг «а» кичик бандидаги «муддатсиз фойдаланиш» сўзлари «доимий фойдаланиш» сўзлари билан алмаштирилсин;

20-банддаги «фақат битта дала уй-қурилиши кооперативида» сўзлари «бир неча дала уй-қурилиши кооперативларида» сўзлари билан алмаштирилсин;

36-банднинг «б» кичик бандидаги «суд қарори билан» сўзлари «халқ депутатлари ноҳия, шаҳар, шаҳардаги ноҳия Кенгаши қарори билан» сўзлари билан алмаштирилсин;

23-банд қуйидаги мазмундаги хат боши билан тўлдирилсин:

«Кооперативдан чиқарилганлик юзасидан судга арз қилиниши мумкин».

2. Ўзбекистон ССР Министрлар Советининг «Ўзбекистон ССРда рассомлар учун ижодий устахоналар қурилиши кооперативлари ташкил этиш тартиби тўғрисида» 1982 йил 4 майдаги 335-сон қарори (ЎзССР ҚТ, 1982 й., 5-сон, 17-модда) билан тасдиқланган Ўзбекистон ССРда рассомлар учун ижодий устахоналар қурилиши кооперативининг Намунавий уставидаги:

3-банднинг бешинчи хатбошидаги «шаҳар, шаҳардаги ноҳия» сўзлари «ноҳия, шаҳар, шаҳардаги ноҳия» сўзлари билан алмаштирилсин;

21-банд қуйидаги мазмундаги хатбоши билан тўлдирилсин:

«Кооператив аъзолигидан чиқарилганлик юзасидан судга арз қилиниши мумкин».

3. Ўзбекистон ССР Министрлар Советининг 1983 йил 18 мартдаги 161-сон қарори (ЎзССР ҚТ, 1983 й., 3-сон, 8-модда) билан тасдиқланган уй-жой-қурилиши кооперативининг Намунавий уставидаги:

4-банднинг биринчи хатбошидаги «маҳаллий Совет» сўзлари, «ноҳия, шаҳар, шаҳардаги ноҳия Кенгаши» сўзлари билан алмаштирилсин;

7-банднинг биринчи хатбошидаги «18 ёшга тўлган СССР гражданлари» сўзлари «16 ёшга тўлган фуқаролар» сўзлари билан алмаштирилсин;

13-банднинг биринчи хатбошидаги ва 16-банднинг «а» кичик бандидаги «муддатсиз фойдаланиш» сўзлари «доимий фойдаланиш» сўзлари билан алмаштирилсин;

25-банддаги «қоидага кўра, туриши мумкин эмас» сўзлари «туриши мумкин» сўзлари билан алмаштирилсин;

30-банд қуйидаги мазмундаги тўртинчи хатбоши билан тўлдирилсин:

«Кооператив аъзолигидан чиқарилганлик юзасидан судга арз қилиниши мумкин».

4. Ўзбекистон ССР Министрлар Совети ва Узсовпрофнинг 1986 йил 26 августдаги 422-сон қарори (ЎзССР ҚТ, 1986 й., 8-сон, 3-модда) билан тасдиқланган боғдорчилик ширкатининг Типовой уставидаги:

1-банддаги «муддатсиз фойдаланиш» сўзлари «доимий фойдаланиш» сўзлари билан алмаштирилсин;

8 ва 15-бандлар ўз кучини йўқотган деб ҳисоблансин;

21-банднинг ўн иккинчи хатбошидаги «белгиланган тартибда» сўзлари «судга» сўзи билан алмаштирилсин;

37-банд қуйидаги мазмундаги «в» кичик банд билан тўлдирилсин:

«суднинг қарори билан кооператив қодир эмас деб топилган ҳолда».

5. СССР Министрлар Советининг «Якка тартибдаги меҳнат фаолияти билан шуғулланувчи шахсларга пенсияларни тўлаш тартиби тўғрисида» 1987 йил 3 апрелдаги 402-сон қарори юзасидан Ўзбекистон ССР Министрлар Советининг 1987 йил 14 апрелдаги 161-сон қарори (ЎзССР ҚТ, 1987 й., 4-сон, 18-модда) 1-бандидаги «якка тартибдаги меҳнат фаолияти билан» сўзлари «юридик шахс бўлмай туриб амалга ошириладиган тадбиркорлик фаолияти билан» сўзлари билан алмаштирилсин.

6. СССР Министрлар Советининг «Кооперативлар ва якка тартибдаги меҳнат фаолияти билан шуғулланувчи гражданлар томонидан ишлаб чиқарилган товарларни сотишни ташкил этишни яхшилашга оид чора-тадбирлар тўғрисида» 1987 йил 24 сентябрдаги 1097-сон қарори юзасидан Ўзбекистон ССР Министрлар Советининг 1987 йил 26 октябрдаги 432-сон қарорининг 5-бандидаги «якка тартибдаги меҳнат фаолияти билан шуғулланувчи гражданлар томонидан» сўзлари «ўз фаолиятини юридик шахс бўлмай туриб амалга оширувчи тадбиркорлар билан» сўзлари билан алмаштирилсин.

7. Ўзбекистон ССР Министрлар Советининг «Аҳолига, кооперативларга ва якка тартибдаги меҳнат фаолияти билан шуғулланувчи шахсларга ишлаб чиқариш чиқиндиларини, кондициясиз материалларни ва буюмларни сотишни кенгайтириш, шунингдек, республика корхоналари ва ташкилотларидаги товар-моддий бойликларнинг нормадан ортиқ запасларини қисқартиришга оид қўшимча чора-тадбирлар тўғрисида» 1989 йил 20 апрелдаги 147-сон қарори 3-бандининг биринчи хатбоши, 13-бандининг иккинчи, учинчи ва тўртинчи хатбошларидаги «меҳнат фаолияти билан шуғулланувчи шахсларга» сўзлари «ўз фаолиятини юридик шахс бўлмай туриб амалга оширувчи тадбиркорларга» сўзлари билан алмаштирилсин.

8. СССР Министрлар Советининг «Капитал қурилишдаги ишларнинг аҳволини яхшилашга оид айрим чора-тадбирлар тўғрисида» 1989 йил 30 сентябрдаги 809-сон қарори юзасидан Ўзбекистон ССР Министрлар Советининг 1989 йил 18 декабрдаги 428-сон қарори 6-банди «в» кичик бандининг учинчи хатбошидаги «фойдаланишга топшириш» сўзларидан сўнг «қурилиш буюртмачиси ижара, коллектив ёки хусусий корхона бўлгандаги ҳоллар бундан мустасно» сўзлари билан тўлдирилсин.

1. «Уй-жойлардан фойдаланиш ташкилотларини маблағ билан таъминлашнинг янги тартиби амалда жорий қилинганлиги муносабати билан Ўзбекистон ССР Ҳукуматининг баъзи қарорларини ўзгартиш ва ўз кучини йўқотган деб ҳисоблаш тўғрисида» 1969 йил 28 февралдаги 106-сон қарори (ЎзССР ҚТ, 1969 й., 2-сон, 21-модда)нинг 3-банди.

2. Ўзбекистон ССР Министрлар Советининг 1979 йил 16 июлдаги 495-сон қарорига илова сифатида берилган давлат пошлиналари Ставкалари 5-бандининг «н» кичик банди.

3. СССР Министрлар Советининг «Якка тартибдаги меҳнат фаолияти билан шуғулланувчи кишилардан давлат пошлинаси ва солиқлар олиш билан боғлиқ бўлган масалалар тўғрисида» 1987 йил 17 апрелдаги 466-сон қарори юзасидан Ўзбекистон ССР Министрлар Советининг 1987 йил 4 майдаги 184-сон қарори (ЎзССР ҚТ, 1987 й., 5-сон, 26-модда).

4. КПСС Марказий Комитети ва СССР Министрлар Советининг «Республика бошқарув органларининг фаолиятини такомиллаштириш тўғрисида» 1987 йил 17 июлдаги 824-сон қарори юзасидан Ўзбекистон Компартияси Марказий Комитети ва Ўзбекистон ССР Министрлар Советининг 1987 йил 26 октябрдаги 436-сон қарори (ЎзССР ҚТ, 1987 й., 10-сон, 53-модда) 36-бандининг якка тартибдаги меҳнат фаолиятига кўмаклашиш қисми.

5. Ўзбекистон ССР Министрлар Советининг 1987 йил 3 декабрдаги 590-сон фармойиши.

6. КПСС Марказий Комитети, СССР Министрлар Совети ва ВЦСПСнинг «Аҳолининг иш билан самарали банд бўлишини таъминлаш, ишга жойлаштириш системасини такомиллаштириш ва меҳнаткашлар учун социал гарантияларни кучайтириш тўғрисида» 1987 йил 22 декабрдаги 1457-сон қарори юзасидан Ўзбекистон Компартияси Марказий Комитети, Ўзбекистон ССР Министрлар Совети ва Ўзсовпрофнинг 1988 йил 10 февралдаги 61сон қарори (ЎзССР ҚТ, 1988 й., 2-сон, 5-модда) 5-бандининг охирги хатбоши.

7. Ўзбекистон ССР Министрлар Советининг «Гражданлар патент олиб шуғулланиши мумкин бўлган якка тартибдаги меҳнат фаолиятининг турларини аниқлаш ва патент учун ҳар йили тўланадиган ҳақнинг миқдорини белгилаш тартиби тўғрисида» 1988 йил 29 сентябрдаги 348-сон қарори (ЎзССР ҚТ, 1989 й, 9-сон, 32-модда).

8. Ўзбекистон ССР Министрлар Советининг 1989 йил 5 июндаги 164-сон фармойиши.

9. Ўзбекистон ССР Министрлар Советининг «Ўзбекистон ССР Ҳукуматининг ижара ва ижара муносабатлари масалаларига оид қарорларини ўз кучини йўқотган деб ҳисоблаш тўғрисида» 1990 йил 13 февралдаги 91-сон қарори (ЎзССР ҚТ, 1990 й., 2-сон, 5-модда).